La croix bourguignonne

que le cappitaine dudit lieu envoyest à ceulx de Saint-Morice pour les advertir que ledit Vigier estoit sur les champs pour recouvrer ledit lieu. Et, le landemain, saillit ung arbalestrier avecquez son arbaleste bendée, lequel fut prins dudit Vigier. Et tantost ledit Vigier cuida prandre la chaîne des ponts du chasteau pour cuider entrer dedans ; mais le pont fut incontinant levé. Adonc le cappitaine dudit lieu, nommé Roullin, monta audessus du pont avecquez une coulevrine à main, qui ataignit le haultdela sallade dudit Vigier, dont il cuidoit estre mort. Et y estoient là presens trois des hommes monseigneur de Chastilloni, qui prièrent ledit Vigier qu'il les print à mercy et qu'ilz luy rendroient la place. Adonc ledit Vigier atacha deux eschelles et sans aucune résistance monta par sus ledit pont ; et, quant il fut entré, trouva le cappitaine couché sur ung lit, qui estoit quasi demy mort de paeur.

XL —(Clair. 481, fol. 79, 1. 4. Chron. scand., t. I, p. 69.) — Chartes de Meleun. Lequel servit le roy très mal après, comme aucuns disoient^ Et, le landemain de laditte rencontre, monseigneur de Nemours envoya le seigneur de Lenghac à Corbeil vers le seigneur du Lau porter ces instruccionz par escript pour baillier au roy. Et aussi charga ledit seigneur de Langhac de savoir au seigneur du Lau se l'entreprinse estoit du tout rompue, laquelle il n'avoient peu exécuter pour le hastif département du roy et pour l'absence de leurs gens. Et à celle heure dist ledit seigneur du Lau audit de Lenghac qu'il avoit tout gasté d'avoir tant demouré et que la chose se povoit encore bien renouer^,