Wangen

font les faulx, si fameuses qu’on les envoîe vendre jusques en Lorrene.

Il en partit lendemein qui fut le mercredy au matin 12 d'Octobre, et tourna tout-court vers Trante par le chemein le plus droit et ordinere et nous en vinsmes disner à

Isne', deux lieues, petite ville Imperiale et tres plesammant disposée. |

M. de Montaigne, come estoit sa coustume, alla soudein trouver un docteur theologien de cette ville, pour prendre langue, lequel docteur disna avec eux. ll trouva que tout le peuple estoit luterien, et vit l'Eglise luteriene qui a esté usurpée, come les autres qu'ils tiennent es villes imperiales, des eglises catholiques. Entr'autres propos qu'ils eurent ensamble sur le sacremant, M. de Montaigne s’avisant ? qu'aucuns Calvinistes l’avoint averty en chemein, que les Luteriens mesloint aux antiennes opinions de Martin, plusieurs erreurs estranges, come l'Ubiquisme, maintenant le corps de Jesus-Christ estre partout com'en l’hostie? ; par où ils tomboint en mesme inconveniant de Zvingle, quoi que ce fut par diverses voies : l'un par-trop espargner la presance du corps, l’autre pour la trop prodiguer : car à ce conte le sacremant n'avoit nul priviliege sur le corps de l'Eglise, ou assemblée de trois homes de bien ; et que leurs principaux argumans estoint que la divinité estoit inseparable du corps, par quoi la divinité estant partout, que le corps l’estoit aussi. Secondemant, que Jesus-Christ devant estre tous-jours à la dextre du pere, il estoit partout,

-———= "Tr" ow—-