Voir 1. 1, p. 29 à

soy informer avec gens sçavans, expérimentez et de bonne conscience si icelluy Concordat estoit utille et prouffictable pour le bien du Roy, du royaume et de l*Église; laquelle feit response l'avoir communiqué au conseil et avoir trouvé que, pour le repos des consciences et salut des âmes, il estoit utille, requis et nécessaire. Le vichancellier de Milan, président de Bordeaux, qui est tel personnage que chacun congnoist, homme sçavant, lectré, expérimenté, droit et de bonne conscience, le trouva très utille et prouffictable. L'abréviature d'icelluy Concordat fut entièrement leue à Âmboyse au conseil du Roy, auquel, oultre les chancellier et chambellans et ceulx de la robe courte, estoient les arcevesques de Bourges, à présent cardinal, évesque de Paris ^, évesque de Senlis^ et président Olivier 3, lesquelz le trouvèrent bon, en ostant quelques pointz que le Pape y avoit faict adjouster, oultre ce que avoit esté accordé à Boulongne, qui ont esté rejectez. Semblablement fut la matière communiquée, présens le chancellier, les seigneurs d'Orval et de Champdenier, aux présidens Guillart, Nicolaï, Proudhomme, de Luynes et Paudi, lesquelz ne trouvèrent qu'il y eost aucune chose contre Dieu ne conscience et pour la nécessité du temps le trouvèrent bon, fors Nicolaï qui demanda temps à y penser. Le président Barme, en la présence du Roy et de plusieurs prélatz, présidens et conseillers de la court, récita bien au long tout le contenu audict Concordat, et le Roy demanda aux assistans leur advis et conseil et leur dit les causes qui l'avoient meu à faire