CHAPITRE VI

JANVIER 15SI0-AIARS 1531.

£q ce temps, le Roy receut plusieurs lectres missives du comte de Garpy, son ambassadeur à Romme, par lesquelles faisoit assavoir au Roy que le Pape estoit pressé ou disoit estre pressé par les ambassadeurs dudict esleu Empereur de confirmer l'élection dudict Empereur, auquel fut faicte responce en la manière que s'ensuit :

Mon cousin, j'ai receu vos lectres des vu®, xi® et douziesme de ce mois. Je ne vous sçaurois trop mercier du seing et peine que prenez en mes affaires; je vous prie de continuer et ne vous ennuyer : vous le faictes pour un personnage qui, en temps et lieu, ne le mectra en oubly. Et sur ce que m'escripvez par vos lectres du vi® que nostre Sainct-Père, pour la grosse importunité des Espagnolz, ne peult dissimuler avec eulx, et que besoing luy est : ou rompre et leur refiuser tout à plat leurs requestes, ou leur accorder ce qu'ils demandent; et de rompre ne luy semble à présent estre à propos, considéré que de ma part les tiens encores en parolles et là où fauldroit rompre, seroit requis que, à mesme instant, me déclarasse comme luy contre eulx ; et quant à leur accorder ce qu'ilz demandent, ne le veult faire sans mon consentement, combien qu'il se contente quant à son faict particulier des conditions qu'ilz lui offrent qui sont semblables à celles que présentoyent à Sa Saincteté avant que traicter avec moy, que ne voulut lors accepter pour l'amour de moy, et moins le feroit à oeste heure sans mon consentement, attendu sa promesse.

Mon cousin, vous le remercierez très cordiallement de

ma part du bon et entier vouloir que de plus en mieux cognois par efiect qu'il continue avoir envers moy. Il me trouvera tousjours sans varier tel qu'il a faict jusques à présent. Et pour satisfaire à ce que me mandez, vous luy pourrez dire que combien que, comme Sa Sainctcté sçait, entre le Roy catholicque et moy, y ait bonne amitié, alliance et confédération deffensive, confermée par foy et serment, corroborée par censures et peynes et ratifiée par plusieurs traictez, néantmoings, après son élection en Roy des Romains, pour me gratiffier, me feit dire par son ambassadeur estant lez moi que, sy je voulois entrer en plus estroicte alliance avec luy, qu'il estoit prest de ce faire, et que, si je voulois aucune chose fust pour Milan ou ailleurs, qu'il me l'accorderoit, et si dès lors ou encores de présent eusse voulu ou vouloys entendre à capituler avec luy en la forme qu'il entendoit, l'eusse peu ou pourroys faire. Mais, cognoissant que sa fin tendoit à s'ayder de moi, tant pour avoir la couronne impérialle à Romme, que pour subvenir à ses aultres gros affaires et ne le troubler en ses Estatz, n'y ai voulu aucunement entendre, d'aultant que estois informé que, par les constitutions de l'Église, ne pouvoit tenir l'empire avec le royaume de Naples et Tavoit ainsi juré à son investiture. A ceste cause, comme très chrestien, obéissant et premier filz de l'Église, pour la conservation et deffence du droit d'icelle, en imitant les mœurs de mes primogéniteurs et ancestres et pour l'amour particulier que je porte à Sa Saincteté, considérant aussi le gros dommaige et diminution qui pourroit cy-après escheoir et advenir à l'auctorité de nostre Sainct-Père et siège apostolique, si l'empire, royaume de Naples et Espaigne estoient en une main et que trop mieux estoit obvier au commancement aux futurs inconvéniens, que chercher après les remèdes, envoyoi Sainct-Marsault, gentilhomme de ma chambre, par devers luy, m'offrant entièrement à la deffense des droictz et prééminences du

1520] DE JEAN BAARILLON. i53

Sainct-Siège apostolique, de TÉglise romaine et de Sa Saincteté, et d'y aller en propre personne, sans riens espargner. Et, sur ce, luy fis faire plusieurs ouvertures et remonstrances pour obvier ausdietz inconvéniens, dont s'en est ensuivy le traicté dernièrement faict entre Sa Saincteté et moy^, auquel me suis astrainct et obligé de ne riens traicter avec icelluy Roy catholicque sans le consentement de luy, en me privant de la liberté où estois. Et quant ne seroit question que de penser et avoir regard au profSct et utillité que on peult avoir de présent et de vouloir préférer celui-là à l'honnesteté et seureté pour l'advenir, ne me devois priver de ma liberté, ne refuser le party que icelluy Roy catholicque m'offroit, qui redondoit non seullement au proffict de luy et de moy, mais de nos successeurs. Et soyez seur que, s'il eust traicté avec moy, ainsy qu'il entendoit, n'eust faict grande instance de chercher ailleurs party. Mais, pour l'amour que ay à nostredict Sainct-Père et pour obvier que moyennant icelluy traicté ne fusse astrainct de entreprendre sur ses droictz et du Sainct-Siège apostolique, et par ainsy dégénérer des meurs de mes ancestres et avoir le nom de très chrestien frastratoirement, ay bien voulu faire ledict traicté avec Qostredict Sainct-Père, et, s'il estoit encores à faire, le ferois, et se peult asseurer Sa Saincteté que de ma part, quelque chose qui en doibve advenir, ne luy faudray jamais, et ay espérance, avec l'ayde de Dieu, que tant que Sa Saincteté et moy, qui tendons à bonne fin, aurons bonne et ferme intelligence ensemble, le Roy catholicque ne aultre ne nous feront aucun dommaige, et auront plus à besongner de nous que nous d'eulx. Toutesfois, pour aultant que le plaisir de Sa Saincteté est de ne tenir plus cest affaire en suspens et qu'elle se contente de sa part des offres que icelluy Roy catholicque luy a