Castello del Buon Consiglio

terre, durcie et peinte come mabre, en partie accommodé à nostre mode, en partie à l’Allemande, avec des poiles. Il y en a un entr'autres faict de terre reunie‘ en airein, faict à plusieurs grands personnages, qui reçoivent le feu en leurs mambres, et un ou deus d'iceus pres d'un mur, rendent l'eau qui vient de la fontene de la court fort basse audessous : c’est une belle piece. Nous y vismes aussi, parmy les autres peintures du planchier, un triomphe nocturne aus flambeaus, que M. de Montaigne admira fort?. Il y a deux ou trois chambres rondes; en l'une, il y a un’inscription, que ce Clesius, l'an 1530, etant envoyé au coronnemant de l'Empereur Charles V, qui fut faict par le Pape Clemant VII, le jour de St. Mathias, Ambassadur de la part de Ferdinand, Roy de Hongrie et Boéme, Conte de Tirol, frere dudit Empereur, lui estant Evesque de Trante, il fut faict Cardinal; et a faict mettre autour de la Chambre et pendre contre le mur, lesarmes* et noms des Jantilshomes qui l’accompagnarent à ce voiage, environ cinquante, tous vassaus de cet Evesché, et Contes ou Barons *. Ily a aussi