Lisez auprès de la Bastide, en la rue Saint-Anthoine

temps qu'il n'a voit monté à cheval. Et conclurent [quant] le jour de laditte sortie se feroit, qui devoit estre le samedi ensieuvant, veille des brandons ^ Et, pour ce faire, furent entreprins [par] lesditz Guinot, bastard, et Voyau plusieurs conclusions et signes, lesquelz ilz dévoient baillier audit conte et ledit conte à eulx, et aussi que ledit Voyau iroit avec le bastard au pont de Charenton pour savoir comment ilz pourroient avoir passaige. Et s'en allèrent loger pour yssir hors de Paris aux forsbours de la porte Saint-Denys, à l'Escu de France. Duquel logis se partirent lesditz bastard et Voyau avec ung page nommé Guyot Aquest, et s'en allèrent audit pont de Charenton, Auquel lieu ne trouvèrent en leurs logeis que une jeune femme, à laquelle ilz demandèrent où estoit l'oste, qui leur respondit que la nuyt passée leur varlet les avoit desrobés, et son mary estoit allé après, et ne savoit où ; toutesfois luy firent aprester à disner, et durant le temps que l'ostesse appareilloit ledit disner, fut regardé entre ledit bastard et Vuyau ce qui estoit à faire entre eulx, et conclurent que ledit bastard s'en retourneroit aux forbours dudit Saint-Denys, et ledit Vuyau demourroit audit pont. Et dist audit bastard que après ce qu'il auroit trouvé les moyens de l'ouverture dudit pont et fait ses dilligences, qu'il s'en iroyt après luy ausditz forsbours Saint- Denis.

Alors, ledit bastard s'en alla et ledit Voyau demoura, qui besoigna si bien que toute la nuyt ledit pont de Charenton fut ouvert. Et laissa icelluy Voyau audit Charenton ledit Guyot Acquest, qui estoit page dudit Guynot, et dist à ladicte hostesse que certains commissaires dévoient venir et qu'elle gardast bien ledit page de dormir, affin que à l'eure que lesditz commissaires passeroient par là, que ledit page feust prest de monter à cheval. Et ce fait, ledit Voyau s'en alla audit forsbours Saint- Denis, où il trouva le bastard qui l'atendoit pour faire faire et mener à bonne fin leurs entre-

1. L'évasion eut lieu dans la nuit du samedi 9 au dimanche 10 mars, jour des brandons, premier dimanche de carême.

prinses. Et conclurent audit logis qu'il estoit temps de besongner pour parfaire et mener affin leurditte entreprinse, [et] se partirent dudit logis, requerans à leur hoste qu'il leur monstrast le chemin pour aller à Louvres en Parisis*, ce qu'il fist voulentiers.

Et après qu'il fut parti de leur avoir monstre ledit chemin, iceulx tournèrent tout court par desoubz Montfaucon, et allèrent jusques à Saint-Anthoine des Champs et jusques à ung lieu où l'on mettoit les ordures de la ville de Paris. Auquel lieu il y avoit ung grant fossé, où ledit Guinot, bastard, et Vojau laissèrent leurs chevaulx et s'en allèrent à la porte Saint Anthoine, près les fossez de laditte Bastide, et furent une espace de temps couchés sur le bort desditz fossez, regardans droit à la fenestre par où le conte devoit sortir, pour veoir s'ilz verroient point de la clarté. Et ne furent guerez là que Jehan de Harmes, qui estoit natif de Beauvoys, qui estoit bon, hardi homme d'armes, autant que nul pour ce temps se peust trouver, lequel ouvrit une grande verrière ; et lesditz bastard et Vuyau se levèrent lors debout ou milieu du chemin, afïin que ledit Jehan de Harmes les peult veoir et appercevoir, ce qu'il fist ; et, après ce, referma laditte voerrière, et ne demoura gueres après qu'il ne rouvrist laditte fenestre de rechief, et fist le signe qui estoit conclud entre eulx. Et incontinant qu'ilz apparceurent ledit signe, icelluy Jehan de Harmes referma laditte fenestre, et ledit bastard et Voyau s'en allèrent à l'entour de la Bastide. Auquel bastard Voyau demanda s'il avoit point pourveu d'une sentyne^ et il fist responce que non. Et eulx, estans sur les fossés, virent une sentyne qui estoit de l'autre costé de laditte ville, enchaînée et fermée d'une serreure lyée à ung gros pyeu.

Et durant lequel temps il neigoit, gresloit et faisoit grant froit; et nonobstant ledit Voyau se despoulla tout nud et se getta dedans lesdits fossez pour recouvrer laditte sentine, et