Unterwalden

1516] DE JEAN BARRILLON. 211

sur ladicte ouverture, ne vouloient prendre en main et se faire fortz de leur faire consentir et avoir aggréable ce que par eulx seroit faict, ledict seigneur a différé de capituler avec eulx et par conclusion leur a dict qu'il envoyeroit ledict ambassadeur par devers lesdictes Ligues pour entendre et sçavoir sy iceulx deux cantons veullent entrer en capitulation sur icelle ouverture et la forme et manière comme ilz entendent de ce faire. Et de tout advertira le Roy à toute dilligence, affin que sy ledict seigneur voit que la chose soit utille et proffitable envoie procuration expresse pour ce faire.

Et fault entendre que les difficultez que icelluy seigneur faict à ladicte ouverture sont telles que s'ensuyvent : c'est assavoir est à doubter que les aultres cantons diront, qu'ilz ne sont moings à estimer que Urich et Switz et aultres qui restent à ratilfier, à ceste cause d'aultant qu'ilz auront esté dudict traicté et alliance, et néantmoing lesdictz de Urich, Switz et aultres qui n'ont esté dudict traicté et alliance reçoyvent pareil argent que eulx, la raison veult qu'ilz ne soient pirement traictez et par ainsy se vouldront oster de l'alliance.

D'aultre part, sy la paix est seulle, sans alliance, pourroyent quand bon leur sembleroit et seroient en liberté causer quelque querelle pour faire la guerre au Roy et sy leur seroit loisible prendre alliance avecques quelque aultre prince chrestien et le obliger à offenser, qui seroit une aultre voye pour faire la guerre audict seigneur, qui par ce moieu perdroit largement ce qu'il leur auroit baillé.

Sy leur fera ledict ambassadeur icelle remonstrance et pour obvier èsdictz inconvéniens leur fera les ouvertures qui s'ensuyvent :

C'est assavoir que les huict cantons qui ont ratiffié soient médiateurs dudict accord sur icelle ouverture et

promectent ne varier de ce qu'ilz ont promis et ratiffié soubz umbre et coulleur d'icelluy accord, et avec ce, que iceulx deux cantons s'obligent à ne faire la guerre au Roy et que leurs gens ne prendront la soulde de nul prince ne aultre pour faire la guerre audict seigneur, et qu'ilz ne feront alliance ne confédération avec personne vivant pour assaillir et offenser et mesmement le Roy et sur le tout advertira ledict ambassadeur le Roy, qui luy fera scavoir sa conclusion et luy envoyera le pouvoir à ce nécessaire.

Et, pour mieulx entretenir l'alliance et confédération qu'ilz ont avec le Roy et les divertir de l'imagination et intelligences privées et particulières qu'ilz pourroient avoir avec les aultres princes chrestiens, leur dira de luymesmes en leurs sermons privez et particuliers, de sorte qu'il puisse venir à la congnoissance de tous ou de la plus part et mesmement en leurs assemblées et diètes, esquelles il pourra faire dire et remonstrer par aucuns des bons et féables serviteurs du Roy, comme procédant de l'invention de celluy qui leur dira, les choses qui s'ensuyvent :

Premièrement, que la chose au monde, qui plus conserve en son entier et augmente une communaulté, est préférer le bien commun et publicq au privé et particulier; secundo, de garder foy, promesse et loyaulté non seuUement aux amys, mais aux ennemys; tertio, d'avoir regard et considération non seullement aux choses présentes, mais à celles qui sont à venir ; quarto, d'avoir bonne justice non seullement distributive, ains commutative; quinto, de vivre en unyon, toutes envyes, partialitez et affections particulières cessans; lesquelles choses, tant que par les Romains ont esté observées et gardées, ont esté causes de leur conservation, augmentation et prospérité, aussy, dès l'heure qu'ilz les laissèrent et fisrent le

1516] DE JEAN BARRILLON. 213

contraire, furent abolliz, adnichillez et destruictz et subjuguez au gouvernement et subjection d'aultruy.

Secundo, doivent considérer que l'alliance et confédération, qui leur est la plus séante, est celle du Roy pour leur conservation et entretenement en leur entier, car c'est le plus puissant et riche et qui a mieulx de quoy leur donner et distribuer et qui le faict plus libérallement que prince qui soit en la chrestienté, tient foy et promesse et est prince d'honneur, de sorte que pour mourir ne vouldroyt venir au contraire de ce qu'il a promis, les a tousjours aymez, chériz et serchez et avant qu'il fust Roy et depuis ; et d'aultre part, après que son armée dernièrement eut passé les montaignes, qui estoît forte et puissante, ainsy qu'il est notoire, il eust peu mectre, sy bon luy eust semblé, des gens d'armes à Yvrée pour les empescher de passer, affin de les contraindre à avoir la bataille, qui ne leur eust esté convenable pour le peu de nombre de gens qu'ilz avoient et aussy faulte de gens de cheval et pour leur artillerie mal attelée, ce que ledict seigneur différa de faire, espérant tousjours qu'ilz viendroyent à faire quelque accord avec luy. Et avec ce, après la victoire obtenue à Milan et qu'ilz se retiroient, ledict seigneur deffendit à ses gens d'armes de ne les suyvre ne affoler, taschant tousjours à leur conservation. Et sy a plus, car sy ledict seigneur eust voulu suivre sa fortune et entrer en leur pais, ilz peuvent assez congnoistre et entendre quel dégast il eust faict, ce que ne voulust jamais faire pour l'amour d'eulx, quelque chose que on luy conseillast. Et quant à leurs prisonniers, mallades et blessez estans au duché de Milan, s'ilz ont voulu dire vérité, ont rapporté qu'ilz ont esté traictez, non pas comme ennemys, ains amys. Et sy a tousjours ledict seigneur excusé la bataille qu'ilz luy livrèrent devant Milan contre l'appoinctement de Galleras, et a remis et remect

toute la coulpe aux faulses et malignes persuasions du cardinal de Syon, auquel seul en a sceu mauvais gré et non èsdictz seigneurs des Ligues. Lesquelles choses arguent le bon vouUoir et très cordialle amour et afiFection que ledict seigneur leur a toujours porté et porte.

Et par ainsy, d'aultant que l'alliance et confédération dudict seigneur est le bien commun et utillité publicque desdictes Ligues, la doibvent garder à leur pouvoir et ne s'arrester à quelzques ungs qui pourroient avoir quelzques afiections particulières au contraire par les persuasions faulses de l'Empereur, cardinal de Syon et Roy d'Angleterre, car le bien commun est à préférer aux affections particulières.

Et doibvent lesditz seigneurs des Ligues, tant pour la craincte de Dieu et pour ne blesser leurs consciences, que pour la conservation de leur honneur et establissement de leur communaulté, garder leur foy et ce qu'ilz ont promis au Roy, lequel, de sa part, leur tiendra sa promesse sans difficulté, en ayant bon regard et considération non seullement es choses présentes mais à celles qui sont advenir et trouveront par bonne raison que la confédération dudict seigneur ne leur est seullement proffitable, mais nécessaire, ainsy que clèrement pourra aparoir par ce qui sera dict cy-après en parlant des aultres princes chrestiens ; et, en gardant foy et promesse au Roy, feront leur debvoir et chose juste et raisonnable, et venir au contraire, directement ou indirectement, soubz quelque coulleur ou habileté, seroit injustice et desloyauté destructive prîncipallement d'une communaulté. Et faut bien considérer le mal qui leur peult advenir de ce qu'ilz ne sont uniz, d'aultant que cinq cantons desdictes Ligues n'ont voulu ratiffîer et esmologuer ce que par leurs députez avoit esté faict à Genefve, jaçoyt que les huict, qui est la plus grande part, ayent ratiffîé, dont procède divi-

1516J DE JEAN BARRILLON. 215

sion entre eulx, car les ungs tiennent pour le Roy et les aultres tiennent pour ses ennemys et pourra engendrer plusieurs partialitez, hayne et malveillances, qui est le vray fondement de abollir et mectre au néant une communaulté. Esquelles choses doibvent avoir bien regart lesdictz seigneurs des Ligues et seroit le Roy aussy marry et desplaisant sy aucun mal ou desplaisant inconvénient leur venoyt, comme sy venoit à soy mesme. Et quant à l'Empereur, doivent considérer qu'il est leur ennemy, tant à cause de ce qu'ilz tiennent son bien et héritage, que aussy pour les guerres qu'ilz ont eues par cy-devant avec luy, esquelles aucuns de ces ancestres ont esté tuez et occiz ; et a tousjours tasché icelluy Empereur de mectre picque et division entre la maison de France et lesdictz seigneurs des Ligues, disant : « De manibus inimicorum sumam vindictam de inimicis ». Et est bien certain et notoire que le plus grand souhaict et désir qu'il pourroit avoir en ce monde seroyt de adnichiller, s'il pouvoit, la maison de France et les seigneurs des Ligues, car luy semble [que], sy estoient adnichilez, il parviendroit à ce qu'il a tousjours désiré, ainsy qu'il dict, de faire son filz monarche, qui est l'archiduc, et seigneur de la chrestienté. A quoy doibvent avoir bon regard lesdictz seigneurs des Ligues, de sorte que, pour ces faulses persuasions et quelque proffict particulier que de présent pourroient avoir, ne soient séduictz et deceuz ; et doibvent garder surtout que iceluy Empereur ne se face grand, affin que ne luy baillent le baston de quoy les pourroyt après battre. D'aultre part, ilz ont assez par cy-devant expérimenté et congnoissent le port de son arbaleste et s'il leur a tenu foy et promesse ou non et s'il a de quoy longuement mener mestier. Et n'y a personne au monde, ayant bon sens et entendement, qui ne voye et congnoisse clèrement que vault trop mieulx ausdictz seigneurs des

Ligues avoir l'amytié et alliance du Roy, qui est prince de foy et de promesse, qui a de quoy donner, qui n'a aulcune querelle sur eulx, que celle dudict Empereur à rencontre duquel la maison de France leur a baillé ayde et secours, quand il leur a voulu faire la guerre. — Et touchant le Roy d'Angleterre, son royaulme est loing des Ligues et ne leur pourroyt donner ayde ne secours sy aucun affaire leur survenoit. Et s'il leur promectoit quelque chose et venoyt au contraire, difficile chose leur seroyt d'en prendre vengeance ; et disent les sages qu'il est trop mieulx d'avoir amytié et confédération à ses voisins que aux aultres, car à toutes heures on les trouve pour avoir secours et ayde d'eulx, pour les faire réparer les faultes sy aucunes on leur faisoyt. Et sy a plus, car les promesses, que ledict Roy d'Angleterre leur pourroyt faire, ne sont que pour ceste fin, pour cùyder rompre l'alliance et confédération qui est entre le Roy et eulx, et, ce faict, peuvent estre asseurez que ne leur vouldroit avoir donné ung denier. Et leur pourra bien [ne point] tenir ce qu'il leur promectra, ainsy qu'il a faict au feu Roy dernier déceddé, que Dieu absolve, et à celluy qui est à présent, car jaçoyt que avecques l'ung et l'aultre eust faict paix et confédération, néantmoings, sans cause, ne occasion, est venu au contraire, ainsy qu'il est tout notoire. — Et quant au prince de Castille, sont assez advertiz qu'il est de mesme voulloir que son ayeul l'Empereur et que a en mémoire et souvenance la journée de Nancy, où son bisayeul fut occis. Et sy a plus, car ainsy que l'on peult veoir et congnoistre, se jugera si gros et grand qu'il se mectra en debvoir de recouvrer ce que lesdictz seigneurs des Ligues tiennent, comme il prétend, de la maison d'Autriche et prendre vengeance de la mort de ses ancestres, et vouldra mectre à exécution pour sa grandeur, force et puissance, ce que l'Empereur, son ayeul,

1516] DE JEAN BARRILLON. 21 J

ne peusl jamais faire pour sa foyblesse. A quoy fault avoir bon regard et non seullement regarder les choses présentes, mais ce qui est à venir, et donner ordre de ne perdre la liberté que leurs ancestres ont acquise, et, d'aultre part, penser que, quand tel cas adviendroyt, ne trouveroient meilleur amy en la chrestienté, pour les secourir, que le Roy de France, lequel, bien uny avec eulx, tout le monde ne leur sçaura nuyre ne préjudicier. Et par ainsy, en bon regard et considération aux choses susdictes, doibvent lesdictz seigneurs des Ligues congnoistre et entendre de combien leur peult proffîter l'alliance de France et sy elle leur est nécessaire ou non, et peuvent estre seurs que, toutes fois et quantes il plaira au Roy d'avoir paix et amytié avec l'Empereur, facillement la recouvrera en luy donnant beaucoup moings que ne faict ausdictz seigneurs des Ligues et n'a tenu que audicl seigneur qu'elle n'ayt esté faicte entre luy et ledict Empereur et aultres qu'il n'est besoing de nommer pour confondre , adnichiler et destruire lesdictz seigneurs des Ligues, ce que ledict seigneur n'a voulu jamais consentir et pour rien ne les habandonnera, s'ilz ne luy donnent cause et matière de ce faire. Et se aydera des Savonnières, comme de luy-mesmes, des choses susdictes ou parties d'icelles ainsi qu'il verra estre expédient, requis et nécessaire pour le mieulx, et s'il est besoing, les fera translater de françois en allemant et les fera courir de main en main, sans qu'on sache que cela vienne du Roy, ainsi que faict de sa part le cardinal de Syon, qui sème tout le païs de bourdes et mensonges. Et finablement fera ledict s*" de Savonnières, sur les choses susdictes, leurs circonstances et deppendances au bien, profEct et utillité du Roy au mieulx qu'il pourra, ainsy qu'il sçaura très bien faire et que le Roy a en luy sa parfaicte fiance.

Fin de ces instructions.

Au commencement du mois de juing, l'an mil cinq cens et seize, le Roy partit de Lyon* pour aller faire un voiage à pied au sainct suaire, qui est à Chambéry, et durant ledict voiage il eut nouvelles de son ambassadeur, qui estoit en Flandres avec le Roy catholicque, que ledict Roy catholicque désiroyt que icelluy seigneur envoyast quelqu'un de sa maison devers luy pour jecter par articles le traicté qui se debvoit faire entre eulx, affin que, à la journée de Noyon, qui estoit prolongée jusques au premier jour d'aoust, y eust moings à faire. Par quoy ledict seigneur, désirant tousjours la paix, envoya devers ledict Roy catholicque messire Nicolas de Neufville, secrétaire de ses finances, avec instructions et mémoires nécessaires.

Le quinziesme jour de juing, le Roy arriva à Chambéry 2, et y estoit le duc de Savoye. Le lendemain, environ midy, fut monstre le sainct suaire par trois évesques publicquement. Durant ce temps, le Roy ordonna que monsieur le connestable, qui avoit esté gouverneur de Milan, retourneroit en France, et en son lieu constitua le sieur de Lautrec, mareschal de France^.

De Chambéry, ledict seigneur veint à Grenoble, où il eut nouvelles que la ville de Dresse avoit été prinse

1. Il en partit le 28 mai. [Journal de Louise de Savoie, p. 90.)

2. a II Re Cristianissimo e partito da Lion perandar a piedi al suo vodo di Nostra Dona di Zambari... Camina solum un po la matina et la sera. » (Lettre de Badoer, ambassadeur vénitien, du 4 juin 1516, dans Diarii, t. XXII, col. 287.)

3. Provisions en faveur du sieur de Lautrec, maréchal de France, de t office de lieutenant général du roi en Milanais, en remplacement de Charles de Bourbon. Chambéry, 17 juin 1516. (Bibl. nat., fonds Clairambault, vol. 958, fol. 412.)

1516] DE JEAN BARRILLON. 219

par composition par le sire de Lautrec, laquelle ville ïedict seigneur fit délivrer aux Vénitiens^. Depuis, ledict sire de Lautrec alla mectre le siège devant Véronne.

En ladicte ville de Grenoble veindrent aucuns devers le Roy, députez de la ville de Milan, pour avoir confirmation de leurs privilèges, lesquelz monsieur le connestable, du temps qu'il estoit gouverneur, avoit confermez. Touteffois, lesdictz députez n'eurent la confirmation desdictz privilèges telle qu'ilz la demandoyent.

En ce temps, le Roy envoya devers le Pape les évesques de Sainct-Malo et de Lodève pour demeurer à Romme ses ambassadeurs^.

1. D'après une lettre de Louis Maroton à Marguerite d'Autriche, quelques difficultés s'élevèrent à ce sujet entre Français et Vénitiens. « Le gouverneur de Bresse, par appoinctement, a rendu la cité et le chasteau de Bresse es mains des Françoys, dont les Vénissiens ont esté fort mal contens ; despuys ont faict un appoinctement que les Françoys garderont le chasteau et les portes de ladicte cité, et y sont dedans deux centz hommes d'armes françoys et deux mille piétons gascons. Les Vénissiens tirent le prouffict de ladicte cité et de par eulx se font les commanderaens, et ont dedans mille piétons et cent hommes d'armes, jusques à tant que entre lesdictes partyes soit faict accord ou discord. » (Le Glay, op. cit., t. II, p. 111.)

2. Commission à Guillaume Briçonnet, évêque de Lodève, et à Denis Briçonnet, évêque de Saint-Malo, envoyés pour négocier une ligue avec le pape Léon X, la république de Florence, le duc d'Urbin et toute la maison de Médicis. Amboise, le 3 novembre 1516. L'original de cet acte est aux archives de Florence. (Cf. I manoscritti Torregiani, p. 462, n° 99.) — Voir aussi : Ordre de faire payer à Guillaume Briçonnet, évêque de Lodève, ambassadeur à Rome, 1,275 écus d'or au soleil pour les frais de son ambassade. (Arch. nat., K. 81, n*' 14.) La date

De Grenoble, le Roy veint à Lyon et y séjourna douze jours, durant lesquelz renvoia le sire de Boissy, grand maistre de France, l'évesque de Paris et le président Olivier à Noyon, pour estre le premier jour d'aoust, et leur fist bailler instructions, desquelles la teneur ensuyt :

Instructions à messieurs de Boissy, comte de Carvaz, conseiller et chambellan ordinaire du Roy nostre sire, grand maistre de France, Vévesque de Paris, conseiller dudict seigneur, etM^ Jacques Olivier, conseiller et président en la court de Parlement à Paris, ambassadeurs du Roy, pour capituler, ordonner et conclure avec le s"" de Chièvî'es et chancelier de France ou aultres ambassadeurs du Roy catholicque sur les diffèrens, questions et querelles qui sont de présent ou pourroyent estre entre lesdictz seigneurs Roys pour quelque cause ou occasion que ce soit'^.

Et premièrement diront que le Roy, de sa part, a eu tousjours vouloir et désir que le traicté d'alliance, amytié et confédération faict dernièrement à Paris entre luy et icelluy Roy catholique fut par eulx gardé et observé, sans venir aulcunement au contraire. Mais d'aultant que ledict seigneur Roy catholicque a succédé au feu Roy d'Arragon, contre lequel ledict seigneur avoit plusieurs

de ces deux actes est d'ailleurs postérieure au départ des ambassadeurs, qui arrivèrent à Rome au commencement d'août. (Marino Sanuto, Diarii, t. XXII, col. 443.) Ils remplaçaient Antonio Maria Pallavicini [Ibid.]. Guillaume et Denis Briçonnet étaient frères; ils moururent, le premier en 1533, le second en 1535.

1. Le texte de ces instructions a été collationné sur le vol. 160 du fonds Dupuy, à la Bibliothèque nationale, fol. 291 à 304.

1516] DE JEAN BARRILLON. 221

querelles, fault à présent que icelles querelles soient entre eulx vuydées et décidées. Et, pour ce que lesdictes querelles pourroyent causer division et guerre entre lesdicts seigneurs Roys et rompture dudict traicté d'amytié, alliance et confédération, dont pourroient procéder plusieurs maulx et inconvéniens, non seuUement à eulx, mais à leurs subjectz et à toute la chrestienté, ledict seigneur, pour y obvier, a esté contant et s'est condescendu que leursdictz diflférentz se vuydassent par l'amyable, en gardant à ung chascun d'eulx ce que raisonnablement et de droict luy doibt compéter et appartenir; et mesmement, car trop mieulx est avoir une paix certaine et vivre en repos et tranquillité que de mouvoir guerre dont l'issue [seroit] incertaine, [et] en laquelle plusieurs grans maulx, comme meurdres, ravissemens, bruslemens, pilleryes et sacrilèges se pourroyent commectre, esquelz Dieu, nostre créateur, seroyt grandement oflFensé. Et jacoyt que, dès l'heure que icelluy feu Roy catholicque fut deceddé, ung gros et puissant personnage se seroyt oflPert entrer en armes au royaume de Naples, avec grosse puissance, soubz coulleur de quelque outrage, qu'il disoit les Espagnolz et aultres gens de guerre en passant par ses terres et seigneuries luy avoir faictz, et par ce moien se saisir du royaume et le bailler entre les mains du Roy, néantmoings ledict seigneur n'y a voullu entendre jusques à ce que il auroyt sceu la volunté dudict Roy catholicque pour préférer tousjours la paix et amytié à la guerre. Pareillement, ledict seigneur a eu plusieurs advis des royaumes de Castille et Arragon, esquelz, facillement, en voulant adhérer et tenir la main aux mal contens, il eust peu mectre la guerre ausdictz royaulmes sans riens frayer, à quoy n'a voulu entendre, désirant, comme dessus [est dict], plus tost recouvrir le sien par paix et amitié que par guerre. Et est bien cler et notoire à toutes gens de bon sens et enlen-

WL JOURNAL [1516

dément que ledict seigneur avoit plusieurs moiens, tant par mer que par terre, de faire et mectre la guerre es pais et terres que tient et possède ledict Roy catholicque, qui sont loing-tains les ungs des aultres, de sorte que très difficille et ennuyeuse chose lui eust esté et seroit à demes- 1er une telle fusée. Toutesfois, ledict seigneur est de sy bonne nature et a tant aymé et ayme ledict Roy catholicque, qu'il ne l'a voulu ne veult faire que préalablement ne sache la volunté dudict Roy catholicque. Mesmementa eu regard et considération es raisons qui s'ensuivent : Premièrement, que ses païs, terres et seigneuries sont voisines, confines et contiguës à celles d'icelluy Roy catholicque et que, au trafic et communication de marchandise d'entre leurs subjectz, consiste leur richesse, et que la guerre et division seroit leur totale destruction et pour les réduire à pauvreté et mendicité, pour ce, ledict seigneur, comme conservateur et protecteur de ses subjectz, pour obvier audict inconvénient, se veult mectre à toute raison, comme espère que fera ledict Roy catholicque pour la conservation et tuition des siens. — Secundo, considère, ledict seigneur, que luy et ledict Roy catholicque sont yssus de la maison de France et du Roy Jehan, Vnn du costé paternel et l'autre du maternel, et sont venuz en ung mesme temps au règne, gouvernement et administration de leurs terres et seigneuries. — Tertio, l'affinité et alliance très proche qui doibt estre entre eulx et que jamais n'y a eu hayne ny malveillance ne cause pour l'avoir, ains tousjours amour et très cordialle afifection. — Quarto, que leur accord pourra causer une paix universelle en la chrestienté et moyennant laquelle pourront entreprendre et faire contre les infidelles la guerre et délivrer les pauvres chrestiens de la captivité où ilz sont à l'honneur de Dieu, nostre rédempteur, exaltation et augmentation de nostre foy et convertir le glaive et effusion de sang qu'est, à son

1516] DE JEAN BARRILLON. 228

très grand regret et desplaisir, entre les chrestiens, contre les ennemys de la foy. Pour ces causes et considérations a esté ledict seigneur très ayse quant a sceu que le Roy catholicque désiroit, de sa part, leurs difFérendz et querelles estre vuydées et décidées par l'amyable et gardant ung chascun raisonnablement ce qui luy peult appartenir par droict et raison, qu'est en efFect ce que ledict seigneur a souhaité et désiré, d'aultant qu'il se contente du sien et ne veult ne appéte riens de l'autruy, et, quant scauroit et congnoistroyt sesdictes querelles n'estre justes ne raisonnables, n'envouldroyt aucunement parler. Et croit fermement ledict seigneur que icelluy Roy catholicque sera sy bon, juste et raisonnable que amyablement luy rendra et restitura ce qui luy appartient et conservera l'amour et amytié qu'est entre eulx et ne donnera cause ne occasion audict seigneur de luy faire la guerre et aura bon regard et considération au bien et commodité qui luy adviendra d'avoir paix et amytié avec ledict seigneur, et que aultrement le faire seroit très dommageable à luy et à ses subjectz par les raisons et considérations que dessus, et mesmement actendu que le royaulme de France est grand, fort et puissant, et entre les terres et seigneuries dudict Roy catholicque, et que pour la commodité de luy et de ses subjectz, le passer et repasser, luy est plus que utille et nécessaire, car, d'aller et venir luy et les siens par mer, de l'un à l'autre, seroit chose longue, de grans fraiz, très difficile et plus que incertaine. Et pour venir à la matière et entendre les querelles que ledict seigneur avoit contre icelluy Roy catholicque est à présupposer que le royaulme de Naples compète et appartient audict seigneur, lequel icelluy feu roy d'Arragon délenoit et occuppoyt indeument et contre raison, et par ainsy, le Roy catholicque, qui a succédé à icelluy feu Roy d'Arragon, en toute raison, vérité et justice, est tenu et doibt bailler icelluy

2t4 JOURNAL [1516

royaume audict seigneur pour éviter la guerre et tous autres inconvéniens, dont dessus estfaict mention, qui s'en pourroient ensuivre.

Et, pour entendre le droict que le Roy a audict royaume de Naples, est assavoir que l'Empereur Frédéric, qui tenoyt en fief icelluy royaume de l'église de Romme, fut privé d'icelluy par Innocent quart de ce nom au concilie de Lyon, et le remist en l'église jusques à ce qu'il auroyt pourveu d'icelluy par le conseil des cardinaulx à quelque bon personnage. Et depuis Pape Urbain quart de ce nom investit dudict royaume Charles, comte d'Anjou et de Provence, filz et frère du Roy de France, sur certains pactes. Et après le décès d'icelluy Urbain, Pape Clément quart de ce nom paracheva ce que icelluy Urbain avoyt commencé et inféoda derechef icelluy royaume audict comte Charles, perpétuellement pour lui et ses successeurs hoirs qui descendroient en droicte ligne de loyal mariage, tant masles que femelles, et au deflTault d'iceulx voulut que l'un des enffans de France y succédast, ainsi qu'il appert par l'investiture donnée à Pérouse, « quarto kal. marcii, pontificatus ipsius démentis anno primo », de laquelle faict mention Jehan André. Nonobstant lesquelles privations et inféodations Manfred et Conrar, enffans d'icelluy Frédéric, s'efîbrçoient indeument occupper ledict royaume, et y avoit quelques prélatz en icelluy royaume qui leur favorisoyent et tenoient la main. A ceste cause, ledict Pape Clément, estant à Viterbe, déposa iceulx prélatz, ainsy que dit le Spéculateur. Et depuis ledict Charles d'Anjou deffîct auprès de Naples ledict Manfred et par ainsi fut vray seigneur et possesseur d'icelluy royaume. Ledict Charles, premier Roy de Sicille et de Naples, alla de vie à trespas, délaissant son filz, qui succéda à icelluy royaume, et fut tenu et réputé vray seigneur et possesseur d'icelluy, et print à femme Marie, fille

1516] DE JEAN BARRILLON. 225

du Roy de Hongrye, de laquelle eust plusieurs enfans. Le premier fut Roy de Hongrye ; le second fut frère myneur, évesque de Tholoze, qui, pour lors, n'estoit archevesché, et est descript « in Catalogo Sanctorum » ; le tiers fut Robert, qui succéda au royaume de Sicille et de Naples, et l'autre fut prince de Tharante. De Robert, Roy de Sicille et de Naples, descendit Charles, qui fut duc de Calabre, lequel eut deux filles : c'est assavoir Jehanne et Marie, et mourut avant son père, survivantes les deux filles. Marie fut mariée, vivant ledict Robert, Roy de Sicille et de Naples, son ayeul, à Lois de Duras, [lequel fut père de Charles de Duras]. Et d'icelluy Charles sont descenduz en loyal mariage Ladislas et Jehanne. Jehanne, seur de ladicte Marie et fille primogénite dudict Charles, duc de Calabre, fut mariée avec Andréas, filz du Roy de Hongrye, son cousin, et l'institua ledict Robert, par son testament, son héritière universelle de l'auctorité de l'église. Et par ainsy fut icelle Jehanne Royne de Sicille et de Naples, et après le décès d'icelluy Andréas, Roy de Hongrye, auquel ladicte Jehanne survesquit, le père d'icelluy Andréas, Roy de Hongrye, entra au royaume de Sicille et de Naples et chassa icelle Jehanne, laquelle eut recours au Pape Clément cinquiesme de ce nom, qui, pour lors, estoit en Avignon, lequel Pape envoya deux cardinaulx en la compaignye d'icelle Jehanne audict royaume pour remonstrer que icelle Jehanne estoyt leur vraye dame et que pour telle l'eussent à tenir et recongnoistre, ce qu'ilz firent, et bailla icelle Jehanne dès lors h icelluy Pape Clément la cité d'Avignon, laquelle l'église a depuis tenue. Si se remaria icelle Jehanne et print à mariage son cousin Lois, prince de Tharante, lequel, à cause de sa femme, fut Roy d'icelluy royaume de Sicille et de Naples et, après la mort d'icelluy Lois, icelle Jehanne print à mari

ÎW JOURNAL [1516

Jacques, filz du Roy de Maillorques, appelle l'Infant, et après le décès d'icelluy Jacques icelle Jehanne eut à mary messire Othon de Gazon, Allemant, lequel survesquit sa femme. Laquelle Jehanne, ainsy qu'il appert par ce que dessus, fut Royne de Sicille et de Naples, sans aucun doubte, tant par le testament de son père, confermé par l'auctorité de l'Eglise, que par la déclaration faicte depuis par Pape Clément cinquiesme, ainsy que dict est cy-dessus. Toutesfois, durant son règne, Charles de Duras, filz de sa seur, qui estoit son vassal, commectant félonye et venant directement contre son serment, donna plusieurs afflictions à icelle Jehanne et la poursuivit, de sorte qu'il la tenoit close et enfermée dedans la ville de Naples. A ceste cause, icelle Jehanne, considérant qu'elle n'avoil aucuns enffans, l'ingratitude et félonnye de son nepveu et qu'elle estoit extraicte de la maison d'Anjou, appella Lois, duc d'Anjou, frère du Roy Charles cinquiesme, et icelluy adopta en filz et le fit duc de Calabre et l'institua son héritier universel, et néantmoings luy donna par donation entre vifz icelluy royaume, et le tout par auctorité, consentement, approbation et confirmation du Pape Clément VIP de ce nom, ainsy qu'il appert par les bulles données en Avignon, l'an M IIP IIII" II, soubzcriptes d'icelluy Pape et de dix-sept cardinaulx. Et ainsy que icelluy Lois se préparoyt pour aller mectre hors de captivité icelle Jehanne, qui estoit enclose en la ville de Naples par icelluy Charles, son nepveu, ledict Charles print icelle Jehanne et la feit estrangler. Et peu après arriva audict royaume icelluy Lois, où il fut receu par plusieurs citez, villes et nobles gens du pais, du consentement et auctorité d'icelluy Pape Clément VIP, et peu après mourut, délaissant deux fils, c'est assavoir Lois, second de ce nom, et Charles, prince de Tharante. Lequel Lois, filz primogénite et successeur dudict royaume, alla en

1516] DE JEAN BARRILLON. 227

icelluy royaume en l'aage de douze ans, et ce du consentement et auctorité dudict Pape Clément VIP, et eut l'obéissance et fidélité de tout le royaume, fors de la cité de Gayette, et teint par longtemps icelluy royaume pacifiquement et finablement print à femme YoUande, fille unicque de Jehan, Roy d'Arragon, de laquelle eut plusieurs enffans, c'est assavoir : Lois, René, Charles, Marie, Royne de France, femme du roy Charles VIP, et Yollande. Et fut tenu icelluy Lois vray Roy de Sicille et investit tant par Pape Clément, par Pape Benedic, que depuis au concilie de Pise par Pape Alexandre quint, et fut créé gonfallonnier et défenseur de l'église et fut approuvé vray Roy et investit de nouveau en approuvant l'adoption et institution d'icelle Royne Jehanne, ainsy qu'il appert par les bulles dactées à Pise M IIIP IX, soubzscriptes d'icelluy Pape Alexandre et de treize cardinaulx, tant Italliens que François. Toutesfois, icelluy royaume estoit soubz l'obéissance dudict Pape Alexandre et tout ce qui fut faict respectivement au temps des scismes par les Papes et pays qui estoient de leur obéissance fut ratiffié et approuvé par le concile de Constance ; et depuis, par Pape Jehan XXIII fut tenu et approuvé vray Roy d'icelluy royaume et comme tel bailla la rose et accompagna icelluy Pape comme gonfalonnier et vassal de l'église, et finablement pour tel fut tenu, censé et réputé par le concilie de Constance. Si seroit, puis icelluy Lois, second Roy de Sicille et de Naples, allé de vye à trespas, délaissant plusieurs enffans, c'est assavoir Lois, René et Charles. Lequel Loys, primogénite et successeur audict royaume, y alla et eut une partie du royaume, et l'autre partie Jehannelle, fille de Charles de Duras et seur de Ladislas. Et depuis Pape Martin, qui fut « electus in concordia » au concilie de Constance, prévoyant [querelle] venir audict royaume entre iceulxLoys et Jehannelle, par le conseil des cardinaulx, ordonna que

icelluy Lois tiers, après le décès d'icelle Jehannelle, auroyt entièrement ledict royaume et dès lors le créa, institua et ordonna Roy, sans préjudice de ses inféodations et aultres droictz qu'il y prétendoit, lesquelz demoureroient en leur force et vig-ueur, et avec ce que icelle Jehannelle, au préjudice d'iceulx décret et ordonnance, ne pourroyt en nulle manière autrement disposer d'icelluy royaume, lequel il vouloit et ordonnoit totallement revenir audict Loys tiers et à ses enffans, et à defiPault d'eulx à iceulx René et Charles, ses frères, successivement, ainsy que plus amplement appert par les bulles données h Florence (( secundo nonas decembris anno M° quadringentesimo XIX**, cum subscriptione Martini quinti et tredecim cardinalium manu propria ». Et jaçoyt que le droict du Roy soyt tout cler et évident, tant par le droict que ont eu audict royaume par cy-devant ceulx de la maison d'Anjou, comme est dict cy-dessus, et par la succession et transport que la maison de France a eu de ceulx de ladicte maison d'Anjou que par les investitures et possession que en ont eu feuz de bonne mémoire les Roys Charles huictiesme et Lois XIP, et de sorte que ne fut besoing en discuter, néantmoings là et quant les ambassadeurs dudict Roy catholicque vouldroyent entrer en disputation, on leur pourra remonstrer ledict droict par les faictz, généalogies, investitures et raisons contenus cy-dessus et aultres, que les ambassadeurs du Roy, par leur prudence et discrétion, verront estre requis et nécessaire pour parvenir à l'intention dudict seigneur, selon qu'ilz verront et congnoistront que les aultres entendront et enforneront les matières et seront fornis de pièces, car, selon les propos qu'ilz tiendront, sera besoing déduire le droict du premier Charles qui fut investit par Pape Urbain, ou commencer à Loys, qui^ eut le droict de Jehanne, héritière de Robert, ou à celluy qui eut le droict de Jehannelle et investiture du Pape M ar-

tin. Et, si ledict Roy catholicque voulloit prendre sur ce droict au royaume de Naples par le droict prétendu par Alphonse, Roy d'Arragon, finablement se pourra confuter le droict que icelluy Alphonse prétendoyt par le moien de ladicte Jehannelle, tant par la révocation causée sur ingratitude que par la bulle du Pape Martin quint. Aussy, quant ledict Alphonse y auroit eu droict, il en auroyt disposé au proffict de Ferrand, son filz, auquel droict avoient succédé les enffans dudict Ferrand, lesquelz en avoient disposé au proffict dudict Roy Lois, que Dieu absolve, et de ses successeurs à la couronne ; et, derechef, n'y pourroil aucune chose prétendre ledict Roy catholicque, car encores que les enffans dudict Ferrand n'en eussent disposé au proffict dudict feu Roys Lois et de la couronne, néantmoings encores n'y auroit riens le Roy catholicque, car il y avoit encore des enffans descenduz dudict Ferrand. Et si ledict Roy catholicque vouloit fonder ledict droict sur les pactes et convenances faictes entre feuz, de bonne mémoire, le Roy Lois XIP, dernier déceddé, et le Roy d'Arragon, tant moyennant le mariage de madame Germaine de Foix que auparavant, sera dict et remonstré que ne le pourroyt faire au préjudice de son successeur à la couronne, considérant la teneur du testament et déclaration depuis faict par Charles d'Anjou, comte du Mayne, Roy de Naples et comte de Provence, dernier masle de la maison d'Anjou, [lequel] en tous lesdictz biens fit son héritier universel le Roy Lois XP et après luy le Roy Charles VHP et successivement les successeurs à la couronne de France, ainsi qu'il appert, tant par son testament que examen sur ce faict, et le feu Roy Lois XIP n'en peult disposer au proffict dudict feu Roy d'Arragon et au préjudice de son successeur h la couronne. Et quant seroit trouvé icelles convenances estre bonnes et devoir sortir effect, à tout le moings la moictyé

seroit et appartiendroyt au Roy, ensuyvant lesdictes convenances. El si les ambassadeurs dudict Roy catholicque vouloient entrer en disputations sur le droict prétendu par la couronne de France par le moyen de ladicte institution faicte par Charles d'Anjou et débattre les testamens tant d'icelluy Charles que de René, son oncle, leur sera respondu que c'est alléguer le faict d'ung tiers et que icelluy tiers et le Roy sont bien d'accord, et d'aultre part « dispositiones testamentariae habent locum in dicto regno neapolitano, quod regnum jure scripto regitur »; et [que] lesdictz testamens n'ont poinct esté impugnez par ceulx qui avoient intérestz ; et que plus est la maison de France « titulo pro herede » a prescript ledict royaume, car l'a possédé « realiter aut civiliter » par plus de vingt ans, à compter du temps que le Roy Charles y alla. Et pour la corroboration du droict de la maison de France, ilz ont les investitures faictes tant audict feu Roy Charles VHP que à Lois XIP et sy ont le transport faict par les enffans de Ferrand audict feu Roy Lois. « Ex omnibus constat clarissime » droict du Roy joinct les autres raisons à plain desduictes cy-dessus et que lesdictz ambassadeurs scauronf très bien adviser; secundo, prêtent le royaume d'Arragon, les comtez de Sardaigne et de Roussillon, Cathelongne, Maillorque et Minorque luy compéter et appartenir par le moien de Yoland, seulle fille et héritière de Jehan, Roy d'Arragon, mère du Roy René, lequel feit son héritier Charles d'Anjou, dernier masle de la maison d'Anjou, lequel, comme a esté dict cy-dessus, disposa de ses biens au proffict de la maison de France ; tertio, prêtent ledict seigneur que icelluy Roy catholicque luy est tenu et obligé en la somme de 11= m escus, ainsy qu'il appert par l'instrument sur ce faict et passé, qui a esté baillé ausdictz ambassadeurs dudict Roy catholicque; lesquelz, ensuyvant leurs meurs et anciens façons de faire, feront

1516] DE JEAN BARRILLON. 231

plusieurs plainctes et doléances, prétendant que le Roy, de sa part, n'a entretenu le traicté d'amytié faict entre eulx dernièrement à Paris ; sy leur sera respondu « in génère » que le Roy ne pensa jamais aller au contraire, directement ne indirectement, en quelque façon que ce soit. Et s'ilz vouloient entrer en quelque cas particulier, comme de monsieur de Gueldres, leur sera dict que le Roy, de sa part, a faict ce qui estoit en luy, sans aulcune faincte ne dissimulation, pour faire garder et entretenir ce que le Roy avoit promis par ledict traicté de Paris, et à ces fins luy a envoyé ambassadeurs, lettres et messagers exprès, et n'a poinct sceu ledict seigneur que ledict seigneur de Gueldres ayt faict aucune chose contre et au préjudice de ce que ledict seigneur avoit promis audict traicté de Paris. Et, s'ilz parloient du faict de Navarre, leur sera dict, jaçoyt que le Roy de Navarre, qui est proche parent dudict seigneur, l'ayt, par plusieurs fois, requis et prié de luy donner ayde et secours pour recouvrir sondict royaume, néantmoings ledict seigneur n'y a jamais voulu entendre et ne sera sceu ni trouvé que, à la motion de guerre que feyt dernièrement icelluy Roy de Navarre à Sainct-Jehan-de-Pié-de-Porc, y ait eu aucun capitaine, homme d'armes, archer ne soldat du Roy, et, quant ledict seigneur eust esté de ceste entreprinse, y feust allé d'aultre sorte que n'a fait icelluy Roy de Navarre, toutesfois estoit loisible au Roy, si bon lui eust semblé, de donner ayde et assister audict royaume de Navarre pour le recouvrement de son royaume sans venir aulcunement contre le traicté de Paris, car il fut expressément convenu en icelluy et par articles séparez que le différend dudict royaume se vuyderoit par l'amyable et que, pour ce faire, ledict seigneur et le Roy catholicque se mectroient en debvoir d'y faire consentir le feu Roy d'Arragon et le Roy de Navarre et que, s'il ne tenoit audict Roy de Navarre que icelluy différend ne se vuydast

par l'amyable ou au cas que recouvert ne seroit dedans l'an, le Roy lui pourroit assister et ayder au recouvrement d'icelluy royaume, ce qui est advenu, car n'a tenu audict Roy de Navarre que icelluy difiPérend n'ait esté vuydé par l'amiable, ainsi que dès lors il déclara aux ambassadeurs dudict Roy catholicque, par quoy le Roy, si bon luy eust semblé, sans enfraindre ledict traicté, eust peu assister et ayder audict Roy de Navarre pour le recouvrement de sondict royaume. Et, s'il mectoient en avant les praticques que le Roy a faict mener tant à Romme, Gennes, Venise, Portugal que Prosper Coulonne pour le recouvrement de Naples, diront que n'a faict chose que raisonnablement et justement n'ait peu faire pour la conservation de son droict et que tousjours il a eu son ymagination et volunté de recouvrer ce que justement et raisonnablement luy appartenoit, en intention que pour se faire essayeroit, premièrement, la voye amyable, et en icelle se mectroit en tout devoir de raison pour éviter effusion du sang humain, le hazard de la guerre et aultres maulx et inconvéniens cy-dessus spécifiez, et que là et quant par l'amyable raison et justice ne pourroit avoir et recouvrer le sien, auroyt recours à la force et se ayderoit de ses serviteurs et amys, et ainsy l'a faict, car s'est condescendu à traicter et mectre fins à ses différendz par l'amyable raison, équité et justice. Vray est qu'avant que venir audict amyable il a bien voulu entendre comment, par la force, recouvreroit ce que luy appartient, là et quant ledict Roy catholicque n'eust voulu entendre audict amyable ou que audict traicté de l'amyable ne se trouveroit aucune conclusion, et sur ce a conduict des praticques qui ont esté toutes conditionnelles, c'est assavoir là et quant fauldroit venir à la force, sy aultrement, par quelque bon traicté, ne se pouvoyt recouvrer [ce qui lui appartient], en quoy faisant n'a faict chose que justement et raison-

1516] DE JEAN BARRILLON. It93

nablement n'ayt peu faire. Et s'ilz faisoient cas de ce que le Roy a escript à son ambassadeur en Angleterre, après le trespas du feu Roy d'Arragon, qu'il dist au Roy d'Angleterre que s'il se voulloit ayder de luy en aulcune chose [il le trouveroit prest], à ce sera respondu que là et quant le Roy l'auroit ainsi escript n'auroit faict chose qui ne fust honneste et qui ne se deust faire, d'aultant que ledict seigneur, prévoyant ses affaires et ayant espérance de recouvrer ce qui lui appartient, auroyt voulu entendre et sentir la volunté du Roy d'Angleterre, mais qu'il lui ait offert ayde contre le Roy catholicque et qu'il l'ait incité ou meu de faire la guerre, cela ne sera sceu ne trouvé. Et quant le Roy d'Angleterre se fust déclairé et eust demandé ayde au Roy, s'il l'eust demandé contre ledict Roy catholicque, jamais ne luy eust accordé. Et, s'ilz se deullent de ce que leurs messagers et courriers ont esté prins et arrestez, leur sera dict que le Roy estoit en guerre avec le Roy d'Arragon, ses pais, terres et seigneuries, et qu'il n'y avoit communication des subjectz de l'un h l'aultre et estoient les passages gardez pour prendre ceulx qui, respectivement, entreroient sans sauf-conduict à l'un ou à l'aultre desdictz royaumes. Et dès l'heure que le feu Roy d'Arragon fut trespassé, et après que ledict seigneur fut adverty qu'il avoit faict son héritier ledict Roy catholicque et que le pais tenoit pour luy, pensa ledict seigneur, actendu l'amytié qui estoit entre eulx, que les subjectz, qui luy estoient arrivez à cause de ladicte succession et ceulx dudict seigneur, eussent à hanter et fréquenter les ungs avec les aultres et aller respectivement à leurs pais, terres et seigneuries, ainsi que font ceulx de Brebant et de Hollande ; toutesfois fut adverty que les Espagnolz avoient prins plusieurs Bretons subjectz dudict seigneur et avec ce le s' de Lansac, lequel ledict seigneur envoyoit par devers la Royne d'Arragon pour la conseillier comme sa prochaine

9lt JOURNAL [1516

parente, n'eut loy de passer aux terres dudict Roy catholicque, dont le Roy advertit M® Jehan Jong^let, ambassadeur d'icelluy Roy catholicque par devers luy, pour en escripre et avoir response, laquelle ne peut jamais avoir, tellement que ledict seigneur de Lansac fut contrainct s'en retourner sans riens faire, jaçoyt que ledict seigneur n'ayt refusé sauf-conduict ne passage à tous ceulx des terres du feu Roy d'Arragon qu'ilz luy ont demandé et si plusieurs y ont passé sans sauf-conduict, ausquelz on n'a demandé aucune chose. Et, quant à ceulx qui ont esté arrestez venant dudict feu Roy catholicque, ledict seigneur n'entendyt jamais qu'ilz fussent arrestez, et a esté la faulte des officiers, qui n'ont bien entendu sa volunté, et aussy, dès l'heure que ledict seigneur a sceu que aucun venant dudict Roy catholicque estoit arresté, l'a faict délivrer. Et, s'ilz mectoient en avant le faict des monnoyes, celluy de madame Margueritte touchant Chaussin et La Perrière et de la traicte foraine, leur sera dict que le Roy a faict à ce responce tant à ses ambassadeurs estant vers luy que par ceulx dudict seigneur. Et, s'ilz parloient de la duché de Bourgongne et aultres anciennes querelles qu'ilz disent avoir contre la maison de France, leur sera dict que le Roy est prest et appareillé de faire et accomplir de sa part tout ce qui fut dernièrement accordé et traicté à Paris sur lesdictz diflférendz et querelles ; et oultre leur diront que, sy le Roy voulloyt entrer en plainctes et doléances comme eulx, il a cause et matière de ce faire trop plus que ledict Roy catholicque, mais, considérant que telz chemyns et moyens empeschent communément que fin ne soit mise es causes principalles pour lesquelles on s'est assemblé, n'a voulu ledict seigneur qu'ilz entrassent en aulcunes doléances. Toutesfois, sy besoing est et en temps et lieu, ledict seigneur les fera desduire pour en avoir réparation. Et, finablement, lesdictz ambassadeurs, qui

1516] DE JEAN BARRILLON. 281

d'eulx-mesmes sont assez instruictz et informez de telles choses que on leur pourroyt dire et mectre en avant, se ayderont des choses susdictes tant et sy avant qu'ilz congnoistront leur estre besoing et nécessaire, et, selon les propoz que leur tiendront les ambassadeurs dudict Roy catholicque ou d'eulx-mesmes, pourront faire aultre responce, ainsy qu'ilz verront estre à faire pour le mieulx au bien et proffîct du Roy et tout ainsy que ledict seigneur a en eulx sa parfaicte fiance et lascheront de recouvrer ledict royaume de Naples et de Arragon, contez de Sardaigne et de Perpignan, Cathelongne, Maillorque et Minorque et les deux cens mil escuz, à tout le moings à l'extrémité Naples et Roussillon, et, sy cela ne se peult faire, advertiront le Roy à quoy lesdictz ambassadeurs s'arrestent, les ouvertures qu'ilz feront et leur adviz, et sur cela le Roy leur fera sçavoir sa résolution.

Aprez que le Roy eut séjourné douze jours à Lyon, partit pour aller à Amboyse veoir madame Loyse de France, sa fille, laquelle il n'avoit poinct encores veue. Avant son partement, envoya en Suisse le bastard de Savoye et le sieur de SoUiers pour faire ung traicté de paix générallement avec tous les cantons des Ligues et leur furent baillées instructions et pouvoir suffisant^. De Lion, le Roy veint à Moulins, où il séjourna trois jours, puis se mist sur la rivière pour aller à Amboyse. Toutefois, pour ce qu'on l'avoit transporté aux Montilz-lez-Tours, ledict seigneur passa oultre et vint aux Montilz-lez-Tours.

Pendant ce temps, le bastard de Savoye et le s"^ de

1. Bibl. nat., fonds Clairambault, vol. 317, fol. 4700 (cop.), juillet 1516.

Solliers, ambassadeurs du Roy devers les seigneurs des Ligues, envoyèrent quelques chappitres que lesdictz seigneurs des Ligues leur avoient baillez, sur lesquelz fut faicte la responce ausdictz ambassadeurs en la forme que s'ensuyt :

Sur les chappitres baillez par les seigneurs des treize cantons des Ligues des Haultes-Allemaignes aux ambassadeurs du Roy très chrestien faut notter et considérer ce qui s'ensuyt pour venir à une bonne résolution avec eulx.

Et, premièrement, fault présupposer le traicté dernièrement faict à Genesve entre ledict seigneur Roy très chrestien, d'une part, et iceulx seigneurs des treize cantons, d'aultre, par lequel et au premier article d'icelluy font entre eulx ligne et confédération et conviennent de l'ayde et secours que respectivement se doibvent bailler l'un à l'aultre en temps de guerre, et devoit durer icelle ligue et confédération dix ans après le trespas d'icelluy seigneur Roy très chrestien, lequel temps a esté lymitté à ung an. Laquelle ligue, ayde et secours, est autant ou plus à l'avantage et faveur desdictz seigneurs des Ligues que dudict seigneur Roy très chrestien, car ledict seigneur Roy très chrestien a paix et confédération quasy avec tous les princes chrestiens et n'espère avoir aulcune guerre ny en oflFensant ny en deffendant, et par ainsy ne fault que lesdictz seigneurs des Ligues craignent d'entrer en ligue avec luy ny en à ce que moyennant icelle souventesfois soient tenuz luy bailler ayde ; d'aultre part, ledict seigneur Roy très chrestien est tenu, par lesdictes ligues, leur bailler grosse ayde à ses despens, et iceulx seigneurs ne sont tenuz en bailler audict seigneur s'il ne les paie et si ne peult prendre gens à son service sans préalablement

1516] DE JEAN BARRILLON. 237

les avoir demandez ausdictz seigneurs des Ligues, qui montre clèrement que icelle ligue est trop plus à l'avantage d'iceulx seigneurs des Ligues que dudict seigneur Roy très chrestien. Et ne doubte icelluy seigneur Roy très chrestien, quand il auroit à soustenir aucune guerre, que de là ou d'ailleurs, encores qu'il n'y auroit poinct de ligue, il ne finast assez gens pour son argent. Et jaçoyt que, pour le présent, lesdictz seigneurs des Ligues n'ayent aulcune guerre pour la deffense de leur pais à soustenir, toutesfois ilz ne sçavent qui leur est h advenir, les fortunes se changent ainsi qu'il plaist à Dieu et par ainsi pensent au temps advenir, et, au cas qu'ilz auroient guerre, la ligue, ayde et secours de France leur seroit très utille et séante ainsy que aultresfois ont expérimenté. Ce néantmoings, par lesdictz articles, lesdictz seigneurs des Ligues ont tollu et osté dudict traicté ladicte ligue et confédération et disent qu'ilz veullent seulement avoir paix, laquelle chose a semblé très estrange au Roy tant à cause que ladicte ligue leur est sy séante comme à luy, aussy pour ce que, en ce faisant, ilz viennent contre la foy et promesse baillée audict traicté de Genesve, qui pourroit causer que, cy-après, ceulx qui auront affaire et besongne avec eulx ne adjousteront plaine et entière foy à leurs capitulations, foy et promesses et d'aultre part, car leur donne une grosse et grande somme de deniers et pension annuelle chascun an, que ne vouldroit faire pour une simple paix, qui seroit trop chèrement acheptée. Et, pour venir au poinct, il est plus que notoire que, sy entre ledict seigneur et les seigneurs des Ligues y avoit seullement paix, facilement lesdictz seigneurs des cantons pourroient causer quelque querelle pour entrer de nouveau en guerre avec luy ou faire alliance et confédération de offenser avec quelques ennemys du Roy, affin de luy faire la guerre soubz umbre d'icelle ligue et obligation, et seroit le Roy

à recommencer et auroyl perdu l'argent que leur auroyt baillé et frustré de son intention qui est de pacifier et mectre paix et concorde en la chrestienté, afin d'aller employer sa force et jeunesse contre les ennemys de la foy chrestienne. Vray est que, [sur] la prière et requeste des seigneurs des huict cantons, ses alliés et confédérez, et pour leur gratifiier et complaire, ledict seigneur a esté content paier leurs pensions ainsy que d'ancienneté se payoient et les traicter comme ceulx de sesdictz huict cantons, pourveu que de leur part ilz se obligeroient de ne faire la guerre audict seigneur Roy très chrestien ne bailler de leurs gens à quelques personnages que ce fust ne pour quelque cause ou occasion que l'on pourroyt excogiter ou immaginer et que sy de faict leurs hommes y vouloient aller les empescheroient de ce faire avec peynes de punition corporelle et perdition de biens. A ceste cause, quant esdictz seigneurs des cinq cantons, sy aultrement ne se peult faire et pour entretenir sa paroUe et ce qu'il a dict, sera content ledict seigneur Roy très chrestien, quant à eulx seullement, que ledict premier chappitre des articles baillez à leurs ambassadeurs ayt lieu joinct le xii®, pourveu que oultre ce ilz promectent, ainsy que dict est cy-dessus, audict seigneur de ne luy faire la guerre et ne pourront prendre alliance et confédération à ses ennemys pour la luy faire. Toutesfois, aymeroit trop mieulx ledict seigneur que les chappitres du traicté de Genesve eussent lieu et qu'il mist diverses obligations et convenances entre luy et lesdictz seigneurs des Ligues, qui seroyt trop plus séants, convenables et honnestes pour eulx et éviteroyent plusieurs questions et querelles qui pourroient à cause de ce sourdre entre eulx ; et quant le tout yroit ung mesme branle, ledict seigneur auroit plus grand foy et amour à eulx que quant yroient aultrement. Mais, quant esdictz seigneurs des huict cantons qui ont ratiffié ledict

1516] DE JEAN BARRILLON. 299

traicté faict à Genesve, ledict seigneur n'entend aulcunement se départir d'icelluy traicté, ains le veult garder et observer sans aucunement l'enfraindre, espérant lesdictz seigneurs des huict cantons eslre sy joyeulx et de bonne foy et tant aymer leur honneur et ne vouloir offenser Dieu et blesser leurs consciences, qu'ilz feront de mesme de leur part, et par ainsy quant h eulx ledict seigneur ne veult aucunement consentir au premier chappitre desdictz articles.

Et sy lesdictz seigneurs des huict cantons disoient que, d'aultant que icelluy seigneur accorde ledict premier chappitre aux seigneurs des cinq cantons, doibt aussy consentir quant à eulx, affin qu'ilz ne soient de détérieure condition que ceulx seigneurs des cinq cantons, leur sera dict que ledict seigneur n'entend que pour cela ilz soient de détérieure condition, ains de meilleure, car ladicte ligue est autant à leur advantage que dudict seigneur, lequel n'eust jamais consenty à iceulx seigneurs des cinq cantons le contenu audict premier article retranctif dudict traicté de Genesve, sy n'eust esté l'intercession, prière et requeste desdictz seigneurs des huict cantons, lesquelz, par bonne raison et honneste, ne doibvent rétorquer ce que icelluy seigneur a faict à leur requeste à son préjudice et dommage.

Et oultre s'ilz voulloyent dire que ledict seigneur n'a aucun intérest de leur accorder ledict premier chappitre, joinct le xii® chappitre et l'obligation de ne faire la guerre audict seigneur, sera respondu que chascun sçait assez de quelle importance est une ligue et confédération, et jaçoyt que iceulx cinq cantons ne veullent prendre ligue et confédération avec ledict seigneur, toutesfois actendu que lesdictz huict cantons demeurent en ladicte ligue, iceulx cinq cantons seulz n'oseront machiner ne entreprendre ce que feroyent les treize ensemble.

Les 11% m", iv% v% vi°, vu®, viii*, ix®, x®, xi^, xii^, xiii®,

XV® et XIX® chappitres desdictz articles sont quasi conformes au traicté de Genesve, et quant à la substance et essent d'iceulx ne si peult comprendre difiFérend de grosse importance ne conséquence fors aux poinctz que s'ensuyt :

Primo, il est au vu® article que le cardinal de Syon, quant se tiendra en son évesché, joyra du privilège des chappitres accordez entre feu de bonne mémoire le Roy Lois dernier déceddé, d'une part, et iceulx seigneurs des cantons, d'aultre part, et aussy de l'ordonnance de procedder es diflférendz et querelles qui pourroyent advenir sur ledict subject, d'une part et d'autre, jaçoyt que par le traicté de Genesve il en feust totallement exclus et déboutté .

A ceste cause, fault remonstrer esdictz seigneurs des Ligues que ledict cardinal est ennemy notoire et manifeste dudict seigneur Roy très chrestien, a poursuivy, procuré et pourchassé par tous les moiens dont il s'est peu adviser de porter nuysance et dommage audict seigneur, a esté cause principalle des guerres, querelles et divisions qui ont esté entre ledict seigneur Roy très chrestien et iceulx seigneurs des Ligues, a empesché que les traictez faictz entre eux, tant à Verseil que Galleras n'ayent sorty efFect, dont plusieurs bons personnages en ont porté la pénitence, au très grand regret et desplaisir dudict seigneur, et par ainsy les prie bien fort icelluy seigneur de riens changer quant à ce audict traicté de Genesve, par lequel il est totallement forclu desdictz chappitres. Et sy lesdictz seigneurs des Ligues persistoyent au contenu audict vu® article leur sera dict que le Roy, pour leur complaire, est content l'accorder pourveu ce et non aultrement que icelluy cardinal, quant sera en sondict évesché, jurera, promectera et se obligera de ne machiner ou conspirer directement ou indirectement aucune chose contre l'honneur personnel ou estât dudict seigneur, à la peine d'estre débouté du bénéfice desdits chappitres et sauf et réserve

1516] DE JEAN BARRILLON. 241

qu'il ne pourra demander l'évesché de Noarre ne aultres terres et possessions en la duché de Milan, [pour] ce [que] ne seroit honneste ne raisonnable que ledict seigneur Roy très chrestien souffrist ne tolérast que un sien ennemy manifeste entrast ne yssist ne eust cause d'entrer ne sortir par luy ou aultres en ses païs, terres et seigneuries, ne que y tinct ou possédast aucune chose pour les dangers et inconvéniens qui en pourroient advenir. Toutesfois, quant iceluy cardinal se vouldra retirer vers ledict seigneur Roy très chrestien et lui estre bon, loyal et féal, et de ce luy donner bonne seureté, sera ledict seigneur content à la prière et requeste desdictz seigneurs et non aultrement le recevoir bénignement et mectre en oubly toutes les machinations et conspirations qu'il auroyt par cy-devant faictes contre lui.

Secundo, au ix* chappitre n'est faict mention de Galéas Visconte, combien que au traicté de Genesve, ainsi que a esté veu par l'original, y fut comprins, toutesfois est faict mention de luy par un article à part, qui est le xv® dudict article, auquel il demande que ledict Galéas soit comprins en ladicte paix et puisse retourner en ses biens, et jaçoyt que les ambassadeurs dudict seigneur interprètent cela en l'avantage du Roy et contre ledict Visconte, cuydans [que] par ce moien ne luy soit pardonné l'oflPense qu'il a faicte, ains qu'il fault venir par prière pour la luy faire pardonner et qu'il soit à l'arbitre du Roy de pardonner ou non, toutesfois le fault prendre en aultre sens qui est véritable et à la gloire et louange dudict Galéas, car, par iceluy xv® article, il requiert qu'il soit comprins à la paix et qu'il retourne à ses biens, et n'est poinct question de pardonner ne de prendre abolition comme aux aultres ; à ceste cause remonstreront lesdictz ambassadeurs esdictz seigneurs des Ligues que leur plaisir soit ne innover aulcune chose quant audict Galéas Visconte et le laisser en la forme et

manière qu'il est couché au traicté de Genesve, car n'y a propos ne apparence que ung subject soit admis à faire paix avec son seigneur, ains s'il a offensé doibl retourner à son seigneur par miséricorde et pardon et s'il pense n'avoir offensé par purgation et innocence.

Tertio, quant à la difficulté que font les ambassadeurs du Roy au x® chappitre desdictz articles, qui est touchant les payemens, d'aultant que par le contenu d'icelluy sembleroit qu'il fallust derechef commencer iceulx payemens et que ce que seroit païé fust perdu, sera respondu et satisfait par ce que dessus a esté dict que le Roy, quant aux huict cantons, ne veult riens innover ains laisser les choses ainsy qu'elles sont, mais, quant aux cinq cantons, ledict seigneur les payera en la forme et manière contenue au X® article, pour ce que encor n'ont receu aulcun payement.

El quant au contenu au xvi® chappitre desdictz articles, qu'est totallement différent et dissonnant au contenu dudict traicté de Genesve, car par icelluy traicté est dict qu'ilz rendront les places fors Bellinssonne moyennant la somme de m'' M escus payables à termes, et à icelluy xvi® chappitre est contenu que terme leur sera donné pour prendre advis s'ilz les rendront ou non, pour satisfaire au contenu dudict chappitre fault entendre que, h la prière et requeste desdictz huict cantons et pour leur complaire et gratiffier, ledict seigneur Roy très chrestien leur a accordé nonobstant le contenu audict traicté de Genesve, que lesdictz seigneurs des Ligues auroyent terme de adviser s'ilz aymeroient mieulx retenir icelles places et laisser icjeulx trois cens mil escus audict seigneur ou bailler et délivrer icelles places et avoir iceulx m" m escus, laquelle promesse ledict seigneur, comme prince d'honneur et de foy, veult garder et observer et ne venir au contraire.

A ceste cause sur le contenu au xviii® chappitre des-

4516] DE JEAN BARRILLON. 243

dictz articles ne se peult faire pour le présent responce, car ou lesdictes places seront rendues audict seigneur ou non : [si elles sont rendues], jouyront de telz et semblables privilèges que jouyssoient au temps que estoient es mains des ducz de Milan, et, si elles ne sont rendues, fauldra lors capituler sur les privilèges que demanderont, ainsy que ont accoustumé faire ceulx qui sont prochains voysins de la duché de Milan.

Quant aux pensions mentionnées au xiiii^ chappitre desdictz articles, par lequel ne veullent que le Roy soit obligé à leur donner aucunes pensions, ains que cela vienne de sa grâce et libéralité, et jaçoyt qu'il y fust obligé par le traicté de Genesve, fault respondre que ladicte obligation est à leur faveur et proffict, à quoy ilz peuvent renoncer et s'en fault rapporter h eulx, toutesfois obligé ou non obligé le Roy les veult gratiffier et donner et eslargir du sien, selon le contenu audict traicté, et ceulx qui le prendront luy feront plaisir et luy donneront à congnoistre que en temps et lieu le déserviront.

Et, touchant le secours et ayde que ledict seigneur doibt bailler en temps de guerre à iceulx seigneurs des Ligues et lesdictz seigneurs des Ligues audict seigneur, ainsy qu'est contenu audict traicté de Genesve et dont aux chappitres contenuz ausdictz articles n'est fait aucune mention, fault entendre que, quant ausdictz huict cantons avec lesquelz le Roy entend demourer en ligue et confédération, est besoing que soyt escript mention de ladicte ayde; mais, quant aux aultres cinq cantons qui veullent seullement avoir paix, ne fault mectre aulcune ayde, car l'ayde est promise à cause de la confédération et ligue et non pour la paix. Et, sy lesdictz cinq cantons entrent en la ligue, ilz n'oublieront de demander ladicte ayde, de laquelle n'est parlé ausdictz chappitres, pour ce que en iceulx est faict seullement mention de paix et non de confédération.

Sur le XVII® chappitre desdictz articles, par lequel lesdictz seigneurs des Ligues demandent que ceulx de Svych soient contentez touchant leur messager et esmail(?), leur sera dict que ledict article est contraire et dissonnant audict traicté de Genesve et pareillement au second chappitre desdictz articles. Et là et quant la querelle demoureroit encores nonobstant lesdictz traicté et articles, si la fauldroyt il poursuivre selon les chappitres accordez avec le feu Roy Lois, que Dieu absolve, et selon qu'est contenu au V® chappitre desdictz articles, et si fault leur donner à entendre que, d'aultant que le Roy, à leurs prières et requestes, remect et pardonne les offenses et rébellions d'aucuns ses subjectz, que il est bien raisonnable qu'ilz pardonnent à leurs subjectz, qui auroyent suyvi le party du Roy, ou à tout le moings qu'il soit couché en la forme et manière qu'il est escript audict traicté de Genesve.

Et, quant aux Valésiens et Grisons, dont mention estoit faicte audict traicté de Genesve et [qui] sont obmis esdictz chappitres, le Roy, quant à ce, n'y a aucun intérest et s'en rapporte à eulx.

Et, quant à la compréhension qu'ilz font esdictz chappitres du Siège apostolique et autres, s'ilz veullent aucune chose changer aux propres paroUes qui sont au traicté de Genesve, il fault bien y avoir l'œil et regarder comment le coucheront, car s'ilz le font par manière de compréhension, fault mectre temps dedans lequel iceulx comprins se déclaireront, alias le temps passé n'y seront plus comprins, et que sy ceulx, qui se déclaireront y vouloir estre comprins, rompoyent de leur part ledict traicté, néantmoings quant aux aultres qui n'auroyenl rompu demourera en son entier. Et, s'ilz veullent comprendre leurs alliez par manière de réservation, fauldra mectre ces paroUes : « es choses non desrogeans et contraires au présent traicté », qu'est encores plus advantageux pour le Roy que ce qui est couché au traicté de Genesve.

1516] DE JEAN BARRILLON. 245

Et pourront lesdictz ambassadeurs, de leur part, nommer ceulx qui sont nommez au traicté de Genesve et, par conclusion et résolution, sy lesdictz seigneurs des cinq cantons veullent faire ung traicté à part contenant seullement paix et non alliance, lesdictz ambassadeurs le pourront faire ensuyvant leursdictz chappitres avec les limitations, modiffîcations et additions cy-dessus escriptes et spéciffiées. Et, s'ilz veullent entrer en ligue comme lesdictz seigneurs des huict cantons, soulfira du traicté de Genesve et qu'ilz baillent ratiffication et touchant les places et aultres petites choses cy-dessus mentionnées, que le Roy consent, se pourra faire lectres à part. Et, finablement, en tout et partout, ainsy que dessus est dict et mieulx s'ilz peuvent, capituleront et conclueront lesdictz ambassadeurs au proffîct et utillité du Roy et tout ainsy qu'il a en eux sa parfaicte fiance.

Durant le temps que le Roy fut aux Montilz-lez- Tours, il envoya M° François de Bourdeaulx, conseiller en la court de parlement à Rouen, par devers le Roy d'Escosse, les gens des trois estatz du pais et le parlement d'icelluy pour quelques affaires qui touchoient le faict des royaumes de France et d'Escosse.

Audict temps, à Bougency, trespassa Lois, duc de Longueville, et fut son corps inhumé en l'église Nostre-Dame de Gléry avec ses prédécesseurs. Il laissa trois filz et line fille.

De Montilz-lez-Tours, le Roy veint à Tours, où il fit son entrée ^ et de là veint à Amboise. Audict lieu eut nouvelles comme le sire de Boissy, grand maistre de France, et autres ses ambassadeurs estans à Noyon avoient faict un traicté de paix, alliance et confédéra-