Cf. Molinet, t. I, p

CXL. — (Clair. 481, fol. 432, 1. 22. Chron. scand., ci-dessus, p. 22.) — Sans miséricorde aucune. Et aucuns ont voulu dire que aucuns seigneurs de France prestoient des deniers au duc de Lorraine pour mener ceste guerre et que le roy le faisoit faire ; mais je m'en raporte à ceulx qui le sçavent mieulx que moy ; par quoy m'en taiz d'en parler plus avant.

CXLI. — (Clair. 481, fol. 433, 1. 8. Chron. scand., p. 23.) — Grant quantité d'autres gens de guerre, comme cy après sera touché. Et pendant que ces choses se fasoient, pour ce que le roy, en faisant l'appointement avec le duc de Bretaigne, luy avoit promis de luy baillier ou envoyer les scellez de plusieurs seigneurs de son royaulme affin que les traie té et aliance fussent plus seurs et plus fermes, manda entre autres à Mons. le conte de Dampmartin, grant maistre d'ostel de France, qui luy envoyast son scellé; ce qu'il fist. Et neantmoins encores, pour ce qu'il ne sembla pas au roy estre assés suffisant selon l'appointement faict avec le duc de Bretaigne, luy manda derechef qu'il luy envoyast ung autre par ces lettrez dont la teneur s'ensuit :

« Mons. le grant maistre, je vous envoyay l'autre jour une forme d'un seellé, afin que m'en envoyssez ung pareil pour envoyer en Bretaigne. Et depuis ay ad visé qu'il n'est pas en bonne forme et l'ay fait corriger ainsi que vous verrez. Et pour ce, je vous prye tant que je puis que vous le me renvoyez, ainsi qu'il a esté corrigé, le plus toust que vous pourrez, et vous me ferez grant plaisir. Si desja vous avez baillé le premier dont je vous escripvoye, je vous prye que pour cela vous ne laissez point à m'envoyer cellui dont par ce porteur vous escrips, car je vous promect que je feray rompre et canceller l'autre et le vous renvoyray. Et adieu.

« Escript à Saint-Martin de Cande*, le cinquiesme jour d'aoust. » Signé : « Loys. » Et plus bas : « Bastart. » Et au dos d'icelles : « A nostre amé et féal cousin, conseiller et