Le texte de ces instructions, qui sont de mai 1516, se

que ledict seigneur leur escript, et par icelles leur dira que icelluy seigneur l'a envoyé par devers eulx au lieu des seigneurs de la Guyche et de Fresnes et de M" André Le Roy pour estre et demourer avec eulx, affin d'entretenir l'alliance, amytié et confédération qui est entre icelluy seigneur et lesdictz seigneurs des Ligues.

Oultre, leur exposera l'entière amour et très cordialle affection que ledict seigneur leur a tousjours portée et porte comme à ses bons et féables alliez et confédérez, desquelz il répute le bien, proffict, honneur et exaltation comme le sien propre.

Et désire ledict seigneur, de tout son cœur, que l'alliance, amytié et confédération, qu'il a avec lesdictz seigneurs des Ligues, soit et demoure indissoluble et telle que réciproquement le bien , proffict et honneur de l'ung soit le proffict et honneur de l'aultre.

Et avec ce, entretiendra ledict ambassadeur, tant en général que en particulier, la paix, alliance et confédération, qui est entre icelluy seigneur et lesdictz seigneurs des Ligues, et s'enquerra sy aucun prince ou aultre s'esvertue d'icelle rompre directement ou indirectement, à quoy de son povoir obviera et néantmoings en advertira ledict seigneur.

D'aultre part, se informera avec les bons et féables serviteurs du Roy, qui souhaitent et désirent l'entretenement de ladicte alliance et confédération, de ceulx qui avoient pensions particulières des feus Rois que Dieu absolve et s'ilz sont encores en vie et gens pour faire service, ayant crédict et auctorité au païs et à iceulx fera distribuer icelles pensions particulières et aussy, au lieu des mortz et trespassez ou de ceulx qui n'auroient plus crédit ne auctorité au païs ou ne seroient pour faire ser-

retrouve à la Bibl. nat., f. Clairambault, vol. 317, fol. 4685, copie.

1516] DE JEAN BARRILLON. 209

vice, baillera les pensions qu'ilz avoient accoustumé à ceulx que trouvera par le conseil desdictz bons et féables serviteurs du Roy qui seront pour deservir icelles pensions et mesmement à ceulx qui ont bon crédict et auctorité au païs et qui conduisent et mènent le populaire. Et quant à ceste distribution des pensions, est requis y besongner en grande dextérité, prudence et secrètement et de sorte que l'argent ne soit poinct mal mis et perdu et que ne viengne à la congnoissance de ceulx qui n'en auroyent poinct, afGn que leur envye et mal contentement ne gastast et brouillast l'affaire du Roy.

Et avec ce, taschera, par tous les moiens et façons que possible luy sera et par l'adviz et conseil des bons et féables serviteurs du Roy, de recouvrer les cinq Cantons, qui n'ont ratifïîé ou les aucuns d'iceulx, et advertira souvent le Roy des difficultez qui pourroient empescher iceulx cinq Cantons de ne ratiffier comme les aultres, affin que de jour à aultre ledict seigneur luy face sçavoir sur ce ses vouloir et intention.

Plus, leur dira que ledict seigneur a esté très ayse et très joyeulx de la ratifïication faicte par les huict Cantons du traicté de paix et alliance accordé entre ledict seigneur et eulx dernièrement à Genefve, et a receu de très bon cœur et voulloir leur scellé et ambassadeur qui l'a apporté et, dès l'heure, a faict expédier en forme deue la ratification, laquelle il y a baillée à leurdict ambassadeur et la veult tenir et entretenir perpétuellement sans jamais directement ne indirectement venir au contraire, espérant que iceulx seigneurs des huict Cantons feront de mesme de leur part.

Et, pour ce que ledict seigneur a esté adverty que, pour plus grande corroboration et seureté d'icelluy traicté de paix, seroit bon, requis et nécessaire de le porter de canton en canton pour le faire omologuer et approuver

tW JOURNAL [1516

par leur populaire, se informera ledict ambassadeur si aultreffois a esté faict de ceste sorte et quel proffict et utillité en vient, et la forme qu'il faut tenir et s'il est requis desbourser argent pour ce faire ; et de tout advertira et informera ledict seigneur, affin que sur ce donne tel ordre qu'il verra estre à faire pour le mieulx.

Et car Lamanstront d'Ondreval^ et Axât de Lucerne sont venuz par devers ledict seigneur, auquel ont dict qu'il se trouveroyt quelque moien et expédient pour faire ratiffier à ceulx de Urich et Switz ledict traicté faict à Genefve et qu'il estoit besoing et nécessaire pour la tranquillité et repoz d'iceulx d'Ondreval et Lucerne ainsy le faire, d'aultant que par les anciennes alliances, qu'ilz avoient avec lesdictz de Urich et Switz, estoit expressément dict que ilz ne pourroyent prendre alliance à personne vivante sans leur consentement et à ceste cause les sommoient chacun jour de leur foy et qu'ilz se doubtoient que cela pourroit adnichiller ce qu'ilz avoient faict avec le Roy, qui leur desplairoit grandement.

Et sur ce ont faict semblable ouverture que fisrent les seigneurs des huict Cantons dernièrement à Berne èsdictz s" de la Guische, de Fresnes et M® André Le Roy, ambassadeurs dudict seigneur, c'est assavoir que lesdictz cantons de Urich et Switz et aussy les aultres trois qui restent à ratiffier se condescendroient de esmologuer et approuver la paix seullement sans l'alliance et confédération et se obligeroient que leurs gens n'iroient servir aucun de quelque estât ou condition qu'il fust contre le Roy.

Mais, d'aultant que iceulx Lamanstront et Axât, n'ayant charge, procuration ne mandement d'iceulx deux cantons de Urich et Switz pour capituler et prendre conclusion