Interpolations et variantes, § LXXII

et autres nacions, que ledit de Bourgongne lui avoit envoiez, se mist sur les champs à l'encontre de l'armée et puissance desdiz roy Henry, prince de Gales, la royne, ledit de Waruik et autres princes et seigneurs tenans ledit parti de Henry. Et y et les ungs contre les autres de grans armes faictes et grant nombre de gens mors de chascun costé ; mais en la fin ledit Edouard demoura victorien, tant par trayson, qui estoit du costé d'aucuns estans en l'armée dudit Henry, que autrement^. Et y mourut et fut tué ledit prince de Gales, qui fut moult grant pitié, car il estoit beau jeune prince ; et aussi y mourut ledit de Waruik, qui aussi fut grant dommage, car il avoit singulier désir de bien servir le roy et le royaume, et pour lequel le roy avoit frayé et despendu moult grant finance pour l'entretenement dudit de Waruik. Et de ladicte desconfiture fut le roy moult desplaisant ^.