Voir plus haut| p

faictes, et que à présent ne reste riens, sinon de me déclarer si veux rompre avec icelluy Roy catholicque ou m'accorder avec luy et que Sa Sainoteté quiert plus la paix que la guerre, je veux ensuivre son bon vouloir, tant pour éviter efiusion de sang chrestien que pour ne remectre la guerre en chrestienté. Toutesfois le faut-il faire, de sorte qu'il soit durable et qu'il n'engendre une guerre. A quoy j'espère que Sa Saincteté donnera bon ordre, comme sy ferai-je de ma part par son bon advis et conseil et, pour parvenir audict chemin de paix, je tiendroy paroUes de par deçà audict Roy catholicque sur ce qu'il m'a faict dire par son ambassadeur, ce que n'avois encore voullu faire, et sur ce luy feray mes demandes, qui sont la plus part telles que me mandez, comme vous escriptz cy-après, qui n^ tendent sinon à m'asseurer ce qu'il m'a promis par nosdictz traictez, et, s'il me refiuse, on pourra juger qu'il ne tend sinon à faire une paix fainte pour parvenir à ses attentes, à quoy fauldra sans plus attendre virillement résister et de tout certifieray de jour à aultre nostredict Sainct-Père pour avoir son advis et conseil, et ne feray aucune conclusion sans son consentement. Et si Sa Saincteté advise pour le bien commung de luy et de moy que doive demander aultre chose, le feray. Ce sont matières, comme sçavez, qu'il faut digérer, et ne se faut trop haster pour doubte de s'en repentir après.

Au demeurant, j'ay esté satisfaict de ce que me mandez qu'il vous a dict que ses gens d'armes sont en ordre, comme sont ceux des Florentins, et que Sa Saincteté fera provision de deniers pour avoir des gens de pied. Vous luy pourrez dire de mesmes de ma part, et quant son armée, celle des Florentins et Vénitiens avec la mienne seront ensemble, garnies de bon nombre d'artillerie, avec la suitte nécessaire, le Roy catholicque et tous autres penseront trois fois avant que les aborder.

Et quant aux Suisses, dont m'escripvez, mes ambassa-

1520] DK JEAN BARRILLON. 155

deuTS m'ont escript dernièrement que les neuf cantons des treize sont d'accord entrer en ligue avec moi et de me bailler de leurs gens où que pourroy en lever, ainsy que bon me semblera ; et les quatre cantons qui restent, quant h présent, n'y veuUent entendre, à cause de quelque promesse qu'ont faicte de ne prendre party jusques à la Sainct-Jehan ; mais, leur promesse accomplie, sont contens y entrer comme les aultres, et Switz, qui est l'un des quatre, dès à présent, est content se obliger de ne révoc-^ quer d'icelle alliance les trois cantons qui sont de son alliance ancienne, et j'espère, avec l'ayde de Dieu, en avoir bonne yssue, laquelle tout incontinent feray sçavoir k nostredict Sainct-Père, qui s'en pourra ayder comme moy.

Et de tout le demeurant que ay, j'ay veu l'advis que m'escripvez pour mes affaires, je le trouve très bon et me veux bien régler et gouverner par icelluy, comme proceddant d'un homme prudent et expérimenté, en qui j'ay entière fiance. Par icelluy, me mandez que ne dois laisser mon affaire envers le Roy catholicque en suspens ne en dissimulation, ains plus tost dois prendre la voye de la guerre ou de la paix, et que celle de la paix vous semble la plus seure. En ensuivant l'advis de nostredict Sainct-Père et vostre conseil, je m'arreste au chemyn de la paix. Mais quant à ce que me mandez, que j'aurai à présent d'icelluy Roy catholicque trop meilleure condition que quant sera aux Allemaignes, il me semble que n'aura moins d'affaires que a de présent, et peult estre que luy eroistront; et trouvera assez de demandeurs et peu de donneurs. Et si ne fault craindre ce que dictes, qu'il a mieux de quoy que ses ancestres empereurs, car aultant que ses pays sont dispersés en divers lieux et loing les ans des aultres et de l'obéissance et qualité que chacun sçaity il sera assez empesché de les garder et conserver sans chercher aoltre chose ; et, parce qu'il a beaucoup de

biens, tout son soing et cure debvroit estre d'avoir paix, quelque chose qu'il lui deust couster, tant pour éviter la grosse et insupportable despence qu'il luy conviendra soustenir s'il entre en guerre, que pour la grande subjection où il sera des seigneurs et capitaines qui conduiront son affaire, qui, se pourra faire, seront de diverses nations et chacun taschera d'avoir le haut lieu, qui engendrera souvent entre eulx envie et discord et aussy pour éviter le ,hazard de la guerre; les hommes font les batailles, mais Dieu donne les victoires, en quoy souventesfois ceulx qui cuident avoir du meilleur sont deçeuz. Et, d'aultre part, vous prévoyez assez que, si les princes de la chrestienté cognoissoient qu'il se voulsist eslargir et les gourmander l'un après l'aultre, ne le souffriroient jamais, ains pour éviter chacun au danger qui luy pourroyt advenir, se uniroient ensemble pour le faire retourner en sa maison. Et, avec ce, les seigneurs d'Allemagne, qui vivent en la liberté >que sçavez, ne le voudroient trop grand pour ne les assubjectir. Toutesfois, pour cela ne demoureray, s'il veut entendre la raison, que ne demeure en l'amitié et alliance que ay avec luy, puisque nostredict Saincl-Père le veult ainsy, pour l'amour duquel et pour la conservation des droictz de l'Église ay dissimulé jusques icy.

Et quant à ce que vous a esté dict de la duchesse de Bar, qui a présenté deux cens mil escus au Roy catholicque pour avoir l'investiture de Milan pour sa fille ou pour le Roy de Poullongne son mary, à quoyicelluy Roy catholicque a tenu bonne parolle, vous entendez assez que ce sont choses qui ne sont vraysemblables que la duchesse de Bar, après avoir payé le mariage de sa fille, sçeust finer deux cens mil escus. Et quant elle les auroyt, je crois qu'elle est si sage que ne s'en vouldroit dessaisir pour une investiture qui n'est riens sans la possession, qui ne seroit facile à recouvrer. Le Roy de Poullongne est bien loing de Milan et assez empesché pour garder son royaume, sans venir

1520] DK JEAN BARRILLON. 157

chercher ceulx des aultres, et, quant l'envie luy prendroit de y venir, il trouveroit une telle résistance que peult estre le feroit repentir de son entreprinse. On dict qu'il est sage, cela le fera penser de ne rien entreprendre follement et de faire garder iceulx deux cens mille escus s'ilz y sont.

Et touchant l'argent que on dict que le Roy de Portugal doit prester au Roy catholicque, ce n'est pas grand chose pour fournir au payement des debtes et à la guerre. Ceux qui ont mené le mestier longuement sçavent que telles choses vallent. Le jourd'huy ne se trouvent gens experts à la guerre qui veulent servir sans soulde et en souldoyer grand nombre avec l'artillerie nécessaire, pour estre le plus fort et passer partout, fault avoir infini argent et ung gros trésor y est bientost espuisé, et pour l'entretenir est nécessaire avoir argent revenant à grosses sommes.

Du faict de Monsieur de Liège ^, vous ne me sçauriez fidre plus grand plaisir que de tenir la main envers nostredict Sainct-Père, de ne luy riens octroyer, car ses mérites le requièrent. Il a un gros évesché en mon royaume^, oncques n'entra dedans, et sy a esté quatorze lieues près et ne feit oncques bien à son Église, si ce n'est de prendre tout ce qu'il en peult avoir, depuis que l'évesché est entre ses mains, que y a treize ans, il ne s'y est faict prestre, clerc ne cresme, qui est un grand scandale à l'Église.

Et quant à ce que m'escrivez de Monsieur de Thoulouze et de l'abbaye de Saincte-Catherine, je vous mercie de ce que avez faict et vous prie de continuer jusques à l'entière exécution. Et quant à Monsieur de Bresieu(?), je trouve bon ce que vous avez faict avec luy ; il s'estoit trop advancé, une aultre fois il sera plus advisé.

Au demourant, quant à vos dictes lettres du xi® de ce