Il remplaçait le connétable de Bourbon

XI* d'aoust. Ung peu paravant, Monsieur le connestable en estoit party avec une grande partye de l'armée et estoit venu à Gilestre ^ . Quant sceut que le Roy estoit à Ambrun, il feyt passer l'armée par le nouveau chemyn, laquelle mist trois jours à passer, et cependant ledict connestable envoya deux ou trois cens lances à Ours pour amuser les Suysses qui estoient à Suze, pensans que le Roy deust passer par le mont de Genesvre ou le mont Senys.

Le Roy demoura deux jours à Ambrun, et, quant fut adverty que Monsieur le connestable et une grande partye de l'armée estoyent passez, fut fort joyeulx. Lors fyt cryer que tous ceulx de sa suyte se pourveussent de vivres pour trois jours et qu'on ne portast poinct de bagages et que tous les mulletiers, qui portoient vivres, tentes et aultres choses nécessaires, n'eussent à se mectre en chemyn jusques à ce que les gens de cheval et de pied fussent partis, ains demourassent derrière.

Le Roy partit d' Ambrun le xiii" jour d'aoust et veint à Guyllestre, et le lendemain partit pour passer le nouveau chemyn, se feyt armer de toutes pièces, excepté l'armet, et ordonna que tous les princes et seigneurs fussent armez.

De Guillestre, ledict seigneur vint disner à ung village qui se nomme Sainct-Pol~, distant de trois grandes lieues dudict Guillestre.

Audict lieu eust nouvelles que Prosper CouUonne,