Suivent les noms de dix-neuf conseillers

accordées par mesdis seigneurs selon la copie ou double d’icelles minues, qui sont demourées à court, collationnées deuement, la grosse desquelles fut baillée audit prevost des marchans pour icelles envoier et faire porter en toute diligence.

Lundi, xvj° jour de janvier.

Ce jour, la Court, oye la relacion de mons" maistre Jehan de Saint-Romain, conseiller du Roy nostre Sire en icelle Court, lequel par l'ordonnance d’icelle s’est informé sur les necessitez, tant de vivre comme autrement, que ont et seuffrent chascun jour les povres prisonniers estans en la Conciergerie du Palais, a ordonné et ordonne que, par maniere de provision et jusques à ce que autrement en soit ordonné, Maciot Le Verrier questera et pourchassera yceulx prisonniers, en disant telz moz : Bonnes gens, faictes voz aumosnes aux povres prisonniers estans es prisons de la Conciergerie du Palais, et les aumosnes que icellui Maciot recevera il apportera en ladicte Conciergerie pour icelles distribuer ausdiz prisonniers egalment par le geolier d’icelles prisons. Et a ledit Maciot fait le serement en tel cas acoustumé. Et aura icellui Maciot pour faire icelle queste une boiste de questeur estant devers la Court, laquelle il a promis raporter devers icelle Court, toutesfois que par elle ainsi sera ordonné.

Conseil, XV (X!*1481), fol. 113 r° et v°.

Mercredi, xviij° janvier ensuivant.

Ce jour, mess'* maistres Jaques Branlart et Guillaume Cotin, commissaires deputez en la cause pendant ceans entre frere Thomas Pasqueux, d’une part, et frere de la Houssiere, contendans du prioré de Saint-Eloy, d’autre part, ont dit par l’ordonnance d’icelle Court à maistres Jehan Paris, Guillaume David et Robert Cothereau, pro-

cureurs desdictes parties, qu'ilz monstreront, demain après disner, à yceulx procureurs les lettres et papiers par eulx trouvez au tresor dudit prioré de Saint-Eloy, en faisant la visitation desdictes lettres qui leur semblerent servir pour le droit desdictes parties à la matiere et procès dont est question, afin d’eulz en aidier, se bon leur semble, après ce toutes voyes que lesdiz procureurs ont juré et promis par serement de non eulx aidier desdictes lettres contre ledit prioré de Saint-Eloy en autres causes, ne d’icelles lettres en advertir aucuns de leurs maistres.

Conseil, XV (X!21481), fol. 113 vw.

Mercredi, premier jour de fevrier.

Ce jour, mesdis seigneurs estans au Conseil, vindrent devers eulz maistres Hugues Rapiot et Jehan Le Duc, conseillers du Roy nostre Sire au Tresor, afin d’avoir l’oppinion de la Court sur certaine difficulté qu’ilz disoient avoir sur le jugement de certain procès meu devant eulx entre Colin Le Barbier, nagueres geolier de la Conciergerie de ce Palais, d’une part, et Jehan Cardon, dit Tout Rond, à present geolier d'icelle Conciergerie, d’autre part, qui estoit sur ce que ledit Colin requeroit estre receu à doubler et tiercer ladicte ferme, en quoy le Roy auroit grant prouffit, à quoy ledit Tout Rond respondoit que ledit Colin ne devoit estre receu, pour ce que par arrest de la Court il en avoit esté privé et debouté. Oyes lesquelles choses et veu par mesdis seigneurs l’arrest dont dessus est parlé, fu deliberé par eulx que sur ce ilz ne donneroient point d’oppinion, consideré que du jugement desdis du Tresor on povoit appeller en la Court, mais leur seroit dit de par la Court qu’ilz feissent raison et justice ausdictes parties, comme bons et saiges qu’ilz estoient.

Conseil, XI (X'° 1481), fol. 114 v°.

Samedi, xj° jour de fevrier.

Au Conseil, furent après disner m. Robert Piedefer, m. Ja. Branlart, m. J. Vivien!...…..

Sur ce que messire Gilles, seigneur de Clamecy, chevalier, et Guillaume Le Muet, changeur du Tresor, sont venuz dire à mesdis seigneurs, de par le Grant Conseil, que, cedit jourdui du matin, eulx estans assemblez, leur estoient venues nouvelles que bien bref gens de petit estat estans en ceste Ville devoient faire commocion et devoient aler en la Conciergerie querir messire Jehan de la Haye?, chevalier, long temps a prisonnier, pour en faire leur chief et capitaine, pour obvier à laquelle commocion mesdis seigneurs du Grant Conseil avoient envoyé aucuns sergens en ladicte Conciergerie afin de prandre et mener ledit de la Haye, prisonnier, ou Grant Chastellet, où il a semblé à mesdis seigneurs qu’il sera plus seurement que en ladicte Conciergerie, où chascun qui veult parle à lui chascun Jour, lequel de la Haye, si tost qu’il a aperceu lesdiz sergens, leur a dit que s’ilz vouloient prandre ou toucher à sa personne pour le transporter hors de ladicte Conciergerie, il appelloit d’eulz et de leur puissance, et aussi du prevost, et leur defendoit sa personne, obstant lesquelles parolles dudit de la Haye lesdis sergens, doubtans d’atempter, differerent