Sterzinp

dois; l’une partie estant de toile pleine', l'autre les filets tirés. Nous n'avons trouvé nulle chambre ny salle, en tout nostre voyage d'Allemaigne, qui ne fut lambrissée, etant les planchiers fort bas.

M. de Montaigne eut cette nuictla colicque deus ou trois heures, bien serré à ce qu'il dit lendemein, et ce lendemein à son lever fit une pierre de moienne grosseur, qui se brisa ayséemant. Elle estoit jaunatre par le dehors, et brisée, au dedans plus blanchatre. Il s'estoit morfondu le jour auparavant et se trouvoit mal. Il n'avoit eu la colicque depuis celle de Plommieres. Cete-ci lui osta une partie du soupçon en quoy il estoit, que il lui etoit tumbé audit Plommieres, plus de sable en la vessie qu'il n’en avoitrandu, et creignoit qu'il s’y fust arresté là quelque matiere qui se print et colat ; mais voiant qu'il avoit rendu cete-ci, il trouve raisonnable de crere qu’elle se fut attachée aus autres, s’il y en eut eu. Des le chemin il se pleignoit de ses reins, qui fut cause, dict-il, qu'il alongea cete trete, estimant estre plus soulagé à cheval, qu'il n'eut esté ailleurs?. Il apella en cette Ville le maistre d'école, pour l’entretenir de son latin; mais c'etoit un sot de qui il ne put tirer nulle instruction des choses du pais.

Lendemein apres desjuner, qui fut mercredy 26 d'Octobre, nous partimes de là par une pleine de la largeur d’un demy quart de lieue, ayant la riviere de Aïsoc à nostre coté droit *; cete pleine nous dura environ deus lieues, et audessus des montaignes voisines, plusicurs

——— ——Ty—————y 7—— 71hnhnx1}hh:; h)h/.r——---.=-- -.-- ee