C'est-à-dire, de légumes

de chambre du roy. Laquelle femme le print eu sou amour désordonnée et, pour l'entretenir, en vendit et engaiga de ses bagues et vaisselle de sondit mary, et si print aussy de l'argent de sondit mary larcineusement pour Tentretenement de sondit paillard. De toutes lesquelles choses sondit mary en fut adverty, qui en print si très grant courroux que à cause d'icellay il ala de vie à trespas, qui fut moult grant dommaige. Au royaulme des cieux gise l'ame de luy en bon repos !

Et, après que le roy eut fait et acomply son voyage audit lieu de Sainct-Glaude, il s'en retourna fort malade à Nostre-Dame de Glery, là où il fist sa neufvaine^. Et après icelle faicte, moyennant la grâce et bonté de la benoiste vierge Marie illec requise et à laquelle il avoit sa singulière confidence et devocion, revint en assez bonne convalescence et fut fort alegé de ses maulx. — Durant et pendant le temps que le roy estoit audit lieu de Clery ^ , y mourut beaucoup de gens tant de son hostel que d'autres. Et entre les autres y mourut ung docteur en théologie, que nouvellement il avoit fait son oonseillier et aulmosnier, qui estoit natif de Tours, filz d'ung boucher de ladicte ville; et se nommoit ledit docteur maistre Martin Magistri^.