Bussy-Leclcrc, l'un des chefs de la Ligue à Paris

elle ledict sieur de Guise , où ayant trouvé le roy au Louvre, le roy parlant à quelqu'un, fist tarder ledict sieur de Guise quelque temps, puis regardant ledict sieur de Guise, luy dict : Vous voilà, mon cousin, qui vous amène? Lors le sieur de Guise luy dict qu'il estoit venu pour luy présenter son service et apporter sa teste au cas que les parolles que l'on avoit porté de luy fussent véritables. Le lendemain ledict sieur de Guise fut derechef saluer le roy, et le mercredy d'après, et entra le roy en défiance dudict sieur de Guise pour le respect que le peuple de Paris avoit vers luy, de sorte que ce jour on donna ordre que le jeudy au matin l'on feroit entrer les suisses dedans Paris ; et ayant le roy la clef de la porte Saint-Honoré de grand matin auparavant que les portiers fussent arrivés, on fist entrer lesdicts suisses qui pstoient envyron 6,000, et furent mis avec partie dedans le cimetière des Innocents, et une partie dedans le Marché neuf, et aultre partie dedans la Grève, afin que par après le roy eust moyen de prendre à sa dévotion ceulx qu'il vouloit faire exécuter de sa Ligue, et principalement les dessus nommés Toutefois le peuple de Paris se trouva fort estonné de ceste façon de faire, de sorte que en ung moment prendrentles armes, tendirent les chaisnes, firent barricades et environnèrent les suisses, lesquels se trouvèrent tout estonnés; mesmement le mareschal d'Aumont voyant ceste façon de faire, fut reporter au roy qu'il n'y avoit moyen de sauver les suisses, et mesmement ses gardes, lesquels tous estoient environnés de barricades, et se trouva le roy estonné. Cependant les Parisiens estoient toujours vis-à-vis des suisses sans frapper, l'ung sur l'aullre,

jusques à tant qu'un suisse eust tiré sur ung tapissier, lequel il tua sur la place, et lors les parisiens tyrèrent sur eulx, tellement que il en demeura quelques cens ou six vingt en la place, et plusieurs furent blessés de la part de ceulx de Grève ; quant aux aultres parts, il n'y eust personne de blessés ; toutefois estoient de telle sorte serrés lesdicts suisses et gardes du roy, qu'ils demeurèrent à la mercydes parisiens, lesquels les eussent tous mis en pièces, n'eust esté que le sieur de Guise les dégagea et avoit ledict sieur de Guise quelques capitaines, lesquels avoient leur gouvernement delà les ponts comme le sieur de Brissac, les aultres de décales ponts, comme le capitaine de Saint-Paul et Bois-Dauphin, tant y a qu'en fin les suisses et gardes du roy se retirèrent à la sauvegarde du sieur de Guise, auquel lesdicts suisses dirent que jamais ils n'entendoient faire guerre contre luy, ny mesmement contre ledict peuple de Paris, et de faict prinrent congé du roy, disant que déjà plusieurs fois, il les avoit mis en tel danger, savoir est à Oneau et aultres lieux, et qu'ils n'entendoient faire guerre contre les catholiques et pour ce ayant prins congé de luy, s'en allèrent en leur pais.

Cependant l'on cantonna encore les suisses et gardes du roy se fussent retirés des places dessus dictes de faire leur garde , et outre sur ces entrefaictes sur les 10 heures du soir ce dict jour le sieur de Guise passa au travers des gardes bourgeoises, et à chaque maison y avoit une torche ardente devant la porte, et en passant saluoit les bourgeois en les remerciant. Et le lendemain vendredy le peuple ne cessa de se tenir sur ses gardes,

faire fausses alarmes afin de se tenir toujours en révolte

2i4f JOURNAL

jusques à l'après disner, que la reyne-mère passa portée par deux suisses, et accompagnée de MiM. de Lansac et de Villequier et aultres pour aller saluer M. de Guise en son hostel, et tascher à pacifier toutes choses, où estant entrée, ledict sieur de Guise vint audevant d'elle et commença à crier tout liault : Ma Dame il est trop tard. Lors elle dict audict sieur de Guise : Encore que je soye venue à tard, vous me permetterez ceste licence de vous dire ung mot? auquel ledict sieur dict : Ouy da, ma dame, autant qu'il vous playra, et lors entrèrent ensemble au jardin estant séparés du peuple, et escript ladicte reyne-mère ce que ledict sieur lui nommoit, et sur ces entrefaictes le roy croyant son mauvais conseil et estant en crainte auparavant que sa mère fut de retour s'en alla aux Capucins * où il se botta et s'en alla ayant faict enfoncer les lacs, craignant qu'on ne le poursuivit, et coucha à Trapes et delà à Chartres. Le samedy ensuivant le peuple se contint sans faire aulcune émeute ny pillerye, et le tout par la prudence du sieur de Guise : vray est que quelques vagabonds cherchoient des huguenots, et mesmement ceulx qu'ils trouvoient avoir esté autrefois hérétiques, lesquels toutefois s'estoient recognus,et de faict trouvèrent ung marchand vendeur de marée lequel ils prirent et voulurent mettre à rançon, et à la fin le conduisirent devant le sieur de Guise : lors ledict marchand se prosterna devant ledict sieur disant que véritablement autrefois il avoit esté de ceste nouvelle opinion, mais qu'il estoit retiré et du depuis avoit persisté à la religion catholique etromainej

1. Aux Tuilcrii^s. ilil i]o Tlioii. La rriiie iihtc resta a Paris.

pourquoyledict sieur de Guise tensa ceulx qui luy avoit amené ledict marchand, et tirant son espée blessa ung de ceulx de ladicte compagnie; à l'occasion de quoy le lundy ensuivant fut faict ungcry avec deffense de n'emprisonner personne sinon par autorité de justice; et quelque temps après les bourgeois de la ville s'emparèrent du Chastelet, Hostel de ville et du Palais, lesquels ils quittèrent tout après que le sieur de Guise se fut emparé de la Bastille où il constitua ung nommé Le Clerc, procureur de la cour, maistre de ladicte Bastille, et en osta le Chevalier du Guet, et lors faict sortir desdictes prisons ung fou nommé Feuillet lequel le roy avoit faict porter, parce qu'il avoit dict que le peuple s'en plaignoit de ce qu'on avoit adjoint cent sols d'impôt sur le sel, et assurant le roy que luy eust faict dire pour en tirer la vérité le feit fouetter, puis après le voulut relascher. Toutefois ledict Feuillet ne se voulut habiller, disant qu'il se vouloit montrer au peuple en tel estât, donnant à entendre qu'il avoit esté fouetté pour soutenir le bien public ; et à ceste occasion le roy le feit mettre dedans la Bastille, craignant l'esmotion populaire et faisant sortir ledict Feuillet, fut mis à sa place Ferreuse, maistre des requeste, prévost des marchands S et Lugoli, eschevin, s'en alla avec le roy. Leconte se cacha ^ et demeurèrent Sainctyon et Bonard sans se cacher, disant qu'ils n'cstoient de la conspiration contre le peuple 3. Toutefois le mercredy ensuivant