Vercelli, prov. de Novare
2. Le texte de ces instructions a été collationné sur le ms. de la Bibl. nat., fonds Clairambault 317, fol. 4613, et sur le ms. f. fr., 16945, fol. 190. — On ne peut dater cet acte que de la fin d'août 1515.
de brief contre les Infidelles et pour conserver pour icelle guerre ceulx qui pourroient périr et estre occis, s'ilz venoient à avoir bataille, ensemble sera content ledict seigneur, pour avoir paix, amytié et intelligence avec eulx, faire ce qui s'ensuit.
C'est assavoir que entre ledict seigneur et eulx sera faicte une paix, amytié, alliance et confédération perpétuelle et indissoluble, sans fraulde ne malengin, et telle qu'ilz seront amys des amys et ennemys des ennemys, à la tuition, garde et deflPence de leurs personnes, terres et seigneuryes et aussy pour oflPenser ceulx qui leur tiendroyent aulcun tort et contre lesquelz auroient juste querelle. Et en ladicte paix, amytié et confédération seroient comprins les amys, alliez et confédérez d'ung costé et d'aultre, lesquelz pourroient nommer dedans trois mois prochainement venant; et, si d'ung costé ou d'aultre estoit nommé quelqu'un qui teint tort à l'aultre, il ne sera comprins que préalablement il n'ait réparé icelluy tort. Sy le Roy avoit affaire de leurs hommes pour la guerre qu'il veult faire contre les Infidelles ou pour la tuition et deffense de son royaume, païs, terres et seigneuryes, ou pour offenser quelqu'un qui luy tiendroit tort ou contre lequel auroit juste querelle, lesdictz seigneurs des Ligues seront tenuz bailler de leurs hommes audict seigneur à tel nombre qu'il en demandera en payant. Aussy ledict seigneur, pour la tuition et deffence de leur païs et pour offenser ceulx qui leur tiendroient tort et contre lesquelz auroient juste querelle, leur baillera de ses gens h cheval jusques à tel nombre qu'il sera entre eulx advisé. Et, moyennant ladicte paix, alliance, amytié et confédération, ledict seigneur leur donnera quatre cens mil escuz d'or payables pour une fois à quatre termes, dont le premier commencera à la feste de Noël prochainement venant et le reste se payera d'an en an audict jour jusques à fin de payement. Plus, ledict seigneur leur donnera ung chascun an sur sa duché
de Milan, tout ainsy et par la forme et manière que faisoit Maximilian Sforce, quarante mil escuz, moyennant lesquelz seront tenuz faire semblables obligations et promesses qu'ilz avoient faictes audict Maximilian pour la garde et conservation de la duché de Milan. Aussy ledict seigneur payera trois souldes et payes aux hommes desdictz seigneurs des Ligues estans de présent au camp contre luy, dont la première sera baillée contant, la seconde au bout de six mois prochains et l'autre au bout de six mois lors ensuivans.
Pareillement leur donnera ledict seigneur trois cens mille escuz soleil payables en cinq ans, dont le premier commancera au premier jour de juillet prochainement venant et le reste sera payé d'an en an audict jour jusques à fin de payement; et par ce moien seront dès à présent tenuz bailler et délivrer royaument et de faict iceulx seigneurs des Ligues Lugan et Lucarne et aultres terres qu'ilz tiennent en ladicte duché de Milan depuys la guerre en çà. Et, pour la seureté desdicts payemens et chascun d'iceulx payables aux termes dessusdictz, obligera ledict seigneur ladicte duché de Milan et comté d'Asti tant et sy avant que on pourra faire en tel cas. Et oultre pour l'amour d'eulx sera ledict seigneur contant donner à Maximilian Sforce une duché en France de bonne valleur, cens lances et une grosse pension, et le marier haultement à quelque dame de lignage d'icelluy seigneur, et le traictera en sorte qu'il aura cause et matière de se contenter. Et, si le frère d'icelluy Maximilian veult estre homme ecclésiastique, procurera ledict seigneur luy faire avoir des bénéfices en son royaume et aultrement de le pourveoir en la sorte et manière qu'il appartient à son estât. — Et, s'il sortoit quelque différend sur les choses susdictes ou aucunes d'icelles tant sur les termes de payement et seureté d'iceulx que aultrement, ledict ambassadeur pourra d'heure en aultre advertir le Roy qui sur
ce luy fera scavoir son bon vouloir. Et finablement fera ledict messire René, bastard de Savoye, sur les choses dessusdictes, leurs circonstances et deppendances le mieulx que faire pourra au bien, proffict et utillité du Roy, ainsi qu'il scaura très bien faire, et ledict seigneur a en luy sa parfaicte fiance. Et dira de par ledict seigneur à monsieur de Savoye, son oncle, que en ensuivant ce qu'il a mandé au Roy, tant par les seigneurs d'Orsinges et Lansac que aultres, que en temps et lieu il se déclaireroit pour ledict seigneur le secouroit et ayderoit de son pouvoir à son entreprinse, ce que ledict seigneur l'a prié de faire par plusieurs lettres, que à ces fins luy a escriptes, toutesfois n'a congneu ne apperceu que ledict seigneur duc se soit mis en debvoir pour ce faire, dont le Roy ne se peult trop esmerveillier, actendu la proximité du village qui est entre eulx, le bien, proffict et utillité qu'il luy peult advenir de la maison de France et que la victoire que ledict seigneur pourra avoir en ceste affaire redondera, non seullement au proffict du Roy, mais aussi d'icelluy duc, car moyennant icelle sera hors de la subjection et servitude en laquelle le tenoient lesdictz seigneurs des Tjigues et ne trouvera jamais le temps mieulx propre ne plus disposé pour ce faire que à présent, et pour ce derechef le Roy le prye ne différer plus de se déclairer à l'ayder à son entreprinse, car aultrement ledict seigneur présumera qu'il n'a aucune volunté de ce faire et sur ce advisera comment et de quelle sorte il se devra gouverner avec luy. »
Du camp de Sillan, le Roy veint au camp près Sainct- Germain^ et le lendemain veint au camp près l'abbaye de Montoner^, qui est à trois mil de Verseil. Audict
