La bataille eut lieu non loin du Caire le 2 janvier
2. Nous ne donnons pas ici le texte de la paix perpétuelle avec les Suisses conclue à Fribourg le 29 novembre 1516, et qui rétablit Tamitié de la France et de la Suisse aux conditions que François I*"^ avait proposées. On en trouvera le texte dans Du Mont, Corps diplomatique, t. IV, part, i, p. 249, et Toriginal aux Archives nationales, J. 724.
45i7] DE JEAN BARRILLON. 275
Paris plusieurs personnaiges depputez par les bonnes villes de ce royaume, par ce que le Roy, ung mois auparavant, ne scay par quel conseil, avoit escript aux bonnes villes de son royaume que chascunes d'icelles envoyas! à Paris devers luy audict xv^ de mars deux personnaiges, car ledict seigneur voulloit enrichir son royaume et exposer auxdictz depputtez les moiens comme on le pourroit faire, et sur ce en avoir leur advis pour après en faire une bonne ordonnance ^ •
Et, quant lesdictz depputez furent arrivez à Paris, monsieur le chancelier le feyt scavoir au Roy, qui estoit au bois de Yincennes, lequel manda que le xxi« jour dudict mois de mars il se trouveroit en la court de Parlement et feroit exposer ausdictz depputez la cause pour laquelle il les avoit mandez, et ledict XXI* de mars, en la chambre de Parlement, en la présence du Roy et de plusieurs princes de ce royaume, monsieur le chancelier proposa ainsy que s'ensuyt :
c Messieurs, le Roy très chrestien, nostre souverain et naturel seigneur, depuis que par la grâce de Dieu est parvenu à la couronne de France, a mis toute sa cure, soing et solicitude à faire vivre ses subjectz en repos et tranquilité et les enrichir et oster toutes causes et occasions par lesquelles par cy devant auroient esté fouliez et appauvriz, ce que icelluy seigneur n'a peu exécuter ne accomplir sy tost qu'il eust bien désiré pour les grans obstacles qu'il trouva à son
1. Paris, Rouen, Bordeaux, Toulouse, Grenoble, la Provence, Dijon, Lyon, Montpellier, Tours, la Rochelle, Limoges, Orléans, Bourges, Troyes, Bayonne, Amiens, Boullogne-sur-Mer, la Bretagne élirent et envoyèrent des députés. (Bibl. nat., f. Brienne, vol. 173, fol. 6 et 7.)
advènement à la couronne, car premièrement les finances estoient en arrière, le domayne vendu et engagé, et néantmœngs luy convint faire grans fraiz tant pour les obsèques de feu Roy, de bonne mémoire, le Roy Lois dernier déceddé, que Dieu absolve, que pour son sacre et entrée de Paris, et aussy pour satisfaire et paier ce qui avoit esté promis à la Royne Marie, et se trouva grand nombre de piétons et gens d'armes à sa soulde qui n'estoient en rien exploictez et que le Pape, Empereur, feu Roy catholicque et Suisses avoient faict une ligue, qu'iiz appelloient la Saincte-Ligue, affin de invader par divers lieux le royaume de France et icelluy adnichiller et destruyre. Et, quant au Roy d'Angleterre, la paix et confédération que le feu Roy avoit faicte avec luy estoit quasi expirée, car ne debvoit durer que ung an après son décès. Et, touchant Tarchiduc, n'y avoit aucune amytié, alliance et confédération avec luy et estoit vraisemblable qu'il adhéroit à ses ayeulx l'Empereur et le Roy catholicque. Et par ainsy, considérant ledict seigneur les finances de son royaume estre en arrière, les ennemys, les alliances et confédérations qu'estoient faictes contre son royaume, eut son recours à Dieu, disant avec le psalmiste : Ad Dominumj cum tribularerj clamavi et exaudivit me. Et dès lors se délibéra d'avoir paix avec les ennemys de sa couronne par doulceur et amytié, se mectant à tout debvoir tant et sy avant ({ue on pouvoyt faire en tel cas, et à ces fins furent expédiez plusieurs ambassadeurs. Mais, quelque chose qu'il sceut faire, le Pape, Empereur, Roy catholicque et Suisses n'y voulurent entendre, persévérans tousjours en leurs mauvais propos de ruyner ce royaume.
i5i7] DE JEAN BARRILLON. 277
Mais, quant à rarchiduc et Roy d'Angleterre, firent paix, alliance et confédération avec luy. Et, voyant ledict seigneur ne pouvoir avoir la paix avec les dessusdictz et qu'ilz le tenoient en grant despence, tant en gens d'armes que piétons, pour la deffence du royaume, se délibéra exploicter ses gens d'armes et piétons et avoir la paix, que n'avoit peu avoir par amour, par guerre, et entreprint le voiaige de Milan, où ne espargna sa propre personne et passa luy, son armée et artillerye quasi miraculeusement par rocqz et montagnes inaccessibles à grand peyne, travail et labeur et à sy grand soing et dextérité que une partie de sadicte armée et artillerye estoit en la plaine avant que ses ennemys, qui gardoient les passages, s'en advisassent, et a voit contre luy les Suisses à grant nombre, l'armée des Espagnolz, celle du Pape et des Florentins et de Maximilien Sforce et quasi toute l'Itallie ; contre lesquelz il eut la bataille et la victoire en laquelle il n'espargna sa personne et fut tousjours des premiers aucunes fois à donner dedans et frapper et receut plusieurs grans coupz, aultresfois à donner coeur et animer ses gens d'armes, tellement qu'il faisoyt office de Roy, de capitaine et de gendarme, et de sorte que par son sens, dilligence et vaillance. Dieu luy donna la victoire. De laquelle victoire sont proceddez plusieurs biens desquelz perpétuellement le royaume sera grandement tenu et obligé audict seigneur. Premièrement, moyennant icelle a recouvert la duché de Milan, dont il a tous les ans huict cens mil livres, qui ont aydé à soustenir les frays et mises de la soulde des gens d'armes, avec plusieurs tailles, dons et compositions qu'ilz ont paiez oultre l'ordinaire.
qui a aydé merveilleusement à faire les mises qu'il a convenu nécessairement faire. — Secundo, Thonneur des François a esté restabli, car, par la route de Novarre et de Tbérouenne, estoit tellement descrié que on n'avoit quasi nulle estimation d'eulx. — Tertio, Tentreprinse de la ligue du Pape, Empereur, Roy catholicque et Suisses a esté rompue et au moien de ce le Roy a eu amytié, alliance et confédération avec le Pape, et depuis paix et amytié perpétuelle avec les Suisses, paix, alliance, ligue et confédération avec FEmpereur, et sy a vuydé les différens qui pouvoient estre entre luy et le successeur du feu Roy catholicque et de sorte qu'il peut dire avec le psalmiste que, moyenant la victoire qu'il a pieu à Dieu luy donner et le soing et cure qu'il a eu de garder que ses ennemys ne se raillassent : Laqueus constrictus est et nos libers tati sumus. — Quarto, le concile de Latran, à l'instigation des ennemys de France, taschoit de abolir et adnichiller la Pragmaticque et nous remectre en Testât d'auparavant icelle, qui eust esté ung dommaige irréparable au royaume de France, car le Pape eust conservé huict mois les bénéfices et eust usé, par tous les bénéfices collatifz et électifz, de réservation généralle et particulière, et par ce moien les ordinaires collateurs eussent esté frustrez de leurs collations et les estrangiers pourveuz en ce royaume, gens scavans et de lettres fussent demeurez derrière, tous les bénéfices, par la multiplication des expectatives, eussent esté litigieux, les causes fussent plaidées à Rome, les interdictz souvent mis et sans cause, l'argent du royaume vuidé. A ceste cause, pour y obvier, le Roy, au lieu d'icelle Pragmaticque, a faict ung concordat,
1517] DE JEAN BARRILLON. 279
approuvé par le concilie, qui est plus seur que la Pragmaticque, car c'est une loy conventionnée et ne pourra jamais estre toilie ne ostée ne par Pape, ne par con* cille. Yray est qu'il y a quelque mutation quant au faict des élections, qui a esté Cedct à bonne cause pour la malice du temps, qui se pourra rabiller en aultre temps en trouvant le moien de oster les abbuz et faultes qui se faisoient esdictes élections.
c Or, Messieurs, vous pouvez comprendre et considérer le bien qu'il a pieu à Dieu en sy peu de temps, par le moien du Roy, faire en ce royaume, duquel on espérait la ruyne et destruction totalle, qui avoit perdu tout honneur et réputation, duquel tous les princes chrestiens estoient ennemys, et à présent est en plus gros honneur et réputation et en grand seureté plus que ne fut oncques, tellement que nous pou* vons dire : A Domino factum est istud et est mirabUe in oddis nostris.
€ Or, puisqu'il a pieu à Dieu que nous avons paix, qu'estoit le préalable et le fondement de l'intention du Roy pour parvenir à ce qu'il désire, qu'est de faire vivre en tranquillité et repoz et enrichir ses subjectz, qui sont choses qui consistent en pollice et bonne administration de la chose publicque, de laquelle est fondement justice, pour laquelle avoir fault deux choses, bonne loy et bons ministres, quia parum est legem condere; quant aux ministres, depuis qu'il est venu à la couronne, son désir et volunté a esté comme est encores, que les offices de justice de son royaume fussent donnez à gens scavans, de bonne conscience et libérallement ; et, s'il est trouvé qu'il y ait autrement pourveu, il a esté circonvenu et decou, et.
quand il viendra à sa congnoissance, les pugnira de sorte que sera correction à eulx et exemple aux autres; quant aux loix, il a commis quelques personnages pour assembler et veoir toutes les ordonnances de ses ancestres et prédécesseurs et tollir et oster les superflues, contraires et celles qui sont hors de usage et celles qui, par la variété du temps, se doibvent changer et muer, et le surplus mectre par tiltre et ordre, et, s'il est expédient pour le proffict de la chose publique, en faire de nouvelles et les y adiouster : et, ce faict, assemblera les principaulx personnages des cours de son royaume pour veoir icelluy volume, le corriger, augmenter et dyminuer comme verront estre à faire.
c Et, quant au faict de sa gendarmerie, il en a cassé beaucoup pour soulager les finances, et conséquemment son peuple, et, quant à ceulx qui demeurent, dont une partie sera au royaume et l'autre en Itallie, pour les faire vivre en ordre et police, il conmiectra avec ses mareschaux quelques personnages pour veoir toutes les ordonnances faictes sur le faict de la gendarmerye, et icelles fera corriger et augmenter et adapter au temps présent et les garder et observer sans enfraindre.
c Touchant le faict de ses finances, luy-mesme en personne y a vacqué par long temps et a voulu tout congnoistre et entendre, et, veu les grans fraiz et mises qu'il iuy a convenu faire, n'a esté possible que ne soient esté en arrière. Mais, pour y remédier et paier ceulx qui ont preste de l'argent en son grant affaire, il a tranché Testât de sa maison et les pensions des princes et aultres de son royaume et les gaiges de ses
i5i7] DE JEAN BARRILLON. 281
officiers, de sorte qu'il espère que en bref seront en Testât que doibvent estre, ce que souhaite et désire de tout son cœur, affin de soullager son peuple.
c Quant au faict des monnoies, il y a ung grand abbus et désordre à son regret et desplaisir, lequel ne s'est peu amender durant ces guerres, et pour y pourvoir il feyt dernièrement faire une assemblée en ceste ville de toutes les villes de son royaume pour leur oommunicquer icelluy abbus et trouver le remède que on y scauroit mectre ; lesquelz abbus sont venuz par la faulte, négligence ou coulpe de ses officiers, esquelz des bonnes villes il feyt remonstrer que, combien que le marc d'argent par son ordonnance ne feust que à XI liv. et le marc d'or à lxx escus, ce néantmoings le marc d'argent se montoyt à xiu liv. et le marc d'or à Lxxu escus, dont procède le foiblage de la monnoye, tant d'or que blanche; car jacoit que au marc d'or ne deust avoir que lxx escus, ce néantmoings il y en a Lxxn, qui est deux escus de perte, et d'alloy vingt-trois karatz et une octave de karat et davantage ilz ne sont qu'à xxii karatz et demy, qui est près de quatre escus sur ce, et si mectent les escus à quarante solz, et combien que ne se deussent mectre que à XXXVI sols trois deniers tournois.
c Et quant à la monnoie, à ung marc de brassage de douzains n'y doibt avoir que quatre -vingtz- six pièces, ce néantmoings il s'en trouve quatre-vingtdouze et xcni et sy devroient estre d'alloy.
c A quoy le Roy est grandement intéressé pour les intérêts des payements qu'il lui convient faire qui montent à ung gros argent une fois l'an; aussy les églises et les gentilshommes de ce royaume, pour
kurs rentes, qui en diminuent, et toutes choses, qui leur sont nécessaires, leur enchérissent. Avec ce, le Roy, pour l'abbus des officiers, car l'ouvrage n'est loyaument contreroUé par les boettes, ne prent aucun esmolument des escharcettes, qui s'y devroient monter à ung grand argent qui reviendroit au soulagement du peuple.
c Reste à présent le principal poinct, qui est d'enrichir son royaume. Sur quoy le Roy a faict assembler plusieurs grans personnages et expérimentez en telz affaires qui ont vacqué par plusieurs jours et ont mis par articles plusieurs ouvertures et adviz, lesquelz concernent ladicte matière que le Roy entend et veult vous estre communicquez avant que y faire aulcune conclusion, car il y a plusieurs choses qui pourroient estre proffictables à ung pais et dommageables aux autres, et le Roy n'entend point grever l'ung pour souUager l'autre, et vous aime tous, comme ses subjectz, d'une mesme amour.
c Ce royaume et autres païs, terres et seigneuries du Roy sont, grâces à Dieu, sy oppulentz et fertilz en toutes choses nécessaires à l'homme, que se peult passer de tous aultres royaumes, pais, terres et seigneuries, et nos voisins ne scauroient se passer de nous. Il y a plusieurs portes par lesquelles l'argent vient et entre en ce royaume et aucunes par lesquelles il en sort, desquelles la pluspart tendent plus à volupté et superfluité que nécessité; par quoy il est besoing de les clorre, de sorte que nous tirions les deniers de noz voisins et qu'ilz ne tirent riens de nous, et extirper l'avarice et ambition de quelzques particuliers, qui, pour eulx enrichir par leurs inventions, appauvrissent
i5!7] DE JEAN DARRILLON. 283
les aultres, et garder que les estrangers ne viennent en nostre royaume prendre pied pour nous oster la laine dessuz le doz, qui se pourra facillement faire, oomme verrez par les articles que le Roy a commandé vous communicquer.
c Messieurs, le Roy vous a envoie quérir pour quatre causes : l'une pour se congratuler avec vous de ce que son royaume est en paix, car le bien du royaume est le bien du Roy et le bien du Roy est le bien du royaume, car c'est un corps misticque dont le Roy est le chef, et de sorte qu'il peult dire avec vous : Anima nostra sicut passer erepta est de laqueo venantium.
€ Secundo, il vous a envoie quérir pour vous communicquer et faire entendre comme il a pourveu et entend pourveoir aux plus gros affaires de son royaume.
€ Tertio, pour vous communicquer et avoir vostre adviz et conseil sur le cayer qu'il a faict faire pour enrichir son royaume.
c Quarto, pour vous remercier que, quant il vous a demandé quelque chose pour ses affaires occurrens, vous l'avez faict libérallement et promptement et combien que ce fust pour le bien de son royaume et conséquemment de vous, toutesfoys il vous en scait aussy bon gré comme s'il l'eust mis en sa bourse, car le bien du royaume est le sien. Aussy vous remercie des prières et oraisons qu'avez faictes et faict faire pour la conservation de son estât et personne. Il vous prye de continuer et estre de bien en mieubc ses bons subjectz, et il vous sera bon prince. >
Ensuict la teneur des chappitres.
Ce sont les chappitreSj ordonnez estre faictz par le Roy par manière d^ ouverture^ concernant le bien, proffict et utillité de la chose publicque, pour iceulx estre communicquez aux gens des bonnes villes du royaume, assemblez en ceste ville de Paris par le commande^ ment dudict seigneur, affin d'avoir sur iceulx leur adviz, pour ce faict y estre par ledict seigneur pourveu et ordonné, ainsy qu'il verra estre à faire pour le mieulxK
€ Premièrement, a esté advisé que, pour remectre sus le traflic de marchandise par la mer, seroit bon, utille et proffitable prohiber et deffendre que nulle espicerie ne autres drogues n'entreroient en ce royaume que par les portz et havres maritins des royaume, pais, terres et seigneuries du Roy.
c Desdictes prohibitions proviendront trois proffictz, car l'or et l'argent, qui se vuyde du royaume, païs, terres et seigneuries du Roy pour le faict d'icelle espi-
1. A ces articles, lus le 26 mars à Thôtel de ville de Paris, les délégués des villes firent le jour même et le lendemain, 27 mars, deux « réponses » générales et assez vagues. (Bibl. nat., f. Brienne, vol. 173, fol. 1 à 5.) Aussi furent-ils congédiés sans retard; on les pria seulement, par pure forme, de préciser un peu plus leurs a avis » et d'envoyer ensuite le texte de ces « avis » à la cour. On verra plus loin le sort qui fut fait à ces documents. (Voir p. 449.) Malgré tout, ils nous ont été conservés en copie dans le vol. 173 du f. Brienne à la Bibl. nat., et, s'ils n'ont pas le mérite de l'impromptu, du moins en général ne manquent-ils pas d'intérêt. Pour chacun des a chapitres, » nous en citerons donc quelques extraits correspondants.
1517] DE JEAN DARRILLON. 285
oerie, demourera esdictz paï's, d'aultant que les marchans, qui eutreprendrout le navigage, porteront à Levant et autres lieux où lesdictes espices se acheptent aultre marchandise, de laquelle, par troques ou argent qui en proviendra, achepteront icelles espioeries et drogues.
c D'aultre part, moyennant icelles inhibitions, le traffic de navigage se mectra sus, moyennant lequel plusieurs denrées qui se vendent à vil prix en France se mectront hors, desquelles on retirera de l'argent, et avec ce, en temps de paix, les navires ordonnés pour le faict de la guerre se entretiendront.
c Et n'y faict riens si on voulloit dire que Tespicerye et drogues sont à trop meilleur marché quant chascun est en liberté de les apporter et mectre au royaume par là où bon luy semble, que ne seront si ladicte ordonnance est faicte, ainsy que on a veu par cy-devant par expérience et mesmement depuis que le roy de Portugal a faict le voyage de Galicut. Car, si par bonne prudence et considération on veult poiser le proffict qui pourra yssir desdictes prohibitions, se trouvera qu'il est trop plus à estimer pour le bien de la chose publicque et pour enrichir le royaume, que n'est le donmiage de la cherté de l'espicerye et drogues, mesmement, car l'espicerie tend plus à volupté que à nécessité, et sy a plus, car les marchans se pourront adextrer, par succession de temps, de faire le voiage ( de Galicut, et demourera le proffict en ce royaume, que le Roy de Portugal et ses facteurs y prennent, moyenant ladicte espicerie ^ .
