Jacques de Crussol

estant sufFisamment boulenger de mestier', baillant quelque somme de deniers au grand -pannelier de France ou son lieutenant, et que doresnavant nul bouleni>er ne vendroit pain qui ne fut de son poix. Et a esté et est permis à un chacun achepleur de le faire peser en Tacheptant , et là où il sera trouvé de plus petit poix qu'il ne doit, il y aura confiscation du pain pour la première fois ; et pour la seconde , il y aura une amende de lx l., et pour la troisiesme, il y aura confiscation de corps et biens. Et ce mesme jour furent ostez par la dicte cour, le dict grand pannelier ou son lieutenant, tous les deniers qui estoient en la dicte confreirie des bouiengers ; et fut le cry faict à la requeste et poursuite du dict grand pannetier et de monsieur Brinon, procureur en Parlement, qui esloit lieutenant du dict grand pannetier, qui fist la dicte entreprinse ; et fut lors prins Targent qui estoit en la dicte grande confrairie; et fut dict que doresnavant, il ne seroit plus nulles confrairies, affin d'oster et abastardir icelles et ne plus faire monopoles et assemblées.

L'an 1 524, en may , vindrent à Paris , de l'ordonnance du Roy, des conseillers des quatre parlemens , assçavoir: Rouen, Dijon, Thoulouse et Bordeaulx ; et vindrent de chacun parlement quatre conseillers et un président; et fut pour faire le procez des prisonniers qui avoienl esté prins et amenez à Paris , avec monsieur de Sainct-\ allier, à cause de monsieur de Bourbon ; et les fit venir le Roy à cause que la cour de

i. Cotait revenir à la législation en vigueur sous Philippe le Bel , qui , par un règlement donné en 1 305 , avait déclaré libre le commerce de la boulangerie. Voy. Isambert, t. II, p. 828.

Parlement de Paris ne trouvoit en eiilx nulle cause de mort. Et furent iceulx l'espace d'environ six sepmaines pour voir leur procez, combien qu'il avoit esté jà veu par la dicte cour de Parlement de Paris; mais ilz s'en retournèrent sans rien faire et ne vouleurentrien faire au-dessus de la dicte cour.

Au dict an (1 524) , le lundi septiesme avril après Pasques, le roy de France, de Bloys où il avait laissé la Royne et madame la Régente, vint à Paris en grande diligence. Le lendemain , après disner, en partist et alla coucher à Creil , de là alla coucher à Noyon , de Noyon à la Fère , qui est à monsieur de Vendosme, auquel lieu estoit le dict seigneur de Vendosme qui l'altendoit, puis se retira à Coussy, qui est une forle place, où il se tint en chassant et attendant son armée qu'il faisoit venir après luy, qu'on estimoità douze mil hommes, sans les garnisons qui estoient demeurées là pour la garde des villes. Et ne sçavoit-on bonnement à quelle intention estoit allé le Roy si soudain en Picardie, sinon que ce fust pour surprendre quelcun de ses ennemis, comme le prince de Nance* ou le prince d'Aurenge ; et néantmoins le Roy ne fit rien d'effect en ce voiage , et s'en retourna et arriva à Paris pour son retour, le mercredy quatriesme may ensuivant, après qu'il eut ordonné ses gens d'armes qu'il laissa au pais, et en eust la charge mon dict seigneur de Vendosme avec monsieur de Pont-de-Remy , de Roussy, le comte Dammartin et aultres. Puis le Roy se partit de Paris le vendredy ensuivant et s'en retourna à Bloys voir la Royne et madame la Régente, sa mère.