Voy. ci-dessus, t. I, p

ledit du Bust, pour noise qu'ilz eurent ensemble à cause de ce que ledit du Bust lui demandoit la grosse et seeP d'une obligacion en quoy ledit Petit Jehan estoit obligé à icellui du Bust, et de laquelle obligacion ledit Petit Jehan avoit paie le principal, et ne restoit que ledit grossoiement et seel. Et, pour estre ledit du Bust vengé dudit Petit Jehan, se associa ledit du Bust de trois jeunes compaignons demourans à Paris, l'un d'iceulx nommé l'Empereur du Houx, sergent à verge, l'autre Jehan de Foing, fontenier et plombeur, et l'autre nommé Regnault Goris, orfèvre, filz de Martin Goris, courtier de goulerie^. Tous lesquelz quatre de guet apensé et propos délibéré vindrent assaillir ledit Petit Jehan, qu'ilz trouvèrent au coing de la rue de Gamelles^, près de l'ostel du Moulinet. Et vint le premier à lui ledit Empereur du Houx soubz feinte amiable, qui le print par dessoubz le bras icellui Petit Jehan, en le tenant fermement et lui disant qu'il n'eust point de paour des dessudiz et qu'ilz ne lui feroient point de mal. Et, en lui disant ces choses, vint ledit Regnault Goris, qui frappa ledit Petit Jehan d'une pierre par la teste, dont il chancella; et lors ledit Empereur le lascha, et incontinent vint à lui ledit Jehan de Foing, qui lui bailla d'une javeline au travers du corps, dont il chey mort en la place. Et, depuis qu'il fut mort, ledit du Bus lui vint copper les jambes ; et à tant se départirent les un dessusdiz et s'en alerent bouter en franchise aux Gelestins de Paris; ouquel

1. C'est-à-dire le remboursement du coût de rexpédition et du sceau.