octobre (Itin. cité

Et, après, vint et arriva à Paris, le vi® jour du mois de novembre, ledit mons. le cardinal, ledit trésorier de la Driesche, maistre Jehan Berart et maistre Geoffroy Alnequin pour faire faire les monstres des bannières de Paris pardevant eulx et pour faire autres charges qui leur estoient données de par le roy. Et, après, s'en parti dudit lieu de Chartres pour aler à Orléans, Glery et autres villes près d'ilec et puis à Vendosme, et de là jusques au Mont Saint-Michel', et avecques lui fist mener grande quantité de sadicte artillerie, et si aloient avecques lui grant nombre de ses gens de guerre.

En ces entrefaictes, les Bretons yssirent tous en armes hors de leur pays, et vindrent en Normendie jusques à la cité d'Avrenches et autres villes dudit pays. Et, après, iceulx Bretons s'espandirent par ledit pays de Normendie, comme jusques à Caen, à Baieux, Constances et autres lieux-.

Oudit temps, ledit seigneur de Bourgongne, au moien desdictes trêves à lui baillées par le roy, esquelles n'estoient aucunement comprins lesdiz Liegois, entra oudit pays du Liège avecques toute son armée, en persécutant lesdiz Liegois. Tous lesquelz, pour ce que le roy leur failli de secours et qu'ilz veoient clerement leur destruction advenue, se rendirent audit de Charrolois, ensemble toutes leurs villes, avecques lequel ilz prindrent composition, et, pour ce faire et avoir, lui donnèrent et baillèrent grant somme d'or, et si orent

1. L'Itinéraire indique Orléans (16 nov.), puis le Mans, du 19 novembre à la fin de janvier, mais il est fort possible que Louis XI ait fait pendant ce temps un pèlerinage au Mont-Saint-Michel.