ORAGES D IC S T 11 U C T E U R S 6 I
Il vint des pluyes sur la lin dudict may qui donnèrent grand accroissement aux biens de la terre et sans icelles, il y avoit aparance d'une grande cherté de foings et d'orge et aveine. A la fin d'apvril et commencement de may 1584, il fuist des vermines sur les arbres d'une merveilleuse grosseur et en sy grand nombre qu'elles ruynèrent grande parties des feuilles et des fleurs.
Au moys de juing 1584, passa par Remilly environ 5 ou 6000 Espaignol tant à piedz que à chevaulx et s'en allant au service du duc de Parme, contre les estats du Pays bas.
Le 2 juillet 1584, Perette ma belle fille enfanta ung filz à mon filz Collignon et fuist baptizez à Montoy le mercredy suyvant 5e jour, par monsieur Buffet. Son nom Paul, ces parains sont Henry Grandjambe et Henry Leclow. Le seigneur Dieu luy soit par sa grâce, père propice et favorable! Dieu a retiré de ce monde ledict Paul, le 2 septembre 1584, il n'a pas estez au monde 9 sepmaines.
. [P. 48.] Le 23 juillet 1584, après une grande nuée de pluye vint subitement une aultre nuée plaine de gresle qui endommagea grandement le ban d'Aweu en ce lieu de Jouy, fist aussy de
grand dopmaige es vignes d'Ars ei de Vaux; on estimoit du perdu le thier des biens, du moins le quart.
Tout le moys de juillet 84 et celluy d'aoust il ait pieu quasiment par chascun jour du moys de deux jours à aultrez, et sy ait greslez en tant de lieux quelle ait fait un merveilleux dopmaige, les tonneres sont tombez plussieurs foys et tuez plusrieurs personnes, bruslez maisons et grainges et fait d'aultres infinis dopmaige, sy grand que nulz vivant n'en avoit veu de pareille. On a eu une infinitez de peine de mettre les foings et grains dedans.
Pour cause des pluyes, les raisainsne se portoient encor à meurir sur la fin d'aoust. Touteffoys nonobstant les pluyes, environ les 3 derniers jours et 3 premiers de septembre que la pluye cessoit, la chaleur estoit sy grande qu'en 6 ou 7 jour on fuist tout esmerveillé qu'ils fuirent plus qu'à demy meurys.
La vandange 84 ne fuist sy fertille que celle de 83 et sy ne fuirent les vins 'sy bons. Touteffoys à cause de l'abondance des vins provenant es années précédentes il ne fuist guères estimez ny prisez par tout l'hyver de 84 et commencement de 85. Mais venant les saisons de l'année 1 585 sy
