Né en 1404, mort en
ib\b] DE JEAN BARRILLON. 41
ayeul Jehan, comte d'Angoulesme, après plusieurs grans et très recommandables services qu'il feyt à la couronne de France, décedda très glorieulx prince, plain de saincte vye et salutaires opérations qu'il avoit faictes en son vivant, et délaissa ung seul filz appelle Charles, vostre père, que Dieu absolve * . Par quoy en suivant la juste loy salique et immémorialle coustume observée en ce royaume par droict et vray tiltre, comme le plus prochain héritier masle du Roy Lois XII'' et venu de la maison d'Orléans, estes parvenu à ceste très noble couronne de France en la fleur de vostre aage, assavoir de xxi ans. Qui est la première raison qui faict esjoyr vostredicte fille l'Université de Paris, c Très excellent..., etc., pour spéciffier la seconde raison qu'estes parvenu à ceste très noble couronne de France en la fleur de vostre aage, assavoir de XXI ans, c'est une grande grâce de Dieu, car peu de voz très nobles prédécesseurs y sont parvenuz en cest aage. Nous Usons que Philippes-Âuguste, second de ce nom, aultrement appelle Dieudonné, pour ce qu'il fut né durant la vieillesse de Loys YI*, son père, fut sacré et couronné à Reims en l'aage de treize ans et peu avant le trespas de son père, qui ainsy le voulut. Et fut ung des plus vaillans princes et roys qui eussent esté en France depuis sainct Charles Maigne, empereur et roy, vostre prédécesseur, car il alla deux foys oultre-mer en la terre saincte contre Saladin et les infîdelles, lesquelz greva très fort et leur porta de grans donmiaiges. Âussy eut une grande bataille contre
1. Charles d'Ajigouléme> fils de Jean, comte d'Angouléme, et de Marguerite de Rohan, né en 1460, avait épousé en 1488 Louise de Savoie. Il mourut en 1496.
l'empereur Othon, lequel, accompaigné de Jehao, Roy d'Angleterre, et de Ferrand, comte de Flandres, avec une inestimable armée, estoit descendu en France pour conquester ce royaume, ausquelz ledict Philippes-Âuguste résista si virillement, combien qu'il eust petite armée, que près du pont de Bouvynes, en champ de bataille, les descousit et mit en désarroy, après grande occision faicte et fut prins ledict Ferrand, comte de Flandres, et lesdicts empereur Othon et Jehan, Roy d'Angleterre, par grande fuyte évadèrent. Et depuis monstra bien ce victorieulx Roy fervent désir à l'exaltation de la saincte foy catholicque, car peu avant son décès Gorrasdin, filz de Salladin susdict, reprint la cité de Jhérusalem sur les chrestiens, de quoy adverti ledict Roy Philippes, estant lors consterné en maladye, de laquelle il mourut, par son testament laissa cent mille livres au Roy d'Acre pour recouvrer ladicte cité de Jhérusalem et aultant à ceulx de Roddes et semblable somme aux chevaliers du Temple pour mesme cause. Et pareillement nous lisons du Roy sainct Lois, vostre prédécesseur, que, en l'aage de quatorze ans, fut faict Roy de France. Les glorieulx faictz et mérites duquel sont sy congneus et manifestes qu'il n'est besoing en faire récit. Aussy, le Roy Charles YP, en l'aage de douze ans, fut couronné Roy de France, et de nostre temps le Roy Charles VHP, en l'aage de xm ans, que Dieu absolve, fut couronné Roy de France. Tous lesquelz ont esté vaillans et vertueux princes.
c Oultre, estes parvenu à ceste très noble couronne de France, estant de grand beaulté corporelle, auquel nature n'a laissé aulcung deffault, tellement qu'estes
i^i5] DE JEAN BARBILLON. 43
ung des plus beaulx personnaiges et des mieulx formez qui soyent non sen)Ieinent eo vostre court ^, mais en tout le royaume de France, qui sont toutes grâces de Dieu. Aussy estes parvenu à la couronne portant ung premier nom, car vous nouvel François premier de ce nom ; qui est chose singulière et les Roys de France, vos prédécesseurs, qui ont esté premiers du nom ont tous esté très vaillans en armes ou en quelques prérogatives plus que les aultres. Nous lisons de Pharamond, qui fut premier Roy de France, lequel fut vaillant et saige et feyt la loy salique, dont encores l'on use en ce royaume, laquelle a esté cause de sa conservation et longue durée d'icelluy ; aussy de Glovis, premier Roy chrestien, qui fut très vaillant prince, au baptesme duquel, faict par le glorieulx sainct Remy, archevesque de Reims, la saincte-ampolle fut miraculeusement apportée ; pareillement Mérovée, qui chassa les Huns du royaume de France, qu'ilz pilloient ; aussi Dagobert, lequel fonda Téglize Monsieur- Sainct-Denis en France et fut ung très vaillant prince ; Charles Martel, qui fut tant vaillant prince et augmenta le royaume de France ; Pépin, son filz, qui délivra les papes Ëstienne et sainct-siège appostolique de la tirannye de Âistulphe, Roy des Lombards, et feyt plusieurs aultres glorieulx faictz dont mérita à luy et à ses successeurs nom de Roys très chrestiens ; et glo-
1. Voici le portrait que trace du roi le secrétaire des ambassadeurs vénitiens après Taudience du 25 mars : « La belleze di Sua Maestà sono taie, bella facia ma non molto delicata, il naso un poco grande, capelli negri in fondo bianco de came, aperto ne le spale, grande più di me cinque deda, de età de anni 22, li comenzano spontar le lanugine. Le gambe uno poco sotile, rispecto la grandezza et grosseza. » [Diariiy t. XX, col. 105.)
44 JOURNilL [1515
rieulx sainct Charles Maigne, Roy de France, qui, tant vertueusement, déchassa les infidelles des terres chrestiennes, principallement de toutes les Espaignes, fît de sy grans services au sainct-siège appostoiique que Tempire, qui estoit aux Grecs, fut translaté à luy et fut faict Empereur et alla oultre-mer visiter le sainctsépulchre, apporta plusieurs sainctes reliques, feyt de si grans sumptueux édifices que les vestiges en restent à voir à présent en France et en Allemaigne et sera perpétuelle mémoire de ses très victorieux faictz; pareillement ce très dévost Empereur et Roy Lois premier de ce nom, qui, pour sa grande bénignité et clémence, fut appelle le Débonnaire; davantaige le Roy Robert, qui fut sy savant prince et composa tant de beaulx hymnes que l'on chante en Téglize ; aussi le très vaillant prince Philippes, premier de ce nom, au temps duquel le preux Goddefroy de Bouillon, duc de Lorraine, avec Tayde dudict Roy Philippes, conquesta la terre saincte et Jhérusalem et en fut faict premier Roy; et finalement le Roy Jehan, qui fut sy vaillant et hardi prince. Et, avec ceste prérogative de porter le premier nom de Roy, vous avez esté faict Roy le premier jour de l'an, le premier jour du mois, le premier jour de la sepmaine et en la première et principalle ville de tout vostre royaume, et le premier, en faisant vostre entrée en ceste ville, avez passé pardessus le pont Nostre-Dame, par quoy, non sans cause, vostre fille l'Université de Paris s'est estonnée. € Très excellent..., etc., pour spéciffier la tierce raison qu'estes parvenu à la couronne de France vaillant en armes, ce a peu estre clairement congneu quand le feu Roy Loïs XII*, que Dieu absolve, vostre
beau-père, vous feyt son lieutenant général en Guyenne et gouverneur de toute son armée, en laquelle charge vous vous conduisîtes si vertueusement qu'il n'est possible mieuU, car le Roy d'Espaigne, accompaigné d'une grosse armée, ayant desjà prins le royaume de Navarre, voulloit entrer en la Guyenne ; d'aultre part, les Anglois, en grand nombre, estoient descenduz à Fontarabie, en Tintention de se joindre audict Roy d'Espaigne pour conquester toute la Guyenne et rentrer plus avant au royaume de France. Â quoy si virillement résistâtes que iceulx Anglois ne peurent se joindre avec les Espaignols ne aller avant en païs et furent contrainctz demeurer audict lieu de Fontarabie l'espace de trois moys, en grande pénurie de vivres, et tellement furent oppressez par faim et aultres indigences, avec la peste qui se meist en leur camp, que, à leur très grande perte et confusion, furent contrainctz se mettre en mer et retourner en Angleterre. D'aultre part, les Espaignolz, qui estoient à Sainct- Jean-Pié-de-Porc, sur les limittes de Navarre et de Guyenne, furent longtemps sans pouvoir partir de là pour la bonne conduicte que y aviez donnée. A la fin, le Roy d'Espaigne, qui pensoit en brief temps gaigner toute la Guyenne et qui avoit cherché tous les moiens à luy possibles de lever argent sur ses subjectz, sans grand honneur fut contrainct retourner en Gastille^.
1. Tout ce récit de la campagne de septembre-décembre 1512 est étrangement fantaisiste. Ferdinand n'avait nullement l'intention de conquérir la Guyenne. Il défendit seulement la Navarre, sa conquête contre Tentreprise du roi dépossédé Jean d*Albret ; il y réussit et, en somme, la campagne ne fut guère à rhonneur du duc de Valois. (Cf. Boissonnade, op, cit. y p. 376-398.)
— Et du depuis, quand le Roy d'Angleterre descendit à Calays, avecques très grande armée, auquel se joi* gnit l'Empereur Maximilien, avec grosse armée de Flamans et Hennuyers, en intention de conquérir une grande partie de ce royaume, le feu Roy Loïs XIP, congnoissant vostre grande prudence et vaillance, vous feyt son lieutenant général, et résistâtes à iceulx Empereur et Roy d'Angleterre sy vertueusement que ne firent ce qu'ilz a voient délibéré de faire, combien que eussent de la force assez et que ce royaume feust lors assailly de tous costez. Et de sorte y besongnastes que le Roy d'Angleterre, aprez avoir faict de grandz fraiz, fut contrainct repasser la mer et sans avoir faict grand chose retourner en Angleterre*. Daventaige, estes parvenu à ceste noble couronne très prudent et sage et vostre grande prudence a esté bien congneue du temps du feu Roy, vostre beau-père, car, en tous les conseilz où avez présidé, vous estes si prudemment et modestement gouverné qu'il n'est possible de mieulx. Et, en toutes matières qui s'ofiroient, fiist du faict de la guerre, de la police du royaume ou du faict de la justice d'icelluy, oyez bénignement et patiemment les opinans et, quant venoit à vostre oppinion, en répilogant toutes aultres oppinions et les raisons alléguées d'ung costé et d'aultre, sy y avoit diversité d'oppinions, concluyez si pertinemment et discrettement, en prenant les meilleures oppinions et
1. Le rôle que joua le duc de Valois à ce moment est singulièrement exagéré. 11 était à Amiens avec le roi lorsqu'on apprit la Journée des éperons. Il courut avec Bourbon sur le lieu du désastre, y rallia les restes de l'armée, mais ne put rien faire pour sauver Thérouanne ni Tournai.
1515] DE JBAN BARRILLON. 47
délaissant les aultres, qu'il n'estoit possible mieulx. Que sont touttes choses qui font esjoyr vostre fille rUniversité de Paris*.
c Très excellent..., etc..., pour spéciffier la quatrième raison, qu'estes parvenu à la couronne en grand paix, et c'est une singulière grâce que Dieu vous a donnée et que plusieurs de voz prédécesseurs n'ont eue. Desquelz je citerai Charles le Chauve, lequel, au commancement de son règne, eut de grans guerres et divisions, car Loïs et Carloman, ses frères bastardz, vouloient usurper le royaume et luy feirent plusieurs guerres ; d'aultre part, les Normans, venuz nouvellement de Dannemart, luy faisoient grosse guerre en sondict royaulme. Âussy Philippes de Yalloys, au commancement de son règne, fut troublé par le Roy d'Angleterre, Edouard de Yindesore, qui querolloyt le royaume de France et aussy le Roy Jehan, son filz, lequel trouva le royaume en grans guerres après la journée de Crécy. Pareillement, le Roy Charles le Quint, au commancement de son règne, fut grandement troublé tant par les Ânglois, qui estoient lors en grandes compaignies parmy le royaume, que pour les séditions et mutineries qui régnoient lors en cedict royaume, car le Roy Jehan, son père, estoit mort en Angleterre, le Roy de Navarre estoit en France, qui avoît secrète intelligence avec les Anglois et faisoit
1. Toat ceci est encore pure flatterie. François P', au moins jusqu'en 1514, fut tenu assez à l'écart du gouvernement et, d'ailleurs, avant son avènement s'occupa beaucoup plus de ses plaisirs que des affaires de l'État, qu'il ne suivit que d'une manière interrompue. (De Maulde, Louise de Savoie et Frau" çois P', ch. IX et x.)
guerre audict Charles pour cause de ce qu'il avoit esté longuement détenu prisonnier par le Roy Jehan et aultres frivolles querelles qu'il mectoyt en avant. Geulx de ceste ville de Paris estoient en grande sédition ; les ungs tenoient la part du Roy Charles et les aultres la part du Roy de Navarre et de Estienne Marcel, prévost des marchans, qui favorisoyt audict Roy de Navarre ; il y avoit parmy ce royaume grandes compaignyes d'Anglois, Gascons, Allemans, Navarrois et aultres pillars qui faisoient infiniz maulx et estoient secrettement favorisez par le Roy d'Angleterre contre le traicté de Brétigny. Et, dernièrement, le Roy Charles VIP, quand succéda à la couronne, le royaume de France estoit plain d'Anglois, qui avoient quasi tout gaigné icelluy, speciallement la ville principalle, qui est ceste ville de Paris, et la court de Parlement se tenoit au nom de Henry Lencastre, Roy d'Angleterre, et le sceau de la chancellerie estoit imprimé aux armes de France et d'Angleterre. Oultre, Philippes, duc de Bourgongne, estoit allié avec ledict Henry, Roy d'Angleterre. Toutesfois, ledict Charles septiesme reconquesta tout son royaume. — Daventaige, avez commencé règne par clémence et bénignité et avez très humainement traicté voz subjectz et, en imitant le bon feu Roy dernier déceddé, avez mis en oubly toutes injures et aultres offenses qu'aucuns particuliers vous pourroient avoir faictes avant vostre advènement à la couronne et n'avez nul désappoincté de son estât et office, mais conservé ung chascun, en réduisant en mémoire que clémence faict les Roys dignes d'estre monarches et qu'il n'est fondement plus seur pour commancement d'un règne que clé-
1515] DE JEAN BARRILLON. 49
menoe et justice ^ Et pour ces causes vostre fille l'Université de Paris s'est esjoye.
c Très excellent..., etc..., pour la spéciffication de la cinquiesme raison qui est grande espérance que voz subjectz ont de vivre en bonne paix, leur espérance peult estre fermement fondée en ce que, depuis vostre advènement à la couronne; avez voulu que justice ayt esté et soit administrée, laquelle est la princesse des vertuz cardinalles, le siège de paix, et par icelle les Roys régnent, les princes dominent et leur sceptre n'est ferme ne permanent s'il n'est coroboré par ceste belle vertu de justice, et vous avez confermé toutes les courtz de Parlement de ce royaume^ et les privillèges et libertez des églizes et bonnes villes de cedict royaume. D'aultre part, ont très grande espérance en ce que veoyent vostre très noble couraige estre enclin à paix, considérant que paisyble vye est la bienheureuse des hommes, et l'avez bien démonstré quant avez envoyé ambassadeurs par devers les princes chrestiens pour avoir alliance et amytié avec eulx, avez bénignement receu et ouy les ambassadeurs des Roys et princes qui sont venuz devers vous et démonstré avoir désir de confirmer les alliances et confédérations faictes par voz prédécesseurs. Par quoy
1. Des louanges décernées au roi dans ce discours, celle-ci est la moins contestable. François P', on doit le reconnaître en effet, fit preuve à son avènement de beaucoup de prudence et de modération. 11 récompensa, il est vrai, ses anciens serviteurs, mais n'éloigna pas pour cela de la cour ceux de Louis Xll ; et le royaume resta tout d*abord administré comme il l'avait été sous le Bon roL
