Rondeau composé de vers très courts

dieusement à l'eure que ladicte royne, ses dames et damoiselles entrèrent en leur basteau, dedens lequel, par lesdiz bourgois de ladicte ville, lui fut présenté ung beau cerf fait de confiture, qui avoit les armes d'icelle royne pendues au col. Et si y avoit plusieurs autres beaux dragouers tous pleins d'espices de chambre et belles confitures ; grant quantité aussi y avoit de fruiz nouveaulx de moult de sortes, violetes fort odorans gettées et semées tout parmy le basteau, et vin à tous venans y fut baillé et distribué tant qu'on en vouloit avoir et prendre. Et, après qu'elle ot faicte son oroison à Nostre-Dame de Paris, elle se rebouta en son bateau et s'en vint descendre à la porte devant l'église des Gelestins * , où aussi elle trouva dessus ladicte porte de moult beaulx personnages. Et elle, descendue à terre, monta et ses dames et damoiselles sur chevaulx, belles haquenées et palefrois qui ilec l'atendoient, et puis s'en ala jusques en l'ostel du roy, aux Tournelles. Et devant la porte dudit hostel trouva autre moult beau personnage. Et celle nuit furent faiz à Paris les feuz par les rues d'icelles, et ilec mises aussi tables rondes et donné à boire à tous venans.

Et, le jeudi ensuivant, iiii^^ jour dudit moys de septembre ensuivant, maistre Nicole Balue, frère de monseigneur l'evesque d'Evreux, fut marié à la fille de messire Jehan Bureau, chevalier, seigneur de Montglat^, et fut la feste desdictes nopces faicte en l'ostel