La restitution de Toumay

soixante-sept mille escus, se doit paier en la forme esdictz articles spécifBée.

Toutesfois audict premier cas, qui est si icelle restitution se faict après la consummation d'icelluy mariage, ne demandent aultre seureté pour le payement de l'argent sy n'est telle que leur a esté baillée pour la promesse du million d'or mentionné au contract de mariage de la Royne Marie. Bien est vray qu'ilz veullent que le Roy ayt regard à despence qu'il leur conviendra faire pour le garder jusques audict temps.

Au second cas, demandent hostaiges tant pour la seureté de la restitution de Toumay, au cas que icelluy mariage ne se feroit au deffault du Roy, ou que le payement desdictz deux cens soixante-sept mille escus ne se feroit au terme qui seroit dict.

Au tier^ cas, ne demandent hostaiges, tant seuUement les seuretez qui se doivent bailler pour le mariage, et, au cas que icelluy mariage ne se feist par le deffault du Roy ou par le décès de mondict seigneur le Daulphin ou d'icelle madame la princesse, veullent que Toumay leur soyt restitué ou ladicte somme de six cens mille escus leur estre payée au choix du Roy d'Angleterre.

Le premier cas le Roy veult accepter ; le second luy est plus aggréable que le tiers ; auquel n'y a que une grosse difficulté, qui est de bailler hostaiges, qui est chose fort odieuse et que dm long temps en ça n'a esté praticquée pour cas ayant si longue traicte, et, avec ce, par telles conventions, se estime la foy d'ung prince doubteuse; et, d'aultre part, y a grande inéqualité en ce que le Roy de sa part s'oblige à bailler hostaiges pour la conservation dudict mariage et ledict Roy d'Angleterre, non. Â ceste cause seroit commode et utille pour le Roy et son honneur que la clause desdictz hostaiges feust ostée et s'ilz ne la veullent oster, fault faindre discrettement que le Roy pour le présent ne veult Toumay et que 'veult actendre la

1518] DE JBAM BARRILLON. 105

consummatioD du mariage et marchander avec eulx que c'est que on leur baillera pour la garde, et, par ce moien, essayer de les faire venir au tiers cas, c'est assavoir que d'eulx mesmes le rendent et par aînsy ne fauldra bailler hostaiges et sera la condition du Roy trop meilleure que en Taultre. Toutesfois, sy on congnoissoit en leurs parolles et contenances de vouloir actendre la consummation du mariage pour le rendre, en ce cas tireront oultre et promectront bailler lesdictz hostaiges. Mais, d'aultant que esdictz articles est dict que, sy le mariage ne se faisoyt, que le Roy rendra Toumay et n'est faicte aucune mention sy l'argent qui aura esté baillé pour icelluy Toumay lui sera rendu, et que, d'aultre part, icelluy Roy d'Angleterre se réserve le choix de la restitution de Toumay ou des six cens mille escus, à ceste cause, pour (aire les choses à la raison, sera bon rabiller lesdictz articles comme s'ensuit : c'est assavoir, au cas que le Roy rendra Toumay, seront tenuz rendre l'argent que pour la reddition d'icelluy aura esté reçeu par ledict Roy d'Angleterre et que, sy il tient au Roy que icelluy mariage ne se face, sera tenu leur retourner Tournay en recouvrant son argent, et sy il tient au Roy d'Angleterre que le mariage ne se face, Toumay demourera au Roy en payant l'argent promis. Et, sy par cas fortuit le mariage ne se consumme, qui peult advenir par la mort de monsieur le Daulphin ou de madame la Princesse, lors sy G'|i0t par la mort de monsieur le Daulphin, afiin que le Roy ne soyt affligé de double douleur, à son choix sera ou de rendre Toumay, en recouvrant ce qu'il aura payé, ou de le tenir en gardant ce que restera à payer desdictz vi^ m escus à semblables termes que dessus; — et au contraire, sy c'estoit par la mort de madame la Princesse, au choix dudict Roy d'Angleterre sera, ou recouvrer Toumay, en rendant ce qu'il aura reçeu, ou prendre ce qui restera à payer desdictz yf^ M escus.

ik

Et quant au xxvii® article faisant mention du retour du duc d'Albanye en Escosse, fault considérer les anciennes et seures alliances qui ont toujours esté entre France et Escosse, le traicté que le Roy a faict avec eulx, la promesse qu'il leur a baillée par escript de faire retourner ledict duc d'Albanye en Escosse et le désir que les Anglois ont tousjours eu de mectre icelluy royaume en leur obéissance, la grandeur où parviendroit icelluy Roy d'Angleterre avec l'argent qu'il a, s'il avoit l'obéissance du royaume d'Escosse, la disposition où sont de présent les affaires d'Escosse, où la seur dudict Roy d'Angleterre est qui ne machine aultre chose, le despit que les Escossois auront s'ilz se voient habandonnez du Roy. A ceste cause, fault faire rayer ledict article, sy possible est, et ne capituler aulcunement, sy faire se peult, sur ledict retour d'icelluy duc d'Albanye et gouverneur du royaume d'Escosse, ains seullement sur le douaire et arréraiges deubz à la Royne d'Escosse et sur le gouvernement de la personne du Roy d'Escosse, que s'il n'est entre gens seurs soit baillé entre mains d'aultres au gré des Estatz et pareillement dudict païs. Et s'il ne se pouvoit faire qu'il ne feust parlé du retour dudict duc d'Albanye, à tout le moings soit accordé par promesse verballe et non par escript, laquelle promesse verballe se fera en ceste sorte : que ledict duc, par le commandement du Roy, ne par faveur et ayde, n'yra en Escosse, car, sy^ de luy mesmes y voulloit aller, ledict seigneur ne l'en sçauroit garder, ne de ce honnestement se obliger.

Toutesfois sera réservé, pour entretenir le traicté faict avec les Escossois, que cela se entendra tant que y aura paix et amytié entre Angleterre et Escosse et que ledict Roy d'Angleterre ne leur commancera la guerre, ne leur donnera cause ne moien de croire véritablement, par les prépara tifz que se pourroient faire, que leur veult faire la guerre ; car esdictz cas ledict seigneur envoyera en Elscosse

1M8] DB.JBAN RARRILLON. 107

ledict duc et aultres et les favorisera à son pouvoir en eofrayvant ses foy, promesses et obligations. Et s*ilz faisoient difficulté de réformer lesdictz articles, ainsy qu'est escript cy-dessus, leur fault remonstrer que de leur part ont faict une obligation que le Roy n'estime moings que tout ce que dessus, qu'est, sy le Roy d'Angleterre mouroit sans hoirs masles, le royaume d'Angleterre seroit en lieu de dot, et puis en ung aultre article est accordé que, sy madame la Princesse après ledict mariage consummé moarroit sans enfians, que monsieur le Daulphin retiendroit icelluy dot et par ainsy ledict royaume d'Angleterre*. Tootesfois ne les fault adviser de cela, sy n'est au besoing et à la nécessité et pour faire réparer les poinctz esquelz on prétend que l'honneur du Roy y gist.

Et finablement, feront iceulx ambassadeurs es choses susdictes, leurs circonstances et deppendances le mieulx que faire pourront à l'honneur et proffict dudict seigneur ainsi que sçauront très bien faire et que ledict seigneur a en eulx sa parfaicte fiance. — Faict à Angers le xxv" jour de juillet l'an mil cinq cens dix-huict. — Françoys. — Gedoyn.

Ensuit la teneur des poui^oirs^.

1. a Contra vero si contigerit praedictam dominam principissam praemori sine liberis ex hoc matrimonio procreatis, soperstite dieto domino Delphine, eo casu jocalia, margaritae, lapides pretiosi, vestes dictae dominae principissae ad dictum dominum I>elphinum pertinebunt... et integraliter dotem sibi retinebit. b (British Muséum^ Caligula, D. VII.)

2. Nous ne donnons pas la teneur de ces pouvoirs que Ton trouvera dans Rymer, Fœdera,.,, t. VI, f* partie, p. 142-145. n y avait quatre commissions : CommUsio ad tractandum super amieitia; — Commissio ad tractandum super matrimonio; — Commissio ad tractandum super deliberatione Tornaci; — Commissio ad tractandum super mutuo congressu. Ces pouvoirs sont datés du 31 juillet 1518.

 la fin du mois de juillet, audict an, lesdictz ambassadeurs partirent d'Angers pour aller en Angleterre S et, en passant la mer entre Calais et Douvre, furent en danger d'estre périz.

Le Roy partit d'Angers au commanœment d'aoust et veint à Nantes où il feit son entrée et la Royne aussy*. Après que y eut séjourné quelque temps, partit pour aller visiter tout le païs de Bretaigne'. La Royne, Madame et monsieur le Ghancellier, avec tous les ambassadeurs, se retirèrent au chasteau du Plessis-du-Ver* et à Ancenis.

Le xxi'' jour de septembre, audict an, vindrent nouvelles à Madame que madame Loïse de France estoit trespassée au chasteau d'Amboise, qui estoit fille aisnée du Roy, et, pour adnoncer ces nouvelles, fut monsieur le Ghancellier jusques à Rennes et ie dist au Roy.

Pour consoUer le Roy de ladicte mort, le duc de Venise escripvit audict seigneur en la forme qui s'ensuit^.

Le Roy veint au Plessis-du-Ver et là eut nouvelles que ses ambassadeurs estans en Angleterre avoient

1. Les ambassadeurs partirent d'Angers au commencement d'août, mais n'arrivèrent en Angleterre que vers la fin du mois [Letters and papers.,,^ t. II, p. 2, n<** 4405 et 4413). Ils étaient accompagnés d'une foule nombreuse et brillante de gentilshommes.

2. Il y fit son entrée le dimanche 7 août. (Marino Sanuto, Diarii, t. XXV, col. 692.)