Voy. plus haut p

jusqu'à ce que le Roy fut prins de la les moiitz, dont après il fut délivré.

Ilem^ le vendredy d'après Noël, qui estoit le xxix" de décembre, fut playdée la cause, en Parlement, du dict seigneur de Sainct-Bonnel pour entériner sa rémission qu'il avoir obtenue du Roy, à cause qu'il estoit des complices du dict seigneur de Bourbon ; et en la dicte plavdoierie furent alléguées les conspirations et machinations qui avoient esté faictes contre le Roy ; et tînablement luy fut entérinée sa rémission, après que les gens du Roy y furent apellez, et , en ce faisant, eust par la cour pardon de son meffaict.

(1524.) Au dict an 1523, mardy dixseptiesme jour de février, fut prononcé l'arrest criminel de monsieur de Sainct-Vallier, en la cour de Parlement, présidant le chancelier de France, nommé Du Prat, lequel le Roy, estant à Bloys, avoit envoyé à Paris pour ceste affaire ; et fut le dict arrest prononcé en la dicte cour par Yignolles, l'un des mj notaires et secrétaires de la dicte cour, commis par icelle à ce faire; lequel luy déclara et dict ce mesme jour, que par la dicte cour il estoit condamné à estre décapité en la place de Grève, à Paris, sur un eschafaut, et tous ses biens confisquez au Roy. Et ce mesme jour, au matin, devant la prononciation de l'arrest, le comte de Roussy, nommé de Luxembourg, qui estoit Tilz du filz du feu connestable qui fut décapité à Paris ^, fut commis de par le Roy pour aller en la Conciergerie où estoit prisonnier iceluy seigneur de Sainct-Valliei-, et luy osla le collier de l'ordre du Roy, et luy dit qu'il en estoit privé de par