AVRIL 1517-AVRIL
Après que le Roy eut faict traicté de paix, alliance et confédération avec le Pape Léon X®, Maximilien, Empereur, et Charles, Roy catholicque, et que, ensuyvant le traicté faict à Bruxelles, la ville de Véronne avoit esté rendue aux Vénitiens et l'armée, qui estoit devant, départie et tous gens d'armes retournez en leurs maisons, ce royaume de France estoit en grand paix et tranquilité, et n'y avoit pour lors aucun bruyct ou rumeur de guerre, division ou partialité. Les marchans faisoient leur train de marchandise en grande seureté, tant par mer que par terre, et commerçoient pacificquement ensemble Françoys, Anglois, Espaignolz, AUemans et toutes autres nations de la chrestienté, qui estoit grande grâce que Dieu faisoit au peuple chrestien, et, audict temps, s'il y avoit une émotion de guerre, et elle estoit contre les Infidelles, car aucuns Mammeluks, qui estoient eschappez de la bataille en laquelle le Souldan avoit esté tué, s'estoient rassemblez, avoient faict ung nouveau Souldan* et faisoient guerre aux terres d'Égipte et de Sirye nouvellement conquestées par le Turc. Toutesfoys, icelluy Turc avoit assemblé une grosse armée et estoit allé contre lesdictz Mammelukz et nouveau Souldan, les- \
1. Toman-Bey, élu régent pendant la minorité du fils du dernier sultan Rhansou-Gawry, tué à Alep. (Charrière, op. cit. y t. I, p. 21.)
quelz pour la seconde fois il avoyt deffaictz et ledict Souldan occis*.
En ce temps, retournèrent de Suisse le bastard de Savoye et le seigneur de Soliers, ambassadeurs du Roy, et avec eux vint Galléas Vicomte, qui avoit faict son appoinctement avec le Roy par le moien des Suisses. Pareillement vindrent aucuns ambassadeurs de par douze cantons des Ligues de Suisse. Lesquelz bastard de Savoie et seigneur de Soliers, ambassadeurs du Roy, apportèrent ung traicté faict avec lesdictz douze cantons des Ligues de Suisse seullement, car le canton de Zurich et aucuns des Grisons n'estoient voulu entrer audict traicté duquel la teneur ensuyt^.
Le Roy, après avoir faict veoir ledict traicté par son conseil et icelluy entendu, le confirma et fit on plusieurs dons et gratieusetés aux ambassadeurs de Suisse et à aucuns particuliers de la nation qui estoient venuz avec iceulx ambassadeurs. Les Suisses ne sont poinct honteux à demander ne soubz de dons et gratieusetez.
Ung peu de temps après, ledict seigneur, soy voulant ségréger de la presse qui estoit dedans Paris et pour ung peu se recréer, se veint tenir au bois de Vincennes, où se tint environ trois sepmaines.
Le xv^ jour de mars, l'an M V et XVI, arrivèrent à
