Jean de Précy, le trésorier

12. Jean Le Clerc, l’ancien chancelier de France (1420-1425).

13. Raoul Le Sage, conseiller du roi d'Angleterre et du duc de Bedford, maître des requêtes de l'hôtel.

Et furent leues les ordonnances et fais les seremens acoustumez. Et en oultre fu fait le serement de nouvel ordené estre fait es mains du Roy par les gens de son Grant Conseil et ses autres conseilliers et officiers estans à Paris. Et firent ycellui serement les presidens, conseilliers et tous officiers et autres estans en la Chambre dudit Parlement, qui n’avoient fait ledit serement, duquel la teneur s’ensuit.

Vous jurez et promettez que à nostre souverain segneur Henry par la grace de Dieu, Roy de France et d’Angleterre, cy present, vous obeirez diligemment et loyalment et serez ses loiaulz officiers et vrais subgiez de ses hoirs perpetuelment, comme vray Roy de France, et que jamais a nul autre pour Roy de France ne obeirez ou favoriserez. Item, que vous ne serez en aide, conseil, ou consentement que nostredit souverain segneur, ne ses hoirs de France et d'Angleterre, perdent la vie ou membre, ou soient pris de mauvaise prise, ou qu’ilz seuffrent dommage ou diminucion en leurs personnes de leurs estas, segnouries ou biens quelconques; mais se vous savez ou congnoissiez aucune chose estre faite, pourpensée ou machinée qui leur puist porter dommage ou prejudice, ou à leurs adversaires prouffit, aide, ou confort, ou faveur, comment que ce soit, vous l’empescherez en tant que vous pourrez et saurez, et pour vous mesmes par messages ou lettres le ferez savoir ausdiz rois, ou à leurs principaulz officiers ou autres leurs gens et bienvueillans ausquelz pourrez avoir accez, tout le plus tost qu’il vous sera possible, sans dissimulacion aucune; et entenderez et vous emploierez de tous voz povoirs à la garde, tuicion et defense de sa bonne ville de Paris!.

1. Voir le texte de ce serment dans le Journal d’un bourgeois de Paris, p. 278, note. Il est à noter que Clément de Fauquem-

Et après le serement fait par les dessusdis, le Roy dist en anglois, et fist dire par ledit conte de Warwich que le Roy les garderoit et maintendroit. Et en après fist dire que s’aucuns vouloient faire hommage au Roy, ilz y seroient receuz. Et incontinent se leverent et firent hommage, le conte Staford de la conté du Perche, le bastard de Saint-Pol et autres de terres et segnouries à eulz données par le Roy.

Conseil, XV (X121481), fol. 48 r°.

Lundi, dernier jour de decembre.

Ce jour, maistre Guillaume Cotin a esté commis par la Court ou lieu de feu maistre Gauchier Jaier au gouvernement du college de Beauvais, dit des Dormans, fondé à Paris, avec ledit de Chancey, president.

Conseil, XV (X!*1481), fol. 48 v°.

bergue ne dit mot des demandes raisonnables que le Parlement adressa au roi d'Angleterre et que mentionne l’auteur du Journal, demandes qui furent favorablement accueillies.

1. Voir à la date du 10 janvier 1421 la décision du Parlement chargeant J. Aguenin, président, et Philippe de Rully, conseiller, du gouvernement du collège de Beauvais, fondé par le chancelier Jean de Dormans (Journal de Fauquembergue, t. IL p. 2).

Samedi, xxvj° jour de janvier.

La Court a commis et commect ou lieu de maistre Richart de Chancey, president en Parlement, durant son absence, au fait et gouvernement du college des Dormans, maistre Phelippe de Nanterre, conseillier du Roy, pour y vaquer et entendre avec maistre Guillaume Cotin, conseillier du Roy, autrefois à ce commis.

Ce jour, ont esté assemblez en la Chambre de Parlement les presidens et conseilliers d’icelle Chambre et de la Chambre des Enquestes pour deliberer et adviser maniere de jugier et expedier les causes et procès de la Court et les causes des prisonniers. Et pour ce que le Roy ne povoit bonnement acroistre, ne paier plus grant nombre de conseilliers oultre le petit nombré de ceulz qui y sont, yceulz presidens et conseilliers ont deliberé et advisé de soy assembler es jours de venredi et samedi en la Chambre de Parlement pour en envoier une partie d’eulz en la Tournelle criminele à l’expedicion des procès criminelz; et l’autre partie d’eulz demourra en ladicte Chambre de Parlement pour jugier et expedier les autres procès. Et ainsi en ces deux jours cesseront de besoingnier en la Chambre des Enquestes.

Conseil, XV (X'° 1481), fol. 49.

Mardi, xxix° jour de janvier.

Après les plaidoieries, messire Loys de Lucembourg, evesque de Theroenne, chancelier, les evesques de

Beauvais, Noion et Paris, vindrent ceans pour eslire ung president et s’assemblerent en la Tournelle criminele, et procederent au fait de l'élection dudit president par maniere de scrutine, qui ne fu mie ce jour publié, pour ce que ledit Chancelier le volt premierement rapporter au duc de Bedford.

Le dernier jour de janvier, en la Chambre des Enquestes, a esté appoinctié que en la cause d’entre les proprietaires de la Hale des basses merceries!, d’une part, et la communaulté du mestier de peleterie?, d’autre part, que yceulz proprietaires apporteront et metteront devers la Court leur tiltre par lequel iz se dient avoir pris ladicte Hale du Roy, les ordonnances sur le fait d’icelle Hale, ensemble les sentences qu'ilz se dient avoir obtenues contre lesdiz peletiers, ou aucuns d’eulz, le x° jour de may mil cocc x, le 1j° de septembre et le xv° de novembre m cccc x1. Et pareillement apporteront et mettront devers ladicte Court lesdiz de la communaulté des peletiers les ordenances sur le fait de leur dit mestier de peleterie, ensemble les ordenances sur le fait des Hales autres que de la Hale dessusdicte des basses merceries. Et avec ce lesdictes parties, presens ou appellez maistres Hugues Le Coq, Mahieu Courtois, Pierre Pilory et Phelippe de Nanterre, conseilliers du Roy, et à ce faire commis de par la Court, appellez avec eulz deux maistres maçons et

1. Les Halles des hautes et basses merceries se tenaient près du cimetière des Innocents et de la rue de la Lingerie.

2. Il y avait deux communautés distinctes, celle des pelletiers-haubaniers, marchands de peaux, et celle des pelletiers fourreurs d’habits, qui cousaient et doublaient les vêtements ; ceux-ci reçurent leurs statuts en 1369 et 1395.

deux maistres charpentiers jurez, se transporteront en ledicte Hale, et la verront, et feront visiter et mesurer les estaulz de ladicte Hale, la largeur de chascun d’iceulz estaulz, les tabletes estans en yceulz, la largeur du portail et l’esgout d’icelle Hale, tout du costé devers la ganterie, ensemble l’estal estant en ycelle ganterie à l'endroit dudit portail, et ce fait et rapporté devers la Court, elle fera droit aux parties.

Conseil, XV (X1*1481), fol. 49,

Venredi, vuj*, et samedi, 1x° jours de fevrier.

Furent au Conseil messire Phelippe de Morvillier, president...

À conseillier l’appoinctement sur la requeste de maistre Jaques Branlart, conseillier du Roy, chevecier de l’eglise de Saint-Merry, d’une part, à l’encontre des marregliers de ladicte eglise.

Appoincté que maistres Guillaume Intrant et J. Luillier, advocas, demourront au conseil dudit Branlart et chapitre de Paris, adjoint avec lui contre lesdis marregliers; et au conseil desdis marregliers seront et demourront m* J. Labbat, R. de la Haiïe; et des autres advocas de ceans auront tant que bon leur sem-

blera.

Conseil, XV (X!*1481), fol. 49 v°.

Lundi, xj° jour de fevrier.

Furent au Conseil messire Phelhippe, seigneur de Morvillier, president, m° Girart Perriere, m° Hugues de Dicy, m° G. Cotin, m° Barthelemy Le Viste et les