Tillart, auj. dép. de l'Oise, arr. de Beauvais

cript aux seneschaulx de Carcassonne et Toulouse^ que venoient devers Beauvais iceulx seneschaulx et que se boutent dedans, et que les cinquante lances qui estoient dedans Arques s'en viennent en cedit lieu de Gysors ; et, ou cas que non, qu'ilz tirent après moy. J'ay envoyé ung pou d'argent pour le payement de ceulx de Beauvais, qui est de xii cens frans, qui est pou de chose, et ay envoyé en la ville pour les contenter au raieulx que on pourra.

« Mons. le grant maistre, il me semble que devriés deslogier le premier, pour faire place à moy et aux aultres qui viennent derrière ; car s'il falloit que passissions vostre logis, nous aurions trop de traict; et ay intencion d'estre demain logé oultre Creil se je puis.

« Mons. le grant maistre. Notre Seigneur soit garde de vous.

« Escript audit lieu de Gisors, cest xf jour de décembre^.

« Mons. le grant maistre, veullez advertir Mons. de la Roche du contenu cy dessus, affin qu'il desloge comme vous.

« Les lettres soubzcriptes : « Le conte de Saint-Pol, [etc.] connestable [de France]. » Signé : « Vostre Loys. » Et au dos : « A Mons. le grant maistre. »

XCL — (Clair. 481, fol. 319, 1. 26. Chron. scand., t. I, p. 283.) — Ledit de Bourgoigne. Et, entre les ambassadeurs envoyés par ledit duc de Bretaigne au roy, y estoit ung homme nommé Guillaume de Soupplainville, qui toutallement gouvernoit Odet de Rie, seigneur de Lescun, qui depuis fut conte de Cominges. Auquel Soupplainville le roy tint pratique de luy donner dix mil escus, et à monseigneur de Cominge, son maistre, soixante mil, s'ilz povoient trouver moyen de mettre le duc si avant aux champs, qu'il fust content de appointtier avec le roy, et de tous pointz abandonner le duc de Bourgoigne, et qu'il ne fust comprins en l'appointeraent que vouloient faire lesditz ambassadeurs. Et ne devez

1. Le ms. porte Combuse. La correction est de Quicherat : nous l'avons introduite déjà à la précédente page.