Jean Cœur

Et ce pendant, icelluy bastard releva icelluy homme tumbé, et en le relevant mist la main en sa bource, en laquelle trouva deux pièces d'or et ung signet pesant quatre escus ou envyron. En faisant lesquellez choses par ledit bastard, ledit homme tumbé le regardant piteusement, parquoy ledit Voyau luy demanda qui le mouvoit à faire si mauvaise chère. Lequel respondit que c'estoit pour ce que ledit bastard luy avoit osté deux pièces d'or, ensemble ung signet d'or qu'il avoit en sa bource, dont il signoit en la court de l'official dudit Bourges. Icelluy serviteur dist et declaira que par l'ordonnance dudit archevesque il avoit esté à Saint-Fergeau, devers Geuffroy Cueur, qui estoit audit lieu, pour luy notiffier et dire qu'il gardast bien la place dudit Saint-Fergeau, pour celle émocion qui estoit esmeue par le duc de Berry et les seigneurs de France contre le roy ; et que, pour quelque rescripcion qui faicte luy fust, il ne mist personne en ladicte place ne ne saillist d'icelle, sinon qu'il veist le signet d'or de son frère l'arcevesque, qui estoit le signet que ledit bastard luy avoit osté. Et, ce fait, après plusieurs autres paroUes, ledit conte, ses gens et le serviteur dudit archevesque allèrent disner en la ville dudit Sancerre.

Et, après le disner, demanda à ceulx de laditte ville qu'on luy baillast quelquez gens pour l'acompaigner. Au moyen de quoy ceulx de laditte ville luy baillèrent deux francs archiers, dont l'un avoit nom Ghristofle Barbarin, desquelz il fut receu à bonne chère ; et s'en partit ledit conte dudit Sancerre, et avec luy mena ledit maistre Jehan Girard, les'dessusditz qu'il avoit trouvez audit Liraye*, et passa par le pont Saint-Tybaulf-^ et par les faulxbourgs de la ville de Cosne-^; auquel lieu il trouva trois archiers qui estoient à misire Philebert de Thorcy, et s'en alla jusques auprès dudit Saint-Fergeau, auquel lieu fist troys ambusches.