Rovoreto

1516] DE JEAN BARRILLON. 259

puet avoir aucunes autres choses à vuyder, ledict Roy catholicque, en vertu de sondict pouvoir, a promis et promect faire que ledict Empereur se soubzmectra desdictz diflPérens ausdictz Roys très chrestien et catholicque pour les appoincter par voye amiable, s'ilz pevent, et ledict Roy très chrestien que ladicte seigneurie de Venise fera le semblable de sa part. Et dès à présent est prinse et accordée entre ladicte Césarée Majesté et ladicte seigneurie de Venise bonne, seure et louable trêve et abstinance de guerre durant jusques à ung an et demy prochain, à compter de la délivrance qui sera faicte de la ville de Véronne es mains dudict Roy très chrestien, et tiendront paisiblement les dessusdictz et chascun d'eulx ce qu'ilz tiennent h présent, pendant lequel temps les choses demoureront en Testât qu'elles sont, sans riens innover d'une part ne d'autre, s'il n'estoit aultrement appoincté par lesdictz seigneurs Roys très chrestien et catholicque en ensuyvant ladicte submission. — Item, et a esté prins pour conservateur de ce présent traicté nostre Sainct-Père le Pape et le Sainct-Siège appostolicque, ausquelz lesdictz Empereur et Roy très chrestien se soubzmectent et consentent qu'il ayde et se joigne à la partie acquiesçant et entretenant cedict traicté contre celle qui vouldroit aller au contraire. — Item, et pour ce que lesdictz Empereur et Roys très chrestien et catholicque ont à traicter de plusieurs choses qui touchent la seureté de leurs Estatz et bien de la chrestienté, a esté conclud et accordé que la veue et assemblée desdictz princes se fera dedans la feste de la Chandeleur prochaine venant. Et se trouveront lesdictz Empereur et Roy catholicque dedans ledict terme à Cambray ou Castel en Cambrésis et ledict Roy très chrestien en la ville de Sainct-Quentin, Péronne, Bohain ou Crèvecœur, et sera advisé quelque lieu assis entre lesdictes villes et lieux propre et commode pour faire ladicte veue et assemblée.

— Item, et ont promis ledict Roy catholicque et les ambassadeurs du Roy très chrestien faire ratifEer et confermer ce présent traicté, c'est assavoir : icelluy Roy catholicque par ledict Empereur son grant-père et lesdictz ambassadeurs par le Roy très chrestien dedans six sepmaines prochaines venant, et aussi de faire jurer solempnellement icelluy traicté par eulx, ainsi que a esté celui de Noyon, en la présence de ceux qui seront par chacun d'eux à ce commis et depputez, dedans deux mois prochains venans ou plustost si faire se puet et ilz en sont requis. — Toutes lesquelles choses cy-dessus contenues et escriptes ainsi traictées, conclûtes et accordées, ledict Roy catholicque et les ambassadeurs depputez et déléguez dudict Roy très chrestien, dessus nommez, en vertu des pouvoirs et es noms et qualitez que dessus ont promis et promectent faire ratiffier, aggréer, confermer, approuver et jurer par lesdictz Empereur et Roy très chrestien, chacun en son regard, dedans le temps et en la forme et manière que dessus est déclairée. Et, en tesmoing de ce, ont signé ces présentes de leurs mains et faict sceller de leurs seaulx. En la ville de Bruxelles, le m* jour de décembre, l'an mil

cincq cens et seize.

Charles,

d'Albret, de Rochechouart,

Olivier, de la Roche, Gedoyn.

En ce temps, le Pape escrivit ung bref aux Suisses, duquel la teneur s'ensuyt :

Léo Papa decimus.

Dilecti filii, accepimus, conquerenlibus nobiscum ea de re aliquibus principibus christianis, esse nonnullos qui devotionem vestram ad ras novas commovendas pacemque

1516] DE JEAN BARRILLON. 2W

que, si alias unquam, nunc maximae christiane Reipublice necessaria est, bellis rursum excitatis penilus exterminandam non solum horlentur sed etiam, quod gravius visum est, ad eam rem auctoritatem nostram utantur et nomine, quod de dilecto filio nostro Matheo, cardinali Sedunensi ad nos delatum est, quanquam credibile non est hominem tanto honore sacerdotii decoratum in has Dec et Dei fidelibus maxime infestas actiones se immiscere. Sed hac re profecto nec nostris consiliis magis adversum quicquam, nec a generali sainte, que nobis maxime proposita semper fuit, alienius esse potest. Nostra, sicut vobis arbitramur notum esse, actio omnis et cogitatio paeem et concordiam universalem inter chrislianos complexa perpétue est bellumque non modo sanctum et salutare verum etiam necessarium contra Infidèles appetivit quo omnes cure nostre, omnia consilia, omnes nostri labores contenderunt. Belli vero inter christianos commovendi, si tempus ullum judicamus alienum fuisse, hoccerte est alienissimum, quum etemo hoste fidei Thurca novis successibus elato dimicandum est, et nobis gravius pertimescenda est in dies immanissirai hostis auctoritas et potentia, cui nullum aliud quod apponamus vallum habemus, quam pacem et conspira tionem inter nos. Hec scripsimus devotioni vestre tum nostro judicio, tum in testimonium veritatis ut devotio vestra a nobismet ipsis intelligeret que sit nostra voluntas vel belli vel pacis, a qua si qui sunt qui diversa vobis nuncient eos debetis existimare non solum a rectis consiliis sed etiam a cognitione nostri valde esse aversos. Vestra quidem devotio ex statu et conditione rerum facile potest conjectare quid vel pastorali officio nostro vel his temporibus conveniat, [et] in omnem eam partem perspiciet nihil esse hac tempestate magis procurandum aut cupiendum quam pacem. Datum Rome sub annulo piscatoris, die xix* novembris anno millésime quingentesimo XVP; ponlificatus nostri anno quarto.

ÎBÎ JOURNAL [1517

Le dernier jour de décembre, le Roy partit de Blois et retourna à Amboise, devers la Royne et Madame, qui estoient demourez ; de Amboise vindrent à Romorantin, où ilz séjournèrent deux ou trois jours ; aprez vindrent à Paris.

Et, pour ce que par le traicté de Bruxelles estoit mis que l'Empereur, le Roy et le Roy catholicque se debvoient veoir à Cambray ou près de là dedans la feste de la Chandeleur ensuivant et que, pour la briefveté du temps, cela ne se pou voit faire, lesdictz Empereur et Roy catholicque mandèrent au Roy que, s'il voulloit envoyer en la ville de Cambray aucuns ses ambassadeurs, que de leur part y en envoyeroient, affin de convenir du temps et du lieu que lesdictz princes se pourroient veoir et de la forme qui seroit observée en ladicte veiie; ce que ledict seigneur accorda. En ce temps, le Roy envoya devers l'Empereur l'évesque de Paris et le seigneur de Breuilles (?) pour prendre le serment dudict Empereur d'entretenir, observer et garder le traicté de Bruxelles et pour apporter la ratiffication dudict traicté, ce que ledict Empereur feyt.

Aussy veindrent à Paris devers le Roy le seigneur du Ru^ et quelques autres ambassadeurs de l'Empereur pour recevoir le serment dudict seigneur et avoir

1. Adrien de Croy, seigneur de Beaurain, comte de Rœux, chevalier de la Toison d'or, chambellan, premier maître d'hôtel de Charles V, premier gentilhomme de sa chambre, gouverneur de Lille, Douai, Orchies, mort en 1553. (Voir sa notice dans Brantôme, Œuvres, t. I, p. 319-320.) Le comte de Rœux arriva à Paris le 28 janvier 1517. [Journal cCun bourgeois de Paris, p. 46-47.)

1517J DE JEAN BARRILLON. 263

la ratiffication dudict traicté de Bruxelles ; ce que icelluy seigneur feyt en la grande église Nostre-Dame de Paris et ratiffia ledict traicté.

Davantage, le Roy envoya le sire de Boissy, grand maistre de France, et autres ses ambassadeurs à Cambray pour convenir et accorder avec les ambassadeurs de l'Empereur et du Roy catholicque de la forme de la veue, qui se debvoit faire desdictz princes, du temps et du lieu où elle se feroit, et furent baillez aucuns advertissemens et secrettes instructions au sire de Boissy, desquelles la teneur s'ensuyt :

Touchant la dyette de Camhray.

S'ensuivent quelques petitz advertissemens sur les matières qui se doibvent traicter à Cambray entre les commis et depputtez de très hault et très puissant prince l'Empereur et Roy très chrestien et Roy catholicque pour obvier que, soubz umbre d'amytié et bonne intelligence, ne se conduisist quelque secrette entreprinse et menée contre ledict seigneur Roy très chrestien.

Primo, fault considérer la ligue et confédération que on disoit saincte, qui a esté par cy-devant entre le Pape, Empereur et feu Roy catholicque et les Suisses ; laquelle avoit esté principallement faicte pour ruyner et adnichil- 1er Testât dudict seigneur Roy très chrestien.

Secundo, que ladicte ligue et confédération a esté rompue moyenant la glorieuse victoire qu'il a pieu à Dieu donner audict seigneur Roy très chrestien contre iceulx Suisses, Pape, Roy catholicque et Empereur, et aussy pour la conqueste par luy faicte de la duché de Milan et finablement par les praticques et moiens qu'il a trouvez à les desjoindre à son grand honneur, bien, proffict et utillité de son royaume.

Tertio, que, par son soing et diligence, a trouvé façon avoir alliance et confédération avec le Pape, Empereur et Roy catholicque et paix et amytié avec les Suisses, et de sorte que, demourans les choses en Testât qu'elles sont, il pourroyt vivre en grand repos et tranquilité, soulager et enrichir son peuple et amasser de l'argent pour faire par cy-après quelque bonne entreprinse contre les infidelles ou ceulx qui luy tiendront tort.

Quarto, que tous ceulx qui estoient à ladicte ligue, que l'on disoyt saincte, en ont eu dommage et déshonneur à la rompture d'icelle, comme le Pape, qui a perdu Parme et Plaisance, la réputation et superintendance de l'Itallye, en laquelle il estoit entièrement obéy, et sy ne fault sur luy prendre grand fondement ne seureté par ce qu'on a peu congnoistre depuis l'alliance et confédération faicte entre luy et le Roy, car nonobstant icelle, quant l'Empereur fut dernièrement en Itallye envoya audict Empereur ung cardinal et de l'argent, et sy ne vouUut bailler ayde ne secours au Roy, combien qu'il fust obligé de ce faire, et Marc- Antoine Coulonne, qui estoit en la solde avec ses gens, invada la duché de Milan et fut à la prinse de Lodde, en venant directement contre les promesses et obligations que icelluy Pape a envers icelluy seigneur Roy très chrestien, et d'autre part il a eu volunté de conquester Ferrare, à quoy le Roy n'a voulu assentir, ainçoys le poursuit de rendre Rege et Modenne à]^icelluy duc de Ferrare.

L'Empereur a perdu Bresse, Bergame, Véronne et la réputation, a esté chassé luy et son armée hors d'Itallie, a eu tousjours hayne et malveillance à la maison de France pour la rompture des promesses de mariage de madame Marguerite, de la feue Royne et de la Royne qui est aujourd'huy.

Les Suisses ont perdu la bataille en laquelle ont esté occis les principaulx de leurs bons capitaines et compai-

1517] DE JEAN BARRILLON. 265

gnons de guerre, ont esté chassez par deux fois honteusement de ritallie, ont perdu les grosses pensions tant généralles qui estoient de xl"" escus soleil que particulières que prenoient chacun an sur la duché de Milan, et si avoient la superintendance et principal gouvernement en icelle duché et sy n'ont voullu faire alliance ne confédération avec le Roy ne eulx obliger de ne luy faire la g-uerre.

Le feu Roy catholicque, qui estoit en ladicte ligxie, est depuis déceddé et jacoit que ayons avec son successeur bonne amytié, alliance et confédération, toutesfois fault considérer son bas aage, qui est tel que sur icelluy on ne pourroyt asseoir fondement ne fermeté d'amytié, et que une partie de ceulx de sa maison sont directement contre la maison de France et est à doubter qu'il ne pourra actendre l'aage de unze ans et demy de madame Loyse, et que l'Empereur, son ayeul, le conduira du costé qu'il vouldra, [ce] que facillement pourra faire pour la jalousie du royaume de Naples et de cent mil escus qu'il luy conviendra bailler par chacun an et pour la crainte de voir le Roy duc de IVIillan et grand en Itallie.

Et jacoit que le Roy d'Angleterre ne fust en ladicte dernière Saincte-Ligue, toutesfois actendu la grosse envye qu'il a contre le Roy, ainsy qu'il a donné assez à congnoistre, seroit bien ayse de la remectre encore sus et en estre ainsi qu'il a monstre par ce que a faict dernièrement avec le cardinal de Syon ; et d'aultre part pour les mauvais tours qu'il a faictz dernièrement contre le Roy en venant directement contre sa foy et promesse, il crainct la revanche et, pour y obvier, seroit bien ayse que le Roy eust beaucoup d'affaires ailleurs.

Quinto, il est à doubter, actendu ce que dict est, que facillement les dessusdictz se pourroient de nouveau railler ensemble et faire une nouvelle ligue et confédération pour cuyder adnichiller et destruire Testât du Roy à quoy

fault obvier et ne leur donner cause ne occasion de ce faire, ains les entretenir par bons moiens et mectre tousjours subtillement quelque picque, hayne et jalousie entre eulx et ne se endormir à leurs belles parolles et promesses, car sont ennemys réconciliez desquelz se fault garder et mesmement quant iceulx ennemys pour la réconciliation ont eu quelque perte, intérest ou dommaige, car cela leur rement tousjours ou ronge et fault à cesle cause présumer que l'amytié que y pourroyt estre est faincte et dissimulée et n'y fault prendre ne pied ny fondement, et pour ce est à craindre que ledict Empereur, s'il a, comme est vraysemblable, quelque mauvaise volunté contre le Roy, ne veuille faire son proffict de ce que se traictera et moyennera audict Cambray pour animer soubz umbre de ce les dessusdictz contre ledict seigneur pour faire une nouvelle ligue contre lui, à quoy fauldra obvier par les moiens qui seront cy-après touchez.

Sexto, si l'Empereur voulloit tenir bon pour ledict seigneur, tellement que on peult prendre en luy quelque ferme seureté et stabilité, ne fauldroit craindre ne doubter des aultres, car les Suisses et Gibelins ne innoveront aucune chose contre ledict seigneur tant que l'Empereur tiendra son party, le Roy catholicque demourera tousjours en la bonne volunté que est envers le Roy, le Pape seul n'oseroit aucune chose entreprendre et aura grand plaisir sy on le laisse vivre en paix, le Roy d'Angleterre sera en grande craincte et ne pensera que de soy sauver.

Septimo, car ladicte assemblée de Cambray se faict principallement pour trouver moien de gagner entièrement icelluy Empereur et luy faire des partiz moyennant lesquelz on puisse prendre quelque seureté en luy, se fault prendre garde que, en l'ouverture et conclusion desdictz partiz, le Roy ne habandonne ses anciens amys desquelz la foy et l'amour a esté par plusieurs fois éprouvée.

1517] DE JEAN BARRILLON. WJ

ains, sy faire se peult, les fault comprendre audict traicté et promectre pour eulx qu'ilz prendront les armes pour exécuter la conclusion d'icelluy et si ne fault prendre charge de commancer aucune guerre s'il ne la commance avant et quant et quant, et le tout pour éviter les dangiers esquelz le feu Roy que Dieu absolve se meist en faisant le traicté de Cambray.

Octavo, pour obvier que icelluy Empereur ne feist son proffîct de ce que se dira ou traictera audict Cambray fault, sy faire se peult, que ses depputtez et du Roy catholicque commencent les ouvertures de leur part, car par ce moien le Roy aura matière, sy l'Empereur luy voulloit jouer mauvais tour, de faire scavoir aux aultres princes et affermer que les ouvertures ont esté faictes par ledict Empereur et que, d'aultant que ledict Empereur n'y a voulu assentir, ledict Empereur pour se cuyder venger a semé le contraire et pourra on aussy rétorquer l'inimytié qu'il vouldroit causer contre le Roy contre luy par bons et subtilz moyens ; et s'il fault faire ung estroict serment, tant par lesdictz depputtez que par iceulx Empereur et Roy et à ceulx de leur conseil, esquelz ilz le vouldront communicquer, et ne dire ne réveller directement ne indirectement ce que aura esté conclud audict traicté, ains le tenir secret jusques à ce que l'exécution et exploict se fera des choses conclues, et fauldra que le Roy face avoir le soing à tous ses ambassadeurs, qu'il a par la chrestienté, de scavoir s'ilz entendront aucune chose de la conclusion dudict traicté et s'ilz l'entendent et à la vérité, ainsy que sera couché, on pourra assez présumer que cela sera venu de l'Empereur et de l'autre ; [lors], sans actendre plus avant, fauldra soy ayder et rétorquer contre luy sa malice secrettement et par bons moyens.

Reste après de adviser les ouvertures que les depputez du Roy feront, sy ceulx de l'Empereur et Roy catholicque

les conduisent jusques là qu'il faille qu'ilz commencent.

La première ouverture sera sur le faict de Grèce, de la conquester à communs despens et partir par égalles portions et sur ce sera remonstré que c'est la plus honnorable, utille et proffitable conclusion que se pourroyt faire et prendre entre telz princes, car le vray office de l'Empereur est de deffendre et augmenter la foy par la force et aussy est d'ung Roy très chrestien, qui a ceste cause en porte le nom, et d'un Roy catholicque, et en ce faisant jecteront hors captivité les pauvres chrestiens qui sont soubz l'empire et subjection du Turc, mectront en seureté la chrestienté, laquelle, ainsy qu'est vraysemblable, icelluy Turc veult invader, mectront la guerre et effusion de sang humain, qu'est entre les chrestiens, hors la chrestienté, se acquitteront de leurs charges, feront chose agréable à Dieu, honnorable et salutaire à eulx et pareillement proffitable, et de là pourront aller plus avant, selon que la fortune leur sourira, et conquester la Terre Saincte, et, s'ilz trouvent ceste ouverture bonne et veullent que dès à présent on face les partaiges et scavoir quelle armée chacun conduira et par quel lieu entreront en la Grèce et en quel temps se pourra commancer la guerre, pourront lesdictz depputtez y adviser et conclure, ainsy qu'ilz scauront très bien faire.

Si ceste ouverture n'est agréable, pourront faire l'ouverture de Tournay et de Calais et aultres terres que le Roy d'Angleterre tient deçà la mer et que le Roy donnera Tournay au Roy catholicque et qu'il luy donne ayde et secours à conquester Calais et autres terres que ledict Roy d'Angleterre tient deçà la mer. Et, pour parvenir à ladicte ouverture, sera remonstré comment Tournay est séant au Roy catholicque, le diocèse principal de tout son pays de Flandres, la clef et boullevart d'icelluy; secundo, le chasteau que le Roy d'Angleterre y faict faire sera une

1517] DE JEAN BARRILLON. 269

vraye baronnie et pour tenir en subjection tous les subjectz desdictz seigneurs qui seront prins allans et venans et contrainctz pour ce faire éviter affaire à Paris, et que c'est grosse honte à telz deux princes de souffrir que ung Roy d'Angleterre devant leurs yeulx et sur les bortz et limittes de leurs païs face une telle forteresse. Et, d'aultre part, en luy ostant Calays, on luy ostera le passage de ne faire jamais mal aux païs des dessusdictz seigneurs.

Et, ce faict, qui vouldra tirer plus avant, on pourra facillement conquester le royaume d'Angleterre et se enrichir des biens qui y sont et le bailler au duc de Suffolk, qui est à Metz, à tiltre de duc ou de comte dont il sera tributaire par moictié ou par tiers de telle somme qui sera advisé ou partir le royaume entre lesdicts seigneurs, ou si l'ung d'eulx le veult avoir seul l'aura en baillant rescompense aux aultres. Et sy ceste ouverture leur duist, fauldra adviser et conclure du commencement de la guerre et de ce que chacun fournira et de ce que sera faict dudict royaume d'Angleterre.

S'ilz ne se contentent desdictes ouvertures et veullent entrer plus avant en besongne, leur fault parler de l'Itallye et partir entre eulx les protections de Sienne, Lucques, Florence, Mantoue, Ferrare, Montferrat et aultres, et, s'ilz ne se contentent des protections, diviseront l'Itallye en deux parties, dont l'une sera appellée le royaume de' Lombardye et l'aultre le royaume de l'Itallye. L'Itallye sera depuis les Alpes jusques au royaume de Naples, icelluy comprins, et la Lombardye depuis lesdictes Alpes jusques aux montaignes de Savoye, et auront l'Empereur et Roy catholicque le royaume d'Itallie, fors Lucques, qui demeurera au Roy, et le Roy le royaume de Lombardye ; et pour ce que l'Eglise esdictz royaumes a plusieurs terres et vassaux qui sont de toute ancienneté de patrymoine de l'Église, cela demourera à l'Église, sans riens actempter

ffd JOURNAL [1517

au préjudice d'icelle. Et, quant aux seigneurs, marquis, comtes et aultres seigneurs et communaultez qui ont des terres dedans lesdictes deux parties, elles leur demoureront sans diminution de leur revenu, mais ilz seront respectivement vassaulx desdictz Roys qui auront telle et semblable puissance sur eulx que a le Roy sur les ducz, princes et vassaulx, et leurs terres et hommes qui sont en France. Et, s'ilz trouvent bonne ceste ouverture, fauldra adviser le moien de l'exécuter cautement, discrettement et secrettement et faire assembler leurs armées soubz coulleur et umbre de quelque aultre entreprinse et de sorte que la chose soit plus tost exécutée que entendue, et fauldra adviser le temps le plus commode et se pourra faire sans grans despens, car le Roy a son armée ordinaire à Millan et le Roy catholicque la sienne à Naples, et l'Empereur pourroit fournir de gens de pied.

La dernière ouverture que faire se pourroyt, c'est des Suisses et diviser leur pais, et toutesfois le mieulx est que, si l'ouverture ne vient d'eulx que on n'y entre poinct pour le présent, et s'il se prent quelque résolution et conclusion sur lesdictes ouvertures ou aultres qui [se] pourroyent faire et par icelles estoyt conclud entrer en guerre, faut nécessairement prolonger par quelque bon moien le commancement d'icelles le plus que faire se pourra, actendu la pauvreté du peuple et les finances qui sont en arrière et que les gens d'armes se veullent reposer, et aussy pendant icelluy délay pourront survenir des choses au grand advantaige du Roy.

Et pour ce que toute la chrestienté est en suspicion à cause de ceste assemblée et que on leur pourroyt donner occasion de machiner plusieurs nouvelletez et pracliques nouvelles seroit bon, sy aucune conclusion se prend entre lesdictz princes, faire ung traicté faict à part, parlant seullement de la Grèce, par lequel on pourra prier au Pape

et aultres princes de y entrer et l'envoyera on partout pour les endormir et oster l'occasion de ne penser plus avant.

Et si sera bon dire esdictz depputtez que le Roy a nng chascun jour plusieurs personnaiges, tant d'Itallie et Allemaigne que ailleurs, qui taschent luy faire nouvelles inventions pour le cuyder départir de l'alliance et amour desdictz seigneurs, Empereur et Roy catholicque, et que ledict seigneur ne leur veult prester l'oreille, sachant que c'est jalousie qui les meut à ce faire et la grande craincte qu'ilz ont de ce que ces trois maisons sont ensemble, car par là ilz seront tenuz en subjection et ne feront plus leur proffict de l'un et de l'autre, ainsi que avoient accoustumé faire, et que ledict seigneur croyt que l'Empereur et le Roy catholicque ne sont moings praticquez de leur costé, mais ilz sont si sages qu'ilz entendent bien à quelle fin cela se faict et y scauront bien obvier sans y adjouster foy.

Et pour ce que l'Empereur, ensuyvant les mœurs des Allemans, est insatiable et sera tousjours du costé où luy sera plus ofifert et présenté, ainsy que ont accoustumé faire jusques à présent, et que ceulx qui sont autour de luy et le gouvernent sont subjectz à la prinse et ne leur chault du bien ny honneur de leur maistre, mais qu'ilz ayent semblé [trouver] que seroit bon que l'argent et pension qui se baillent à ceulx d'Angleterre se doanast à l'Empereur et à ceulx qui sont autour de luy, est à croire que c'est la meilleure et plus seure ouverture que on luy scauroit faire et qui le tiendra plus longuement aux biens du Roy.

Et quant aux Vénitiens pour le partaige d'Itallie, ilz tomberont à la part du Roy, lequel sera tousjours sur ses piedz pour les traictez, ainsy qu'il verra estre à faire pour le mieulx.

Et, pour conclusion, on pourra prendre ou laisser des

Wt JOURNAL [1517

choses susdictes selon les propos, ouvertures ou adviz qui se pourront faire entre lesdictz depputtez.

Faict à Paris, le xii^ jour de febvrier l'an mil V** et XVI.

François.

De Neuville.

Lesdictz ambassadeurs du Roy furent à Cambray et y trouvèrent le seigneur de Chièvres et autres ambassadeurs de l'Empereur et du Roy catholicque. Hz communiquèrent ensemble par quelques jours. Toutesfois ne se feit aucune conclusion sur les ouvertures contenues es secrettes instructions susdictes et seullement se feyt ung petit traicté*, par lequel, entre aultres choses qui n'estoient de grande importance, la veue qui se debvoit faire de l'Empereur, Roy de France et Roy catholicque, fut différée jusques au moys de may ensuyvant, laquelle veue depuis ne se fit poinct, car l'Empereur usoit de dissimulation et révéla les secretz des ouvertures qui furent faictes à ladicte dyette de Cambray au Pape Léon X^ et au Roy d'Angleterre.

Fin de la seconde année.

1. Il s'agit du traité de Cambrai du il mars 1517. (Du Mont, Corps diplomatique, t. IV, part, i, p. 228.) L'empereur, Charles, roi d'Espagne, et François P"" s'y garantissaient leurs Etats, promettaient de s'assister mutuellement et s'engageaient à lever une armée pour résister en commun aux Turcs.

1517] DE JEAN BARRILLON. 273