Voir p

1516] DE JEAN BARRILLON. 189

comme est assez la coutume des François, quant sont plusieurs gouverneurs ensemble. D'aultre part, ledict Empereur recouvriroyt aisément grosse puissance des Suisses, qui ne demandoient que se venger, car la plus part d'eulx, qui avoient esté à la bataille Saincte- Brigide, estoient retirez saulvement. Davantage luy remonstra le droict qu'il avoit au duché de Milan, qui est fief d'Empire et ne peult tumber en filles, au droict desquelles les Françoys le querelloyent, que luy, qui estoit Empereur et souverain par puissance de fief, le pouvoit retirer et le rendre au duc de Bar^ qui estoit héritier de la maison de Sforce, qui par long temps avoit joy et possédé ledict duché. Oultre, luy remonstra que l'entreprinse qu'il feroyt de recouvrer ledict duché de Milan seroit de tant plus facile exécution, parceque les Milannois ou la plus part d'iceulx n'aymèrent jamais les François et ne veuUent aucunement estre soubz leur domination, tant pour la dissimilitude des mœurs et conditions que pour la faction de Guelphe et Gibelin qui règne audict duché et que les Gibelins, qui estoient en plus gros nombre et de plus grosses et riches familles que les Guelphes estoient naturellement bons Impériaulx, et, quant congnoistroient que ledict Empereur seroit aux champs en intention de recouvrer Testât de Milan, ilz se mectroyent incontinent sur les champs en armes et sans grandes diffîcultez déchasseroyent les garnisons des François, et sy luy feyt plusieurs aultres remonstrances et persuasions^.