L'ambassade de France en Angleterre sous Henri IV. Mission de Jean de Thumery, sieur de Boissise (1598-1602)

J'ay perdu ma ville d'Amiens, par le plus grand malheur du monde, mardy xi™" de ce moys, entre huict et neuf heures du matin, les habitans estans au sermon, la porte du costé de Dourlans estant saysie par quinze ou ving soldatz habillez en paysans faysant marcher devant eux une ou deux chartées de paille, qu'ilz aresterent dans la porte, affin d'en empescher la closture, et furent incontinent suyvis de deux à troys cens chevaux jusqu'à quinze cens hommes, qui poursuyvirent leur advantage si chau-

1. M. de la Fontaine écrit, le 23 mars, à M. Cecil : « Monsieur,

« Je vous envoyé nn extmict des lettres de Sa Majesté, lesquelles j'ay rcceue» ce matin, affin de los communiquer, s'il vous plaist, à Sa Serenissime Majesté, et sur icclles vous yray saluer, quand il vous plaira, affin d'y res-

pondre au plustost, selon le commandement que j'en ay pour tin » (Pul)lic

Record Office : State papers. Franco, bundie 118.)

dément, qu'ilz ne donnèrent loysir à mon cousin, le conte de Saint-Paul, ny aus ditz habitans de se rallier et prendre les dictes armes, et, s'ostans randus maistres des portes et places, contrai- ^niirent le dict conte de la quitter; dont je fus adverty à Paris le lendemain et en partis le jourmesmes, pour accourir icy essayer à recouvrer ma perte, que j'estime et déplore plus que je ne puis escripre, du moings empescher qu'il n'arive pis, ayant trouvé le peuple et les villes très effrayez, et croy que, sans ma présence, ilz eussent pris des resolutions très périlleuses, à quoy j'esperes que Dieu me fera la grâce de remédier; mais en vérité, j'ay bon besoing d'estre mieux asisté de mes voysins que je n'ay esté jusques à présent, principallemcnt en cestc province de Picardie, que je tiens comme perdue du tout, si nous demeurons sur la deflensive et n'attaquons l'ennemy vifvement et puissamment. J'ay perdu, en la dicte ville, les canons et munitions quej'avois assemblez avec beaucoup de peine pour assaillir les villes de l'ennemy : ce qui augmente ma porte, que je n'en recouvriray d'autres facillement, si bien que je crains que mon ennemy gaigne cest année un très grand advantage sur moy, s'il n'est dyverty par mes voysins. Toutefois, je mettray ensemble mes forces dans deux jours et feray, si je puis, des bloqus contre la dicte ville, pour la brider et m'ouvrir un chemin de mieux faire. J'avois mandé l'ambassadeur d'Angleterre, affm d'en tirer quelque consolation, mais, je ne l'ay peu voir encores, et semble que chacun regarde ma ruyne, sans considérer qu'elle sera suyvie de celle des autres et que je suis agité de toutes pars de torens impétueux, pour m'entrainer, par considération de la nécessité où je suis, là où je n'ay nulle envie. Les refus precedens de ce qui estoit nécessaire me mettent comme en desespoir du lieu où vous estes : donnez-moi advis de leur resolutions. La dicte ville d'Amiens a esté prise sans intelligence, les ennemys y traictant les habitans très cruellement, car, ayant sacagé leurs biens, ilz les contraignent de rachapter leurs vies et familles à prix d'argent, et, quand ilz en auront tiré ce qu'ilz auront peu, ilz les massacreront et chasseront de leurs maisons et possessions, dont j'ay grand compassion ; mais, s'ilz eussent voulu permettre à douze cens Suisses, que je leur avois envoyez exprès pour cela, de loger

dans leurs faulxbourgs et faire garde tous les jours aux portes de leur ville, ilz ne fussent tombez en cest accident, quy cuyra longtemps à la France commjc à eux, de sorte que je puis dire qu'ilz sont cause de leur mal avec leur nonchalance et présomption, car ilz s'estimoyent invincibles. Le gouverneur de Dourlans a conduictet exécuté l'entreprise, fortifié des garnisons voysines, jusqu'à celles de Calais et Ardres. Hz font semblant de vouloir espargner Tevesque et les prestres , mais je pense qu'à la fin ilz les traicteront comme les autres. Au reste, je renvoyray bientost

le sieur de Reaux, priant Dieu, etc

De Beauvais, ce xnii® mars.

Orig. — Public Record Office : State papers, France, bundle 119.

. A LA REINE d'aNGLETEHRE

Très haulte, très excellente et très puissante princesse, nostre très chère et très amée bonne scur et cousine, Ayans esprouvé voz bons offices en diverses occasions, nous estimons avoir d'aultant plus de subject d'en rechercher la continuation, que nous les avons roceuz d'ime main favorable et tousjours aussi prompte à nous en gratifficT que nous avons esté à l'en requérir. C'est pourquoy, ayans besoing de faire encor venir de vostre royaume jusques à six mil habitz composez de chausses et mandilles pour noz gens de guerre, nous avons donné la charge à David (ihamborlan d'en faire achcpter en vostre dict royaume pareille quantité, dont nous vous prions afl'ectucusement de voulloir permetre la traicle et en faire expédier au dict David les passeportz et sauf-conduietz

ncccssaircs, vous asscurjxns que, s'il y a chose par deçà de quoy nous puissions user de revenche, nous le ferons d'entière affection, ainsi que le sieur de Maisse', conseiller en nostre conseil d'Estat, vous fera particullieremeni entendre. Priant Dieu, Très haulto, très excellente et très puissante princesse, nostre très chère et très amée bonne seur et cousine, qu'il vous ayt en sa saincte et digne garde. Escript à Paris, le xxvi** jour de novembre

Vostre bon frère et cousyn

HENRY

DE NEUFVILLK.

Copie. — Public Record Office : State papers, France, bundle 121. A LA REINE d'aNGLETERRE

Madame ma bonne sœur, Je vous remercye de tout mon cœur de l'envoyet communication que vous m'avez faict de voz petites mais très fîdelles tablettes, lesquelles, je vous asseure, m'ont esté très agréables, tant pour avoir apris par icelles le secret de vostre cœur, que pour les avoir trouvées dignes d'icelluy. Je vous prometz aussy que j'y escriray le mien, avec aultant de confiance que le mérite nostre amityé et sa loyauté, comme vous cognoistrez à son retour. Et, quant aux articles des lettres interceptés, que vostre ambassadeur m'a communiquées et dont il s'est plainct à moy, avec plus de véhémence et passion de vostre part et de la sienne que la confiance que vous debvez avoir en moy ne mérite,

1. M. de Maisse écrit à M. Cecil, au sujet de ces « habitz completz », le 17 décembre 1597. (Public Record Office ; State papers, France, bundle 119.)

je vous diray, ma bonne sœur, que vous n'avez occasion de vous en mettre en peine, car, je vous asseure que tant s'en fault que j'aye parlé de vous et de mes aultres alliez en ceste paix par manier d'acquit, que j'ay tousjours déclaré et protesté n'y vouUoir entendre sans vous, de quoy souvent Monsieur le légat et le gênerai des Gordelliers n'ont pas esté trop contentz. Et qu'il ne soit ainsy, considérez, je vous prye, avec quelle pacience et incomodité de mes affaires j'ay attendu vostre volunté sur l'ouverture de la dicte paix, depuis vous en avoir advertye, et quel soing j'ay eu de recouvrer et attendre le pouvoir nécessaire pour vous y comprendre, lequel nos gens m'ont mandé estre à présent arrivé à Vervins, comme j'ay faict dire à vostre ambassadeur. Davantage, si mes gens ont parlé de resouldre et signer les articles de la dicte paix, ainsy qu'il est porté par les dictes lettres, toutesfois, il est certain qu'ilz n'avoyent garde de passer oultre, comme je vous asseure, Madame, qu'ilz n'ont fait, car il ne leur estoit commandé : les choses aussy sont par ce regard en leur entier, comme j'ay dit à vostre ambassadeur. Mais, Madame, elles ne peuvent demeurer plus longtemps en telle incertitude, estant mesmes la saison si advancée qu'elle est, pour plusieurs raisons qui vous sont cogneues comme à moy, qui désire plus que jamais conserver vostre unyon, tant pour les plaisirs que j'ay receuz de vous, que parce que je cognois qu'elle est très utille et nécessaire pour vostre bien et le mien, comme j'ay dict à vostre dict ambassadeur ; sur lequel me remettant de ce, je prye Dieu, Madame ma bonne sœur, vous avoir en sa saincte gard. Escript à Anscnnis, le xxH*^ jour de avril 1598.

HENRY

Copie. — Public Record Office : State papers, France, bundle 121. A LA REINE d'aNGLETERRE

Madame ma bonne seur, Vostrc ambassadeur s'en retourne devers vous. Il vous rendra si bon conte de tout ce qui s'est passé icy, que ce seroit faire tort à sa fidellité et suffisance de vous entretenir par ma lettre. Je vous diray seulement, Madame ma bonne seur, que, si les offres qu'il m'a faictes pour contynuer la guerre eussent esté faictes au sieur de Maisse, quand il fust devers vous, j'eusse mis peine d'accommoder mes affaires à voz conseils, suyvant l'ouverture qu'il vous en feit de ma part; mais, ayant aprins par ce qu'il me rapporta de la vostre, que je ne pouvois espérer de vous l'assistance en la guerre, qui m'estoit nécessaire pour l'abréger et en delyvrer mes pauvres subjects las de supporter le fais d'icelle, je commençay dès lors à penser aux moiens qui m'estoient présentés de les en garrantir et descharger par aultre voye. Et comme j'ay tousjours désiré et désire encores conserver nostre unyon, aultant en la paix qu'en la guerre, j'ay longtemps attendu vostre ambassadeur et par luy vostre dernière volonté, sans m'engager plus avant en la dicte paix, combien que j'en fusse fort pressé de toutes pars, ayant cependant facyllité, aultant qu'il m'a esté possible, les moyens de vous y comprendre, par le pouvoir qui a esté apporté d'Espagne pour traicter avec vous, lequel mes ambassadeurs qui sont à Vervyns ont veu et trouvé en bonne forme, ainsi que j'ay dict à vostre ambassadeur, estimant faire chose qui ne vous seroit moins agréable que utile. Toutesfois, vostre ambassadeur a jugé nécessaire de retourner vers vous, pour recevoir sur ce voz commandemens, devant que de passer oultre, luy ayant dict que mes affaires estoient mal préparées et la saison trop avancée pour bien faire la guerre ceste année et mépriser les conditions de la paix qui me sont offertes.

qui sont celles-là mesnies que je vous feis entendre par le dict sieur de Maisse, il y a six mois. Madame ma bonne seur, les choses estans en tels termes, je vous prye de trouver bon que je poursuyve ce chemin, que la nécessité de mon Estât et l'incertitude des volontés de mes confédérés et voisins m'ont forcé de prendre, ayant promis à vostre dict ambassadeur d'en différer la finale resolution, en tant que les affaires me le pourront permetre, pour vous donner loisir de prendre et me faire sçavoir la vostre, selon ce que vous dira aussi plus particulièrement le bon La Fountaine, vous pryant croire, Madame ma bonne seur, que vostre contentement me sera tousjours aussi cher que le mien propre et que je defauldray plustost à moy-mesmes, quoy que je face et devienne, que à l'amitié que je vous ay vouée, ce que j'ay pryé vostre dict ambassadeur de tellement graver en voz tablettes, qu'il n'en puisse jamais estre effacé, afin qu'il vous soit aussi souvent ramentu qu'il vous sera confirmé par les actions de

Vostre très humble frère et serviteur

HENRY

Ce 24™c d'appril 1598, à Nantes.

Orig. — Public Record Office : State papers, France, hundle 121

A LA REINK D AXiiLKTKHUK

Très haulte, très excellente et très puissante princesse, nostre très chère et très amée bonne seur et cousine, Si nous avons tardé longtemps à vous envoyer un ambassadeur, pour résider

1. Cette lettre a déjà ëtë publiée dans le tome V du Recueil des Lettres missives, p. 3").

de nostre part près de vous et faire tous offices convenables à l'cntretenement et affermissement de nostre commune amitié et bonne inlelligonce, nous estimons maintenant avoir faict choix pour cest effect de personne qui compensera, par sa prudence et bons deportemens, la longueur du temps que ceste place a vacqué et la remplira très dignement : c'est le sieur de Boissize, conseiller en nostre conseil d'Estat, que nous avons rendu porteur de ceste lettre, par laquelle nous vous prions de le recevoir doresnavant à traicter noz affaires près de vous, en qualité de nostre ambassadeur, le veoir et ouyr benignement et lui adjouster en toutes choses pareille foy et créance qu'à nous-mesmes; vous asseurans que, comme nous sommes bien informez de la parfaicte amitié que vous nous portez, nous essayerons d'y correspondre par tous les sincères effectz que vous debvez attendre de la nostre, ainsi que le dict sieur de Boissize vous fera plus amplement entendre; sur lequel nous remectans, nous prierons Dieu, Très haulte, très excellente et très puissante princesse, nostre très chère et très amée bonne seur et cousine, qu'il vous ayt en sa très saincte et digne garde. Escript à Monceaux, le xxx° jour de septembre 1598.

Vostre bon frère et cousyn HENRY.

DE NEUFVILLE

Copie. — Bibl. nat., Ms. fr. 4128, fol. 1.

A LA REINE d'aNGLETERRE

Madame ma sœur, Ce porteur, que j'ay choisy de ma main et que je vous envoyé, est mon serviteur très fidel et comme tel je vous prie le recevoir, en luy adjouxtant pareille foy que

vous feriez à moy-mesme, mesmement quand il vous asseurera de la continuation de mon amitié très constente, laquelle, Madame ma bonne sœur, ne vous defaudra jamais; car, plus Dieu me donnera de prosperitez, le désir de vous tesmoigner par effectz dignes des plaisirs que j'ay receus de vous ceste mienne affection m'augmentera. Croiez-le ainsy et l'esprouvez, je vous prie, Madame ma sœur, et vous trouverez que la paix, laquelle vous avez eu oppinion me debvoir desunir d'avec vous, comme elle m'a donné plus de moyen de me revancher de l'assistance que j'ay receue de vous, estreindra et fera prospérer nostre antienne et bien fondée amitié plus que jamais. C'est pour cela que je vous envoyé mon ambassadeur, chargé de faire les offices qu'il vous dira de ma part, dont je me promectz qu'il s'acquictera fidellement, comme fera éternellement de l'affection singulière que vous a

Vostre

HENRY

DK NEUFVILLE.

30 SEPTEMBRE 1598 Copie. — Bibl. nat., Ms. fr. 4128, fol. 1 v».

AU COMTE d'eSSEX

Mon cousin, J'ay commandé au sieur de Boissize, que j'envoyc devers la Iloyne, ma bonne sœur, pour demeurer mon ambassadeur auprès d'elle, de vous veoir de ma part, vous asseurer de ma bienveillance et vous en offrir les effectz, en tout ce qui se présentera pour vostre contentement. Partant, donnezluy créance entière et le favorisez en sa légation, afin qu'elle ne soit moins agréable et utille à la Royne, ma sœur, qu'à moymesme; car, en vérité, c'est mon intention, et l'est aussy, mon

cousin, que vous preniez toute fiance de moy, ainsy que vous dira ledit sieur de Boissize, sur lequel me remectant, je vous rocommanderay à. Dieu. De

HENKY.

DK NKUFVILLK.

Copie. — Bibl. nat., Ms. fr. 4128, fol. 21 v».

A MONSIEUR DE BOISSISE

CONSKILLKR EN MON CONSEIL d'eSTAT ET MON AMBASSADEUR EN ANGLETERRE

Monsieur de Boissize, Les déprédations que les Anglois continuent de faire en mer sur mes subjectz, mesmes de ceux de Sainct-Malo, me font escrire présentement à la royne d'Angleterre, ma bonne sœur, pour leur en faire faire raison, avec deffense à tous ses subjectz de plus rien attenter contre les miens, comme verrez, par la coppie de ma lettre cy-enclose, que je vous prie luy présenter et suyvant icelle luy faire instance et la requérir, de ma part, de satisfaire à la prière que je luy faictz, en faisant faire à mes dits subjectz restitution des dites déprédations ou de leur juste valleur, avec deffense à tous ses dits subjectz de plus empescher les miens, luy remonstrant le singulier désir que j'ay de demeurer en nostre mutuelle amityé et en l'observation de noz traittez et intelligence, remectant sur vous à y apporter tout ce que jugerez estre propre pour le bien de mon service et de mes dits subjectz, que je say qu'avez en toute recommandation. Sur ce, je supplie le Créateur, Monsieur de Boissize, vous avoir en sa saincte garde. Escript à Monceaulx, le vi'' jour d'octobre 1598.

HENRY

DK NEUFVILLE.

LETTRES DE HENRI IV. \t

Copie. — Bibl. nat., Ms. fr. 4128, fol. 22.

A LA REINE d'aNGLETERRE

Très haulte, très excellente et très puissante princesse, nostre très chère et très amée bonne sœur et cousine, salut. Les continuelles plainctes, que nous recepvons de noz subjectz, des pilleries et déprédations qui leur sont journellement faictes en mer par voz subjectz, nous a faict donner charge au sieur de Boissize, nostre conseiller et ambassadeur par delà, de vous en faire instance de nostre part, affm de faire rendre ce qui aura esté depredé et adviser aux moyens d'asseurer la liberté du commerce et traffic, pour empescher, à l'advenir, que telles déprédations ne se commectent plus; et, pour ce que les habitans de Sainct-Malo, en Bretaigne, lesquelz voyagent souvent en Espagne, Terres-Neufves, Barbarie, Levant et autres lieux, ont particulièrement, depuis trois mois, receu de grandes pertes, à cause des dites déprédations, chose contraire à la bonne amityé et intelligence d'entre nous, noz royaumes et subjectz, nous vous prions affectueusement, par la présente, de leur en faire raison et prompte justice, avec restitution ou la juste valeur de ce qui se trouvera avoir esté pris, et outre faire faire deffenses très expresses à tous voz subjectz de ne plus rien faire ny attenter à rencontre des vaisseaux, navires et habitans du dit Sainct-Malo, en quelque route et voyage qu'ilz puissent faire, comme aussy de tous noz autres subjectz, ainsy que j'escris présentement au dit sieur de Boissize vous faire plus amplement entendre, vous priant croire ce qu'il vous en dira de nostre part, qui prions Dieu, Très haulte, etc

Escript à Monceaux, le vi" jour d'octobre 1598.

HENRY- DE NEUFVILLK.

6 OCTOBRE 1598 Copie. — Bibl. nat., Ms. fr. 4128, fol. 22 v».

A MONSIEUR DE BOISSISE

Monsieur de Boissize, J'escris à la royne d'Angleterre, ma bonne sœur, les lettres desquelles je vous envoyé la coppie, avec la présente, que je vous prie luy présenter, et,suyvant icelles, luy faire instance et la requérir, de ma part, de faire raison et justice à Guillaume Jonchée, sieur de Fougeray, Jacques Porée Gatrevast et François-Martin Ghappelle, bourgeois et marchans de ma ville de Sainct-Malo, de la poursuitte faicte, depuis trois mois, par ung navire anglois mis en mer par maistre Davy, de Londres, d'ung vaisseau d'Iveuse (?), nommé la Fortune, de cl tonneaux, qu'ilz avoientfreté,etrevenoitdeGalix,en Espaigne, chargé de vi^escuz en reaux, lx tonneaux de sel, viii bottes de vin et autres marchandises, et deux autres petitz vaisseaux du dit Sainct-Malo revenus d'Irlande, pillez par autres navires anglois; remonstrant à ma dite bonne sœur que je n'ay rien de plus cher que de conserver la bonne amityé et intelligence d'entre nous, noz royaumes, pais et subjectz, à quoy les dites déprédations sont du tout contraires; y apportans, de vostre part, pour le bien de mon service et de mes subjectz, tout ce que sçaurez bien juger y estre nécessaire, ainsy que je l'espère de vous; priant Dieu, Monsieur de Boissize, qu'il vous ayt en sa saincte garde. Escript à Monceaux, le vi'' jour d'octobre 1598.

HENRY

DE NEUFVILLE

Bibl. nat., Ms. fr. 4128, fol. 22 vo.