Bèrault Dauphin

3. On dit dans le même sens : avoir la chair de poule (Lacurne de Sainte-Palaye, Dict. de l'anc. langage fYançais, éd. Favre).

Hesselin et autres à ce faire ordonnez et appeliez. Lequel procès veu, fut par eulx conclud tellement que, le mardi xix^ jour de décembre, oudit an mil IIII'' LXXV, fut ordonné que ledit connestable seroit mis et tiré hors de sa prison et amené en la court de Parlement pour lui dire et declairer le dictum donné et conclut à l'encontre de lui par icelle court de Parlement. Et fut à lui, ledit jour de mardi, en la chambre et logis dudit connestable en icelle Bastide, ledit monseigneur de Saint-Pierre, qui de lui avoit la garde et charge; lequel, en entrant en la chambre, lui fut par lui dit : « Monseigneur, que faictes vous? Dormez vous? » Lequel connestable lui respondi : « Nennil, long temps a que ne dormy, mais suis icy où vous me voiez pensant et fantasiant^. » Auquel ledit de Saint-Pierre dist qu'il estoit nécessité qu'il se levast pour venir en ladicte court de Parlement, pardevant les seigneurs d'icelle court, pour lui dire par eulx aucunes choses qu'ilz lui avoient à dire touchant son fait et expedicion, ce que bonnement ne povoit mieulx faire que en ladicte court, en lui disant aussi par ledit de Saint-Pierre qu'il avoit esté ordonné que avecques lui et pour le acompaigner y seroit et viendroit mon-

l. B Et, quant il (Saint-Pierre) fut entré, le trouva couché au lit, dénué de tous ses gens ; et, après qu'il l'eut salué, mons. le connestable lui demanda de quelle main il se seigneroit pour la journée, et led. seigneur respondit : « De telle main que vous « avez accoustumé de faire, i Puis il se leva et habilla, et en partant de son logis fit le signe de la croix et dist : « A Dieu je « me recommande. » Puis monta à cheval et fut amené au Palais jusques à la table de marbre; et le greffier de Parlement estant illec et qui le hayoit le plus lui lut certains articles, en l'interrogeant et disant : « Monseigneur, est il ainsi? » Et il respondit ': « Oye » (Molinet, I, 182. Cf. Basin, II, 375 et suiv.).

seigneur Robert d'Estouteville, chevalier, prevost de Paris. Dont de ce ledit connestable fut ung peu espoventé pour deux choses que lors il declaira : !a première, pour ce qu'il cuidoit qu'on le voulsist mettre hors de la possession dudit Philippe Luiller, cappitaine d'icelle Bastide, avecques lequel il s'estoit bien trouvé et l'avoit fort agréable, pour le mettre es mains dudit d'Estouteville, qu'il reputoit estre son ennemy, et que, s'il y estoit, doubtoit qu'il lui feist desplaisir, et aussi qu'il craignoit le populaire de Paris et de passer parmy eulx. A toutes lesquelles doubtes ainsi faictes par ledit connestable lui fut solu et dit par ledit seigneur de Saint-Pierre que ce n'estoit point pour lui changer son logeis, et qu'il le meneroit seurement audit lieu du Palais, sans lui faire aucun mal. Et à tant s'en party dudit lieu de la Bastide, monta achevai et ala jusques audit Palais, tousjours ou mylieu desdiz d'Estouteville et de Saint-Pierre, qui le firent descendre aux degrez de devant la Porte aux Merciers^ d'icelle court de Parlement. Et, en montant lesdiz degrez, trouva ilec ledit seigneur de Gaucourt et Hesselin qui le saluèrent et lui firent le bien veignant, et icellui connestable leur rendi leur salut. Et puis après, après qu'il fut monté, le menèrent jusques en la Tour Criminelle- dudit Parlement, où il trouva monseigneur le chancellier, qui à lui s'adreça, en lui disant telles paroles : a Monseigneur de Saint-Pol, vous avez esté par cy devant et

1. La grande porte du Palais, rue de laBarillerie, ouvrait sur la cour de Mai, d'où l'on accédait à la galerie des Merciers par un perron appelé les Degrés aux Merciers (Aubert, le Parlement de Paris..., son organisation, etc., appendice, p. 390).