La ville était bloquée depuis le 20 septembre

de France escripvirent au Roy une lettre de kquelte la teneur ensuit :

Sire, ceste aprez disnée, nous avons esté par devers le cardinal, auquel avons dict que, avant déclairer ce que nous aviez escript, seroit nécessaire veoir les pouvoirs du Pape et du Catholique, car aultrement icelle déclaration vous pourroit porter préjudice, comme aussy feroit laisser les armes, si le Pape après disoit n'avoir agréable ce qui auroit esté accordé. Il a respondu qu'il tiendroit hostaige jusques à ce que le Pape auroit ratifEé et que ne laississiez les armes jusques à ce que auriez ladicte rattification et que ne nous arrestissions à cela, ains luy eussions à dire le contenu de ce que nous aviez escript. Lors, voyans ne pouvoir eschapper par ce chemin, moyennant lequel voulions remonstrer que à eulx et non à vous tenoit que l'affaire pour lequel estions icy ne prenoit quelque bonne fin, avons commencé à exposer le contenu aux lettres qu'il vous a pieu nous escripre. Et sur ce que disions que n'entendiez faire trefve que ne (ust de cinq ans, ou à tout le moings de quatre, durant laquelle le Catholique n'entreroit en Italye, et si ne vouliez que les Florentins, marquis de Mantoue, ne rebelles de Milan y fussent comprins, nous a rompu nostre propos, sans qu'il nous ait permis le parachever, disant que, quant aux bannis de Milan, il estoit besoing qu'ilz fussent rappeliez, ensemble les autres, car de nostre costé n'abandonnons les rois de Navarre, duc de Ferrare, de Gueldres et messire Robert, et ne seroit honneste au pape, pour lequel avoient prins les armes, de les abandonner, et ne le vouldroit aultrement conseiller, et qu'il falloit avoir raison à la dignité papale. Nous priant vouloir déclarer ce que nous en aviez escript, car sçavoit que avions doubles lettres et qu'estiez content comprendre les Florentins et marquis. Si, luy avons dict que, si nous avions affaire avec nos adversaires, peult

1521] DE JEAN BARRILLON. 28!

estre que userions de dissimulation, mais à luy, que estimions estre vostre bon amy, avions accoustumé parler ouvertement, et que du marquis et bannis ne se pouvoit faire, pour les raisons que lui avons dictes contenues aux lettres qu'il vous a pieu nous escripre, lesquelles nous luy avons offert monstrer.

Sire, ledict cardinal, voyant qu'il ne pouvoit parvenir à son intention, a eu parolles assez colères, remonstré la grande fatigue, ennuy et despence qu'il avoit soubstenue jusques icy pour faire la paix, le malcontentement que seroit au Roy son maistre et à luy de partir de ce lieu sans riens faire, et que en faveur de vous avoit persuadé TEmpereur de n'entrer plus avant en vostre royaume, ne y envoyer plus grand nombre de gens, ce qu'il eust peu bien faire ; et si avoit esté cause de faire lever le siège de devant Maisières, disant que le pouvoir et forces de l'Empereur sont grands et aussi le vouloir de ses subjectz destiné à luy fournir argent, et qu'il n'avoit entendu ni sceu que vos gens d'armes eussent monstre le visaige à vos ennemis, et si avoit esté cause de le faire retirer, et que l'Empereur avec grosse compaignie n'estoit venu en son . camp, et que encores vous bailleroit il la bataille; et, avec ce, il avoit procuré la pescherie pour le proffict de vos subjectz, car celle des Flamans estoit passée; oultre, que l'abstinence de guerre ne vous est préjudiciable, car tenez ce que faisiez auparavant et que, moyennant icelle, parviendriez plus facilement à la paix que par armes, d'aultant qu'il sembleroit aux subjectz du Catholique que le vouldriez contraindre à ce faire ; et que sur le mariage n'oseroit rien traicter qu'il n'eust esté en Espagne, par quoy le falloit laisser, ensemble les accessoires qui en deppendent; et que de Navarre ne debviez pour ung jeune prince mectre toute la chrétienté en guerre, car cy après on luy pourra faire honneste rescompense; et quant à vos droicts de souveraineté, cela se pourroit

promptement moyenner à l'honneur de vous et du Catholique; quant au passage d'Italye, que le Catholique ne s'obligeroit, ne promettroit non y aller en armes, car ne seroit raison que le vassal deust bailler loy à son supérieur, mais que le Roy d'Angleterre seroit pleige et fidéjusseur que, durant ladicte abstinence, ledict Catholique n'y entreroit et que luy mesmes sur sa vie en respondroit, car toute son attention estoit le retirer des Allemagnes, qui ne demandent riens, sinon la guerre, pour avoir son argent, et qu'il le convenoit eiïvoyer en Espagne, où trouveroit sage conseil qui le contraindroit à la paix; qu'il entendoit que ladicte abstinence seroit de dix-huict mois, et non plus, aultrement, ne seroit vostre honneur ny proffict et ne le vouldroit conseiller, veu que vos querelles demoureroient trop longuement en suspens; et oultre, disoit avoir esté adverty que ung nombre de Suisses estoit descendu en vostre duché de Milan en faveur du Pape; pour résolution, que quand n'y vouldriez entendre, mectriez toute la chrestienté contre vous, sans riens excepter, inférant et disant ouvertement que, s'il estoit juge de l'infraction, il jugeroit bien celiuy qui auroit le tort; quant à la guerre que vous aviez faicte en Navarre, et pour le moings sy la chose estoit doubteuse, ne vous vouldroit bailler le droict. Et finallement a dict que tous les ans le Roy son maistre, à vostre requeste, a prolongé la trefve avec le Roy d'Escosse qu'il prétend estre son vassal, et ne sçauroit avoir l'opportunité plus propice pour luy faire la guerre que à présent, voyant ses affaires comme elles sont, et quant n'y auroit que ceste raison, ne luy debvriez reffuser ne au Roy son maistre icelle trefve, qu'il vous en prioit bien fort et que sondict maistre s'en tiendroit tenu à vous et le trouveriez vostre bon frère, aultrement ne le pourrez contenter.

Sire, nous luy avons respondu que, touchant sa peyne et fatigue, n'en estiez cause, car ce n'estoit à vostre requeste

i52i] DE JEAN BÀRRILLON. 2SS

que estoit venu et que, à la prière de son maistre et de luy, nous aviez envoyez en ce lieu gamiz de puissance su£5sante pour traicter de la paix et aussj pour faire abstinence de guerre pour le temps que serions par deçà. Mais le Catholique a toujours voulu user de dissimulation et n'ont jamais ses ambassadeurs voulu entrer en besongne, pensans que le Catholique ruineroit vostre royaume et feroit gros efforts en icelluy. Et faisoient les Flamans courir le bruit que demandions en ce lieu miséricorde. Mais quant le Catholique se veoit pressé et vos affaires prospérer, après avoir à leur grande confusion levé le siège de Mézières et Mouzon recouvert, demande l'abstinence de guerre, ce que luy qui dict estre vostre amy ne debvoit conseiller, mais plus tost laisser à qui Dieu envoyera la fortune, qui congnoist celluy qui a tort. Quant à ce qu'il se fait fort pour le Pape, que du dommage et intérest qui vous en adviendroit ne seroit pour en respondre, car jà nous avoit dict estre cause que Toumay n' estoit assiégé et qu'il avoit persuadé que les Flamans ne fissent raze avec le feu à vostre royaume, en quoy avoit esté mal obéy, veu les inhumanitez et cruautez faictes par le Catholique sur vos subjectz, tellement que le Turc ne pourroit faire pire; par quoy, si en peu de chose le cardinal n' avoit esté obéy, par raison plus forte ne seroit-il quand il auroit contracté et soy faict fort de si gros affaires qui importent tant. Davantage que estiez en armes pour la poursuicte de voz droictz, par quoy n'est à présumer que, icelles délaissées, le Catholique voulsist venir à la raison. Et quant à ce que le Catholique avait levé le siège devant Maizières pour la faveur du cardinal, c'estoient paroUeSy car la nécessité et force de vostre puissance, avec la craincte qu'ilz ont eue vous attendre, les ont faict lever et depuis les avez tousjours suiviz et eulx ont tourné le visage. Et au regard de son argent et amytié de ses subjectz, les

284 JOURNAL [i52i

Tostres sont délibérez (jie mectre leurs corps et biens pour tous; mais, grâces à Dieu, avez argent et tout ce qui vous est nécessaire pour soubstenir la guerre où sa force diminue. Quant au mariage, que seriez content le laisser dormir jusques au temps que verriez ce que le Catholique fera, mais que les accessoires comme Naples, n'estiez délibéré les laisser. Au regard des bannis, pour ce qu'il n'entendoit l'affaire, avons dict quant au marquis de Mantoue qu'il a serment de fidélité à vous comme chevallier de vostre ordre, et tellement en vertu d'icelluy abstraint qu'il fault qu'il responde par devant ses aultres confrères, par quoy ne seroit raison qu'il y fust comprins. Quant à ceulx de Milan sont voz naturels subjectz, ayans leurs biens, terres et possessions soubs vostre Estât, et lesquelz, auparavant la guerre d'entre le Pape et vous, estoient banniz par forfaicture; par quoy les rappeller seroit mettre son ennemy en sa maison et est affaire qui touche trop; à quoy n'entendriez jamais, comme moy chancellier l'ay asseuré. Au regard des aultres que ledict cardinal mectoit en avant, comme messire Robert, duc de Gueldres, duc de Ferrare et Roy de Navarre ne sont en riens vos subjectz, excepté ledict messire Robert à cause d'aucunes de ses terres; par quoy y a trop grande différence de compréhension. Et sur ce, ledict cardinal, ladicte raison entendue, a esté content que lesdictz banniz demourent en Testât qu'ilz estoient auparavant la guerre encommencée entre le Pape et vous. Et quant au terme de l'abstinence de guerre, avons dict qu'il ne seroit à vostre advantage, car aprez que les armes seroient délaissées, seroit difficile les rassembler en si peu de temps si la paix ne se faisoit, et la despense seroit merveilleuse; davantage il nous avoit persuadé pour le secours de Hongrie contre le Turc, qui ne se pouvoit faire, estant l'abstinence si briefve, car seroit assez à ung chacun d'estre sur

ibti] DE JEAN BARIULLON. 285

ses gardes; par quoy estoît besoing qu^elle fust à cinq ans. Quant à ses menasses, que espériez avoir la plus part de la chrestienté pour vous, car debvoit entendre que n'estes despourveu d'amis et avec vostre bon droict prendriez Dieu de vostre part. Touchant la descente des Suisses en Italye, que avions eu nouvelles comme vos affaires se portent par delà, plus certaines et véritables que ne luy donnent à entendre les Flamans. Et quant à la persuasion d'Escosse, luy avons faict entendre au long la différence et que c'estoit ung affaire tout aultre qui n'avoit nulle conformité pour vous induire à ceste abstinence; car sy le feu Roy d'Escosse avoit voulu envahir le royaume d'Angleterre, il y estoit mort et la plus part de la noblesse, en délaissant son filz jeune et pupille, nepveu du Roy d'Angleterre, qui, de présent, n'est en aage pour se deffendre et que en pitié l'aviez requis faire lesdictes prolongations et que si aviez eu la semblable vengeance du Catholique ne refuseriez la trefve. Mais si le Roy d'Escosse estoit en aage et le Roy d'Angleterre eust armée preste pour l'assaillir comme faictes à présent, n'est à présumer qu'il voulsist laisser les armes à vostre requeste. Et quant à ce qu'il dict, que en faveur du Roy son maistre et de luy, le debvez faire, avons dict que ne le vouldriez requérir de chose qui fust à son désadvantaige, et que pour luy avez faict ce qui vous a esté possible, ce que pour nul aultre prince eussiez faict, par quoy se doibt contenter, et ne vous presser de chose tant désad vantageuse .

Sire, ledict cardinal, voyant qu'il ne pouvoit tirer aultre chose de nous, a dict que le Roy son maistre vous* envoyera ung gentilhomme avec lettres de sa main et à Madame, et aussy il vous escripra pour vous persuader à ceste fin, et que cependant ne partira de ce lieu qu'il n'y ait fin. — Escript à Calais, le xvi* jour d'octobre.

Quant et ces lettres, H. le Ghanoellier envoya ung advis au Roy pour donner ordre que Targent du royaume ne fust plus porté à Rome, ne en aultres païs estrangers, duquel la teneur ensuit :

Moyen pour garder que F argent du royaume ne soit plus porté en pays estrangers envoyez par le chaneellier au Roy.

Pour empescher que Targent du royaume, pais, terres et seigneuries du Roy ne voyse à Rome, ne hors du royaume, fault expédier ung mandement, ainsy que aultrefois a esté faict en semblable cas, par lequel narration sera faicte du gros argent qui est issu hors dudict païs, tant pour les guerres que aultrement, en or et en argent monnayé, en vaisselle, lettres de change, billon transporté aux monnoyes estrangères, esquelles se faict du foiblage, à quoy ledict seigneur et ses subjectz y ont gros intérest. A ceste cause, pour y obvier et que à Tad venir telles choses ne se facent, sera deffendu à tous gens, de quelque estât et qualité qu'ilz soient, ne transporter hors le royaume, païs, terres et seigneuries dudict seigneur, or, argent, billon monnoyé ne à monnoyer, en masse ne aultrement, pour quelque cause ou coulleur que ce soit, sur peine de confiscation dudict or, argent et billon, et sera mandé à tous les officiers du royaume faire publier ez lieux accoustumez ladicte ordonnance et punir les infracteurs.

Et fault entendre que des dispenses qui se impétrent à Rome : pour la pluralité des bénéfices, ou par deffault d'aage, ou que séculiers tiennent bénéfices réguliers, ou au contraire, et que illégitimes puissent tenir bénéfices, constitutions de pensions^, confessions, significations de