Et non mil IIIIc LXVI comme le porte le ms

LI. — (Clair. 481, fol. 146, 1. 14. Chron. scand., 1. 1, p. 172.) — Par aucun temps. Audit an mil IIIP LXVII, furent obtenues lettres royaulx par Anthoine de Chabannes, conte de Dampmartin, pour faire mettre à néant ung arrest donné contre luy par la court de Parlement, l'an mil IIIP LXIIP. Et à ces fins furent escriptes lettres expresses de par le roy et de son propre mouvement, adressans à la court de Parlement, contenant ce qui s'ensuyt :

« Noz amés et feaulx, nous avons octroyé à nostre cher et amé cousin le conte de Dampmartin, grant maistre d'ostel de France, noz lettres patentes à vous adressans, touchant l'arrest donné contre luy. Et, pour ce que savons que, au procès et jugement d'icelluy, a eu plusieurs impressions, recellemens et autres choses indeues, comme vous scavez et entendez assés, nous, pour décharger nostre conscience, voulons et vous mandons que vous procédés incontinant à l'entérinement de nosdittes lettres sans y faire aucune difficulté. Et gardez que en ce n'ayt faulte, car tel est nostre plaisir. Donné à Meaulx, le dernier jour de juing. Ainsi signé : « Loys » et, au dessoubz : « Bourré. »

Et au doz desdittez lettres estoit escript : « A noz amez et feaulx conseiUiers les gens tenans nostre Parlement à Paris-. »

Pareillement furent escriptes lettres à mons. le cardinal d'Angiers, nommé maistre Jehan Balue, affin qu'il se trouvast vers laditte court pour en soliciter à faire l'expedicion^.

En laditte année mil IIIIc LXVII, le roy, tenant ses estatz à Tours, le xmf jour d'avril, loua [et] ratifia les lettres de restitution, reintegracion et délivrance faicte audit conte de Dampmartin, grant maistre d'ostel de France, de toutes