Montonero, prov. d6 Novarre

1515] DE JEAN BARRILLON. '9i

camp, environ dix heures du soir, le feu fut mis au logis de monsieur de Vendosme et brusla la plus grand part du logis et de celluy de monsieur le Chancellier, qui estoit joignant ; à cause dudict feu y eut plusieurs de la court qui y perdirent de leurs biens et de leurs chevaulx. Aussy, le Roy envoya le mareschal de Trévolce, avec bon nombre de gens de cheval et de pied, pour mectre le siège devant la ville et le chasteau de Noare, où il y avoit aucuns souldoiers de par Maximilien Sforce*.

Pareillement audict camp arriva lebastard de Savoye, qui venoit de Verseil, lequel dist au Roy qu'il avoit faict quelque traicté d'accord avec les ambassadeurs des Suisses et que iceulx ambassadeurs avoient promis dedans quelque temps apporter la ratiffication de leurs supérieurs dudict traicté de Verseil.

Du camp de Montoner, le Roy veint à Verseil^ et feit soigneusement garder les portes de la ville, affin que les gens de pied n'entrassent dedans, et fut ordonné que le camp seroit assis à Commarien^, my chemyn entre Verseil et Noarre. Et, le lendemain, ledict seigneur vint audict camp de Commarien, où eut nouvelles que la ville et chasteau de Noarre avoyent esté prins par composition. Du camp de Commarien, le Roy veint à Noarre* et visita le chasteau, et estant

1. « A l'impresa di la rocha de Novarra il Christianissimo ha mandato eri Pietro Navaro con fanti 10 milia et domino Zuan Jacomo Triulzi con lanze 700. » (Lettre de Marco-Antonio Contarini à son frère, du 29 août, de Verseil, dans Marino Sanuto, t. XXI, col. 25.)