Les Monceaux-en-Auge, arr. et cant. Lisieux, Calvados

PIÈCES .TLSTIFICATIYES 309

couvent de Nostre-Dame de Grestain pour et lieu et en contreschanf^e de la baronnie, terre et seigneurie de Mésidon, ausditz religieux de Grestain appartenant et de touttes les appartenances et deppendances d'icelle, et mesmes de ung aultre fief ou membre de fiei" assis aux Doux-Marescq et illec environ avecques la tierce partie des dixmes des grains d'icelle parroisse et touttes aultres et chacunnes les apartenances dudit fief sans du tout riens réserver, excepter ne retenir. A ceste cause et pour icelle permutation ou eschange avecques ledict révérend père en Dieu, nostre prieur, et pour en passer lettres avecques iceulx de Grestain avons faict, ordonné et estably et par la teneur de ces présentes faisons, ordonnons, constituons et establissons nostre procureur général et certain messager espécial, c'est assavoir révérend père en Dieu monseigneur Guillaume Cheuron, évesque de Porphire, prieur commendataire de l'église et monastère de Saint-Sir-de-Friardel et nostre confrère, religieux et prophez de nostredict mouslier auquel seul* et singulier pour le tout portant ces présentes nous avons donné et donnons plain pouvoir, auctorité et mandement espécial de icelle terre du Mesnil avecques touttes ses appartenances, eschanger, mettre hors de nos mains et icelle bailler auxditz de Grestain par la manière dessusdicte, comme convenu et accordé a esté avecques lesditz abbé et religieux de Grestain et de en passer avecques ledict révérend père en Dieu monseigneur nostre prieur lettres d'eschangement ou contract telles que mestier sera, de la promettre, garantir des fais, promesse et obligation de nous et nostredict prieurej tant seullement et pour toutte aultre garantie bailler les lettres des acquisitions et admortissements avecques touttes et telles lettres que nous en avons et portons de soy en dessaisir pour et au nom d'iceulx abbé et couvent et consentir la saisine et joissance leur en estre baillée, de prendre et recuillir lettres de contreschange et garantie desdictz de Grestain, telles qu'il appartiendra et générallement en tout ce que dict est et les deppendances, faire passer, consentir et accorder tout ce qu'il plaira faire passer et accorder par nostredict révérend père et prieur et en bailler et passer telles lettres une ou plusieurs et soubz telz sceaulx qu'il appartiendra ou mestier sera lesquelles nous voulions estre d'un tel elfect et vertu comme se nous mesmes en nostre chappitre les avions passez et accordez ; et à tout ce obliger tous les biens et

310 l'abbaye de jNOTRE-DAME de GRESTAIN

temporel de nostredict prieurey sans ce que jamais puissions aller au contraire. Lesquelles choses ainsy faictes, passez et accordez par nostredict procureur nous promettons tenir, entretenir, g-arder et acomplir sans jamais aller au contraire ; renonçons à tout ce par quoy nous y pourrions aller, et tout ce que dict est ratiffier à noz aultres frères et religieux lesquelz ne sont pas présentz pour iceulx, nous faisans fort et leur faire avoir ag-réable et avecques nous ratiffier en nostre grant chappitre général se mestier est et requis en sommes. En tesmoing de ce nous avons seellé ces présentes du propre seel de nostre couvent, le sixiesme jour d'octobre l'an mil. cccc. iiijxx et neuf.

Et faisans fort pour iceulx religieux promettons par semblable qu'ilz auront le contenu en ces présentes ag-réable et leur faire rattifîer soubz ledict seel dudict prieurey ilz sur ce bien advisez, conseillez, pourveuz et délibérez en leur chappitre pour le bien et augmentation de leurdict prieurey comme ilz disoient et par le congié, licence, commission et consentement de révérend père en Dieu monseigneur l'évesque de Lizieux, leur diocézain ou de ses officiers par luy à eulx donné par ses lettres patentes dont la teneur ensuit:

Universis présentes litteras inspecturis vicarius in spiritualibus et temporalibus generalis reverendi in Ghristo patris et domini domini Stephani Blosset, miseratione divina Lexoviensis episcopi, eternam in Domino salutem '

Baillèrent, transportèrent et délaissèrent à fin d'héritage perpétuel auxditz commendataire et relig-ieux de Grestain pour eulx et leurs successeurs en icelle abbaye le fief et hostel, fort, terre et seigneurie du Mesnil-Ferry en la viconté du Pontaudemer, ensemble les domainnes, rentes en deniers, grains, oefz, oyeseaulx, hommages, droitz de teneures tant nobles que aultrement, reliefz, traiziesmes, mottages, aides coustumières, justices, jurisdiction, droit de patronnages, sergenterie, fîefz et arrière-fiefz et générallement toutes les appartenances et ajapendences quelconques dudict fief du Mesnil-Ferry sans aucune chose en excepter, réserver ne retenir aucunement ainsi et en la manière que lesditz prieur et religieux de Saincte Barbe l'avoienl naguère eu et acquis des religieux, abbé et couvent de Nostre-Dame de la Victoire par le congié des officiers