PRISE DE THIONVILLE 2J
ceux qui mennoient vin au camp jusques alors le vandoient ioo fr. la queue. Mais quand l'armée fuist esloingnée, les vivres à cause de l'abondance que fuist en Pan 5y et la belle apparence aux champs [p. 20] en ladicte année 58, retournèrent les vins et bleidz à leur premier prix. Le vin 9 et 10 fr. la queue.
Les pauvres gens du pays après la prinse de Thionville fuirent fort travaillez aux fortiffi-' cations et rampart que les Françoys y firent, car journellement ilz estoient constrains aux courvées , mesmes ceux d'Ancey n'y fuirent espargnez.
Ladicte année 1 5 58 fuist bonne et fertille de bleidz et de vin. Il fuist peu de fruitz. La guerre estoit cruelle et merveilleuse. Les soldatz pour estre mal réglez faisoient de grand desgastz et extortions.
En ladicte année 58 vers la Saint-Martin se fist trêves entre les princes. QuelquefFois pour i5 jours, aucuneffois le temps que les députez de Leurs Majestez estoient assemblez. Les trêves fuirent reitéréez plussieurs foys. En fin le bon Dieu permist que la paix fuist faicte au commencement du moys d'apvril i55ç), entre les roys d'Espaigne et de France, Yzaubel royne d'Angle-
terre et Françoys fils du roy Henry et la royne d'Escosse. Ladicte paix fuist publiée à Metz le 20 dudict apvril avec grandes solempnitez et cérémonies.
Du temps desdites trêves, assavoir le 22 febvrier 1 558, mourust mon bon amys Christofle Millet; environ 8 jours devant il se avoit donnez un coupt d'une serpe sur le genouil : sembloit estre peu de choses, nonobstant il en mourut.
L'année 5g fuist fort chaude et bien fertille et abondante en bleidz et vin. Il fuist peu de fruitz et de foin. Les vins fuirent bons. La pluspart fuirent troubles et doux jusques vers la Pentescoste en Tan i56o, auquel temps ils devindrent clair et sy bon que merveille, car Tannée, voire les 2 précédentes avoient estez hastive. C'est ce que les terres de ce pays désirent, assavoir années chaulde et hastive.
[P. 21.] Le icr jour du moys de juing 1 55g, ma mère rendist son esprit à Dieu environ les 10 heures du soir. Fuist malade 8 jours enthier. Sa sépulture fuist au moitant du moustier. Sa mort nous contrista fort.
L'année i56o fuist assez fertille : mais ung peu moins que les précédentes 5/, 58 et 59. En ce temps l'abbé de Saint-Vincent dressa procez
