Suivent cinquante noms de conseillers
m JOURNAL [1419]
de Grantchamp, le prevost des marchans, m. N. de Lespoisse, m. B. des Bordes, m. J. Milet, m. J. de Lespine, Gauvain Trente, J. de l'Olive, m. J. Ghoart, J. Trotet, Erart Rousseau, J. de Gompans. En la présence desquelz furent leuz les advis des commissaires ordonnés pour entendre à la police et bon gouvernement de Paris, desquelz furent leuz tant seulement ceulz qui a voient esté fais ou regard de la justice ; et avec ce feust leue certaine cedule ad visée et faicte par les dessusdis commissaires pour pourveoir de personne ydoine et souffisante à la prevosté de Paris ou lieu de messire Guy de Bar, selon la teneur de ladicte cedule, laquelle cedule avec lez advis dessusdis furent ratiffiez et approuvez oudit Conseil. Et fu ordonné que, pour pratiquer et exécuter le plus gracieusement que faire se pourroit et sans esclande le contenu en ladicte cedule, monseigneur le Ghancelier, le premier président et les autres seigneurs députez et ordonnez par le Roy à conseillier ledit conte de Saint-Pol, assembleroient par devers luy, après disner, pour faire en la besoingne dessusdicte ce qu'il appartendra pour le miex et le
plus expédient.
Conseil, XIV (Xi» 1480), fol. 168.
Jeudi, XX vj® jour de janvier.
Le conte de Saint-Pol fîst assembler le Gonseil en la Ghambre de Parlement, comme avoit fait le jour précèdent, et oudit Gonseil fust faicte lecture du seurplus des advis fais et ordonnez par les commissaires de la police, lesquelz advis furent agréables, ratiffiez et approuvez oudit Gonseil, ouquel fu ordonné que, pour mettre à execucion aucuns d'iceulx advis et pour plus plainement pourveoir hastivement sur aucunes
choses touchant esdis advis, messeigneurs Anthoine de Vergy, H. de Lannoy, chevaUers, m. G. de Glamecy, m. G. Le Clerc, m. P. Canteleu, G. Sanguin, G. Trente, Germain Vivian, J. Trotet et Garnot de Saint-Yon s'assembleroient ce jour, à deux heures après midy, en la Chambre du Conseil, leiz la Chambre des Comptes, avec les trésoriers et gouverneurs dez finances de ce royaume S pour conférer ensamble des choses dessusdictes et aussi pour adviser manières d'avoir finances pour le paiement des gens d'armes et l'exécution des choses dessusdictes.
Conseil, XIV (X*» 1480), fol. 168.
Samedi, xxviij® jour de janvier.
Furent assemblez au Conseil en la Chambre de Parlement les presidens et les conseilliers des Chambres dudit Parlement, et y survindrent le conte de Saint- Pol, le Chancelier, le sire de Chastelluz, le sire de Montberon, messire Guy de Bar, prevost de Paris, messire Anthoine de Vergy, le sire d'Autrey, messire Hue de Lannoy, le sire de Chevreuse, maistre Philibert de Montjeu, maistre Estienne Grasset, maistre Miles d'Angeul, maistre Giles de Clamecy, le prevost des marchans, les eschevins et pluiseurs autres de la ville et Université de Paris, en la présence desquelz furent leues certaines lettres du Roy et du duc de Bourgongne, adreçans les unes à la Court de Parlement, les autres au Chancelier, les autres audit prevost de Paris; lesquelles lettres estoient en efFect pareilles, faisant mencion comment le Roy avoit ordonné ledit conte de
1. Jean Guérin, Jean de Précy, Jean Le Goix et Guillaume Le Clerc étaient trésoriers de France, gouverneurs généraux des finances.
244 JOURNAL [i4i9J
Saint-Pol à la garde et gouvernement de Paris, et en sa compagnie certains capitaines, en deschargant de ladicte garde ledit messire Guy de Bar, prevost de Paris, et appointié ledit prevost aler en certaine ambassade^ pour le très grant bien de ce royaume, et pour ce que ladicte ambassade estoit hastive, le Roy et le duc de Bourgongne escripvoient aux dessusdis, afin de le faire partir et avancier le plus brief que faire se pourroit, pourveu de lieutenant souffisant à ladicte prevosté. Et, après ce, les dessusdis, à qui lesdictes lettres adreçoient, exhortèrent ledit prevost à faire ce que le Roy avoit ordonné et escript, à quoy il se offry, et à laissier lieutenant souffisant, selon Tadvis et ordonnance de ladicte Court et assistens dessusdiz. Et, sur ce, le conte de Saint-Pol, le Chancelier et les autres chevaliers dessusdis, à la relacion et tesmoingnage dudit de Montberon et autres, nommèrent pour lieutenant criminel dudit prevost maistre Guillaume de Pourbail; mais de par la Court n'en fu aucun esleu ne nommé, et fu dit à messire Guy de Bar qu'il estoit bon et sage pour faire et pourveoir sur ce ainsy qu'il appartendroit^.
Conseil, XIV (X*» 1480), fol. 168 v".
1. Effectivement, au mois de février 1419, Guy de Bar et Jacques de Courtiamble furent envoyés de Provins par Jeansans-Peur auprès du duc Amédée VIII de Savoie, qui avait épousé Marie de Bourgogne, sa sœur, probablement pour combattre et neutraliser les tentatives faites par le Dauphin à l'effet d'obtenir le concours du duc de Savoie. Ces députés se trouvaient encore le 25 mars à la cour du duc de Savoie et y revinrent à plusieurs reprises (cf. de Beaucourt, Histoire de Charles VII, t. I, p. 313, note, 314, note).
2. Tout ce paragraphe a été reproduit par D. Félibien, Histoire de la ville de Paris, pièces justificatives, t. IV, p. 576.
Mardi, xxxj® jour de janvier.
Furent assemblez au Conseil en la Chambre de Parlement le conte de Saint-Pol, le Chancelier de France, messire Phelippe de Morvillier, m. J. de Longueil, presidens, le sire de Montberon, messire Anthoine de Vergy, m. Hue de Lannoy, m. Philibert de Montjeu, m. Estienne Crasset...^ m. Giles de Clamecy, le prevost des marchans et eschevins de Paris, m. P. de Canteleu, J. Guerin, J. de Precy, m. J. de la Marche, m. G. Le Clerc, m. N. de Savigny, m. G. Intrant, m. H. Rapiout, m. G. de Grandchamp, J. de rOlive, Colin Vivian, Erart Rousseau et pluiseurs autres notables bourgois et habitans de la ville de Paris, pour obvier et pourveoir à certains empeschemens et manières exquises par aucuns habitans de ladicte Ville, si comme on disoit, pour empescher ou délayer l'execucion de certains advis autresfoiz publiez et approuvez, fais par les commissaires de la police ou regard de la justice et prevosté de Paris. Et, sur ce, le procureur du Roy requist oudit Conseil que on fist mettre à execucion yceulz advis le plus brief et hastivement que faire se pourroit. Et finablement, par Tadvis et deliberacion des dessusdis, fu conclu que lesdis advis seroient mis à execucion, et furent de rechief ratifiiez et approuvez par les dessusdis assistens oudit Conseil et aussi par les députez de l'Université qui survindrent oudit Conseil.
Conseil, XIV (Xi» 1480), fol. 169.
Venredi, iij® jour de février.
Furent au Conseil assemblez en la Chambre de
