MARS 1516-AVRIL
Après que les Suisses furent deffaictz à Saincte- Brigide*, près Marignan, comme a esté dict cy-dessus, le cardinal de Syon n'osa se retirer au pais de Suisse, craignant la fureur et tumulte du peuple des Ligues, pour ce qu'il avoit esté cause principalle de la grande perte qu'ilz avoient faicte et de leur faire perdre honneur et réputation, de les faire combattre contre leur serment et rompre leur foy, et d'avoir perdu ce crédit et estimation qu'ilz avoient avec toute aultre nation de la chrestienté, et d'estre le temps advenir réputez desloyaulx, qui est une note et reproche perpétuel. Et, pour ces causes, en toutes dilligences se retira es AUemaignes vers l'empereur Maximilian^. En faisant laquelle retraicte il perdit la plus grande partye de ses biens parceque les Montaignois et paysans pillèrent et destroussèrent ses mulletz et sy feut en danger de sa personne.
La cause de sa retraicte devers ledict Empereur
places que Maximilien avait prises à Venise en 1512. Les armées française et vénitienne, qui opéraient dans le Véronais, s'emparèrent assez vite de Lonato, Sirmione, Peschiera, Asola et se disposèrent bientôt à mettre le siège devant Brescia.
1. La plupart des chroniqueurs contemporains donnent couramment le nom de bataille de Sainte-Brigite à la bataille de Marignan.
2. L'empereur se trouvait alors à Innsbriick. (Cf. lettre de Robert Wingfield, ambassadeur anglais auprès de Maximilien, à Wolsey. Letters, t. II, part, i, p. 249.)
fut pour estre en seureté de sa personne, car il entendoyt bien que en la duché de Milan ne en plusieurs cantons des Ligues il n'eust sceu demourer seurement et aussy affin de susciter ledict Empereur à faire quelque nouvelle entreprinse pour recouvrer la duché de Milan, car il le congnoissoit estre prompt et enclin à brasser et esmouvoir guerre et qu'il hayssoit de tout temps les Françoys et donnoit empeschement et trouble, en tout ce qui lui estoit possible, à ce que les affaires du Roy ne prospérassent, en faisant des traictez et ligues offensives avec les aultres princes chrestiens pour grever ledict seigneur et l'endommager en toutes façons.
Sytost que ledict cardinal de Syon fut arrivé devers l'Empereur, il luy narra au long le faict de la bataille Saincte-Brigide. Touteffois, il ne luy récita la vérité de l'affaire, ainsy qu'il s'estoit porté, disant qu'il n'y avoit sy grande deffaicte des Suisses, comme on publyoit, et lors commancea à persuader ledict Empereur à faire une entreprinse pour recouvrer la duché de Milan, luy disant qu'elle ne seroyt difificille à exécuter et dedans brief temps se pourroyt faire, parceque l'armée du Roy estoit jà rompue, une partie des gens de pied se retiroyent en France, ceulx qui estoient devant Bresse^ commenceoyent à se ennuyer, tant pour la longueur du siège que pour le mauvais temps de pluyes qui les travailloit, le Roy s'en retournoyt en France et laissoyt aucuns cappitaines de guerre en la duché de Milan, lesquelz ne s'accorderoyent poinct et en peu de temps auroyent des divisions ensemble,
