Ou de Guernelles, près la porte Saint-Honoré

lieu, la nuit ensuivant, furent prins et tirez dehors par l'ordonnance et commandement de messire Robert d'Estouteville, chevalier, prevost de Paris, et autres gens de conseil, pour ce que par information leur apparu dudit guet apensé et propos délibéré. De quoy lesdiz Celestins appellerent, et par la court de Parlement fut l'appel widié et dit qu'ilz^ ne joyroient point de l'immunité de l'église. Et après, comme clers furent requis par l'evesque de Paris comme ses clers, auquel pareillement fut dit par arrest qu'ilz ne Joyroient point de privilège de clerc, et furent renvoiez pardevant ledit prevost, par la sentence duquel ilz furent tous condampnez à estre pendus et estranglez : dont ilz appellerent en la court de Parlement, laquelle conferma ladicte sentence, qui fut exécutée, et furent tous quatre pendus au gibet de Paris par les mains dudit maistre Henry, père dudit Petit Jehan, qui partant fut vengié de la mort de sondit filz, le jeudi veille de mons"" Saint-Jehan decolace, xxviii® jour dudit moys^ Et, furent pendus en la manière qui s'ensuit, et tout au joignant l'un de l'autre : c'est assavoir ledit Empereur le premier, Jehan de Foing le second, Regnault Goris le tiers, et ledit Jehan du Bus le im® et derrenier; et est assavoir que ledit Empereur, lesdiz de Foing et Goris estoient trois beaux jeunes hommes. Et, en oultre, pour ledit cas fut batu de verges et banny du royaume de France ung jeune filz cordouennier, qui avoit conspiré de la mort, mais point ne s'estoit trouvé à icelle^.