Bois de construction. On dit aujourd'hui merrain

les fossez d'icelle, et puis y dressèrent escheles et moult vigoreusement assaillirent ladicte ville à l'endroit de la muraille et portail dudit Hostel Dieu'^, dont avoit la charge et garde monseigneur Robert d'Estouteville, chevalier, seigneur de Beyne et prevost de Paris, qui moult honnorablement et vaillamment s'y contint et ceulx de sadicte compaignie. Et dura ledit assault depuis ladicte heur£ de sept heures jusques après XI heures, durant lequel temps y ot grant quantité desdiz Bourguignons ruez et abatus mors de dessus lesdiz murs dedens les fossez d'icelle ville, et de navrez grant quantité et bien jusques au nombre de XV à xvi" hommes^; et plus largement y en eust eu de mors s'il y eust eu saillie à ystte hors d'icelle ville, mais toutes les portes d'icelle estoient murées du costé de l'ost desdiz Bourguignons^. Par quoy ne se peut faire ladicte saillie, dont furent moult dolens les nobles seigneurs, cappitaines, gens d'armes et de trait qui estoient dedens icelle ville en bien grant nombre et bon habillement, comme de xim à xv" combatans, dont avoient la charge et conduicte le conte de Dampmartin, Joachin Rouault, mareschal de France, Salezart, Guillaume de Valée, Mery de Goué, Guerin Le