Près les Halles

en donnant grant charge à plusieurs seigneurs estans près du roy. Et, durant ladicte tresve, le roy, monseigneur de Guienneet autres seigneurs et nobles hommes d'autour d'eulx, se tindrent à Han avecques monseigneur le connestable^; auquel lieu, durant ledit temps, se firent de grandes alées et venues des ambassadeurs du roy et de ceulx de mondit seigneur de Bourgongne, et ilec demourerent par long temps sans riens conclurre, mais en la fin fut fait tresve entre le roy et ledit de Bourgongne durant ung an. Et, pour appoincter des differens du roy et ledit de Bourgongne, y ot ambasseurs ordonnez, et pour appoincter des débats et questions des gens de guerre de chacun des deux costez. Et puis se départirent dudit lieu de Han, et s'en ala chascun en sa maison; et demourerent les gens de guerre du roy en garnison es villes qui auparavant ladicte trefve avoient esté gaignées pour le roy.

En ce temps se murent de grandes questions, noises et debatz ou royaume d'Angleterre entre le roy Henry de Lencastre, roy dudit royaume, le prince de Galles son filz, le conte de Waruik et autres seigneurs dudit royaume tenans le parti dudit Henry contre le roy Edouart de la Marche, qui usurpoit ledit royaume contre ledit Henry-, et y ot à cause de leurdit débat de moult grant murdre fait de costé et d'autre. Et dura ladicte guerre jusques ou moys de juing IHI'^ LXXI, que nouvelles furent apportées au roy audit lieu de Han que ledit Edouart, acompaigné de grant quantité de gens de guerre, tant Anglois, Austrelins, Flamens, Picars