Nassau

D'UN BOURGEOIS DE PARIS (1524). lUo

(1524) 1523, en février, le Roy pourvoiaut à ses finances avec son conseil, délibéra faire rendre comte à messire Jacques Beaulne, seigneur de Samblançay , natif de Tours et Tun des quatre généraux de France, de toute la charge et administration qu il avoit eue, tout le temps passé, des finances du Roy. Et pour ce faire luy furent ordonnéez six personnes pour ouïr ses comptes , à sçavoir le viel homme du Tillet , le trésorier Meigret, le président Guillard, Berthelot, Sallet et Baudonvillier. Et ordonna le Roy que doresnavant ses finances ne passeroient plus par nulz, fors que par les mains du trésorier Babou , et que rien ne se fairoit plus sans le conseil du Roy, et les trésoriers et généraux des finances n'auroient plus les finances du Roy, et que tous receveurs et gens des finances comptables appprteroient tous les deniers es mains du dict Babou*; ce que fut faict, à cause des larrecins et pilleries qui se faisoient es finances du Roy ; et que le dict de Beaulne demandoit grans deniers au Roy, qu'il disoit luy estre deuz par le Roy, et qu'il avoit faict de grosses acquisitions, mesmement qu'il avoit acquis la ville de TEigle , en Normandie , qu'il achepta de monsieur de Penthièvres, l'un des barons de Bretaigne, lequel de Penthièvres, depuis cette vendition , s'en alla rendre et prendre le party de l'Empereur contre le Roy ^ Or est-il ainsy que le Roy et son conseil s'esmerveilloient des dictes grosses acquisitions et gros baslimens. Le dict de Beaulne avoit achepté la dicte ville de l'Eigle iiii"m. escus d'or. Finablement, environ un an après,