Abbé de Saint-Martin-d'Ainay, à Lyon

Semblablement veint audict lieu d'Abbe ville le sire de Lautrec, lieutenant général du Roy à Milan, et plusieurs gentilzhommes italliens avec luy et pendant son absence, le sire Jehan-Jacques de Trévolse, mareschal de France, demoura lieutenant du Roy.

En ce temps le Pape commencea la guerre d'Urbin pour chasser Philippes-Marie, nepveu du feu Pape Julles, qui possédoyt ladicte duché, et le Roy luy envoya pour secours messire Thomas de Foix, seigneur de Lescun, avec quelque nombre de gens d'armes à cheval et trois mil hommes de pied soubz la charge du seigneur de Chissey.

Durant ladicte guerre d'Urbin, le Pape créa trente ung cardinaulx de diverses nations et la pluspart baillèrent argent pour avoir le chappeau et disoit le Pape que ledict argent estoit pour subvenir aux grans fraiz qu'il falloit faire pour la guerre d'Urbin.

Pendant icelle guerre d'Urbin, les cardinaulx de Sene* et de Sainct-Georges^ feisrent, ainsy que l'on dict, quelzques conspirations à l'encontre du Pape, lequel, de ce adverty, les feyt prendre et mectre en diverses prisons et commencea à procéder très rigoureusement à rencontre d'iceulx. Toutesfoys, à la requeste du Roy et d'aultres princes chrestiens, le Pape se mitigua ung peu et les feyt délivrer. Néantmoings furent condampnez en grosses sommes d'argent et les aulcungs privez du chappeau.

La guerre d'Urbin dura assez longuement, car Philippes-Marie estoit favorisé et soustenu d'aucuns potentatz d'Itallye. A la fin se traicta appoinctement