Guillestre, dép. des Hautes-Alpes, arr. d'Embrun

2. Saint -Paul- sur- Ubaye, arr. de Barcelonnette (Basses- Alpes).

1515] DE JEAN BARRILLON. 99

qui estoit envoyé par le Pape pour se joindre aux Suysses contre ledict seigneur, avoit esté prins et toute sa bande rompue et deffaicte.

Ladicte prinse fut faicte comme s'ensuyt, ainsy que j'entendis lors audict lieu de Sainct-Pol.

Après que Monsieur le connestable eut passé les monts et fut venu en la playne de Piedmont, le mareschal de Ghabannes fut adverty par ung espye, qu'il avoit envoyé sur le champ ^ que ledict Prosper Goullonne avec sa bande estoit en une petite vallée nommée Villefranche^, près Montcallier% de la rivière du Pau, lequel Prosper ne scavoit pas que nostre avantgarde eust passé les montz et ne faisoit pas grand guect. Ledict mareschal en advertyt le capitaine Bayard, le s"" d'Ymbercourt et le s"" d'Aubigny, lesquelz, après l'avoir signiffié à Monsieur le connestable, délibérèrent d'aller courir avec leurs gens jusques audict lieu de Villefrance ; ce qu'ilz firent et passèrent à gué la rivière du Pau, qui lors estoit basse, et arrivèrent jusques aux portes de Villefranche sans estre descouvertz ne apperceuz; et, quand ceulx qui faisoient le guect en ladicte ville veirent les Françoys, voullurent clorre les portes et lever les pontz-levys, mais lesdictz François à course de chevaulx arrivèrent sy tost ausdictes portes que ne peurent estre closes et feurent gaignées. Et, combien que ledict Prosper eust esté ung peu paravant adverty de la venue desdictz François, toutesfoys n'en voulloyt riens croire, ains s'en

1. M. de Pommerville, d'après le Journal cPun bourgeois de Paris, p. 17.