Voy. Lenglet, III
loger à Ermenonville en Sancters, appartenant à maistre Pierre l'Orfèvre, conseiller des Comptes, et ilec y séjourna environ ung moys^; pendant lequel temps monseigneur le duc de Bourbon, que le roy avoit diverses foiz mandé venir pardevers luy, y vint et arriva et n'y demeura que dix ou xii jours, et puis s'en retourna en ses pays faire ses Pasques, ainsi que le roy lui en donna le congié, auquel il promist incontinent après Quasimodo s'en retourner et revenir pardevers lui^.
En ce temps, ou moys de mars, le jeudi xxx® et penultime jour dudit moys, Jehan Hardi, emprisonné, dont est parlé devant, fut condempné par arrest de la court de Parlement à estre trayné depuis l'uis de la conciergerie du Palais jusques à la porte dudit lieu, et d'ilec bouté en ung tumbereau et mené devant rOstel de la ville de Paris dessur l'eschaffault pour ce ilec drecié pour y estre escartelé, ainsi qu'il fut fait, et condempné la teste estre mise et demourer dessus une lance devant l'Ostel de ladicte ville, les quatre membres portez en quatre des bonnes villes des extremitez de ce royaume, et à chascun desdiz membres estre mis ung epitaphe pour faire savoir la cause pour quoy lesdiz membres y estoient mis et posez ; et
1. Louis XI quitta Beau vais pour Sealis le 5 février 1474 (n. st.). Il y resta jusqu'au 9 mars et séjourna à Ermenonville du 11 mars aux premiers jours d'avril (Itin. cité).
2. Le duc de Bourbon, secrètement travaillé par le connétable, s'était refusé à abandonner le parti du roi ; mais, retiré dans ses domaines depuis 1472, il gardait une attitude expectante qui no laissait pas que d'inquiéter Louis XI. Malgré sa promesse de revenir après Quasimodo, il ne rejoignit son bcau-frèrc que l'année suivante (voy. La Mure, Hist. des ducs de Bourbon, etc., p. 297, note).
oultre condempné le corps estre brûlé et mis en cendre devant l'Ostel de ladicte ville, toutes les maisons dudit Jehan Hardi arrasées et mises par terre, mesmement le lieu de sa nativité gecté par terre, sans jamais y estre fait édifice, et de y mettre epitaphe pour faire savoir l'enormité du cas dudit Hardi, et pourquoy estoit faicte ladicte demolicion^. Et fut ledit Hardi ainsi exécuté ledit jour de jeudi es présences du seigneur de Gaucourt, lieutenant du roy, du premier président Boulenger, du prevost de Paris, du prevost des marchans et eschevins de ladicte ville, du procureur et le clerc d'icelle' et plusieurs autres notables personnes. Et fut baillé audit Hardi, pour la conduicte de son ame et conscience, ung notable docteur en théologie, nommé maistre Jehan Hue^. Et puis, le samedi ensuivant, environ myenuit (par quoy ce fut, il n'a point esté sceu), la teste d'icellui Hardi, mise au bout d'une lance, fut ostée de dessus l'eschaffault, où elle estoit mise, et gettée en une cave près d'ilec.
Ledit jour de jeudi, xxx® et penultime jour dudit moys, vint et arriva à Paris une moult belle ambaxade du roy d'Arragon^, qui fut bien recueillye par mon-
1. JLie procès de Jean Hardi fut instruit par des commissaires ordonnés par le roi qui remirent leur rapport au Parlement. Le misérable fut torturé à plusieurs reprises, la dernière fois à la date du 28 mars 1474 (n. st.). Notre chroniqueur a reproduit exactement les termes de l'arrêt prononcé contre lui (Vitu, passage cité. Cf. Bibl. nat. , ms. fr. 4055, fol. 24, cop. du xvi^ siècle).
2. Le procureur de la ville de Paris était Jacques Rebours. Jean Luillier, clerc et receveur de la ville, succéda à son père le 20 juillet 1467 et mourut au mois de mai 1474 ou le mois suivant (Vitu, la Chronique de Louis XI citée, p. 44).
