A LA REINE D ANGLETERRE

Très haulte, très excellente et très puissante princesse, nostre très chère et très amée bonne seur et cousine, salut. Il nous a esté remonstré et faict plaincte, de la part de Guillaume Jonchée, sieur de Fougeray, Jacques Porée Gontrevast et François-Martin Ghapelle, bourgeois et habitans de ma ville de Sainct-Malo, en Bretagne, de ce que, depuis trois mois en ça, ung navire anglois mis en mer par maistre Davy, l'ung des principaux habitans de vostre ville de Londres, auroit pris ung vaisseau d'Iveuse (?), nommé la Fortune, du port de cent cinquante tonneaux, dont Jacques Saiget estoit maistre, qu'ilz avoient fretté et équipé, et avoit, par le bénéfice de la paix, faict le voïage de Galix, en Espaigne, au quel lieu il avoit chargé jusques à six mil escuz en reaulx, soixante tonneaux de sel, huict bottes de vin et autres marchandises de grand valleur, en intention d'aller en Terre-Neufve recueillir des morues, que Jehan Grosnier, leur facteur, avoit acheptées d'aucuns marchans particulliers, en vostre païs d'Angleterre, pour en estre faict la livraison par leurs navires pescheurs estans à la dite Terre-Neufve; et oultre, autres navires anglois auroient encorcs pillé deux petis vaisseaux du dit Sainct- Malo, qui revenoient d'Irlande; et d'aultant que les dits marchans de Sainct-Malo ont envoyé de delà, à la poursuite du recouvrement de leurs dites marchandises, dont ilz ne peuvent avoir justice : à ceste cause, nous vous faisons la présente, en leur faveur, en vous priant, aultant afîectueusemont (ju'il nous est possible, de faire faire raison et justice aus dits marchans de Sainct-Malo des dites prises et déprédations, en leur faisant au plus lost rendre et restituer les dits vi" escuz, sel, vin et autres

marchandises, et le dit navire au dit maistre, sinon, la juste valleur d'iceulx, sans les laisser consommer en une longue poursuite, avec grans fraiz ot despens, ainsi que la bonne amytié et intelligence d'entre nous, noz royaumes, pais et subjectz le requiert et que vous en désireriez de nous, en pareil cas, croyant au surplus ce que le sieur de Boissize, nostre conseiller et ambassadeur près vous, vous en dira plus particullierement de nostre part; sur lequel nous remectans, nous prierons Dieu, Très haulte, très excellente et très puissante princesse, nostre très chère et très amée bonne seur et cousine, vous avoir en sa très saincte et digne garde.

Escript à Monceaux, le vi'' jour de octobre 1598.

HENRY

DE NEUFVILLE

Copie. — Bibl. nat., Ms. fr. 4128, fol. 6 v».

A MONSIEUR DE BOISSISE

Monsieur de Boissize, Vostre lettre du if de ce mois fust receue en cette ville le xnii'' et me fut envoyée à Monceaux, où j'estoys encores le xv^ J'ay apprins par icelle le bon accueil que vous a faict la royne d'Angleterre, ma bonne sœur et cousine, les propoz qu'elle vous a tenuz, en vostre première audience, qui tesmoignent encores son mescontentement des choses passées, avec ceulx que vous luy avez respondus et tout ce qui s'est passé entr'elle et vous sur ce subject; sur quoy je ne puis vous dire autre chose, sinon que je suis bien satisfaict de la façon de laquelle vous vous y estes gouverné : car, comme je désire luy

porter tout le respect et honneur qu'il m'est possible, tant pour sa qualité et son sexe, que pour les plaisirs que j'ay receus d'elle en mes nécessitez, vous ferez chose qui me sera très aggreable, de supporter doulcement et patiemment, comme vous avez très bien commencé, ses plaintes et l'asseurer tousjours de la bonne volonté que j'ay de me revancher par effect de ses assistances, espérant luy donner occasion, avec le tempz, de perdre l'oppinion qu'elle s'est imprimée de la paix que j'ay faitte, de laquelle vous m'avez fait plaisir de luy dire que je seray très ayse qu'elle reçoive autant de bien et advantage que moy-mesme. Mais, après que vous luy aurez dit la dernière responce, que le président Richardot a faicteàLa Boderye, surceste prolongation de traitter qu'elle a demandée, dont le sieur de Yilleroy vous a adverty, abstenez-vous de luy parler de la dite négociation, si elle ne vous en ouvre le propoz la première, aflin qu'elle ne pense pas que je veuille l'embarquer au dit traitté, si elle n'en a bonne envie, ny que je l'affectionne, sinon autant qu'elle le désirera; car, je say quelle est sadeffiance, en laquelle ses serviteurs prennent souvent plus de plaisir de l'entretenir que de l'en tirer. Vous avez oppinion que son desseing est de traitter sans mon entremise, dont vous mettrez peine d'estre mieux esclaircy ; car, en vérité, je seroys très marry que cela advint, pour les raisons que vous pouvez très bien comprendre; et faut que je vous die que j'estime que c'est chose qui sera très difficile; car, j'entens que ce jeune roy d'Espaigne a plus grand envie de l'attacquer que n'eut jamais son père, lequel aussy, à sa mort, luy a recommandé la guerre d'Angleterre plus que toute autre, de sorte qu'il faut que la dite dame ait quelque autre but, lequel je me prometz que vous ne tarderez gueres à descouvrir. Nous avons adviz, du costé de Flandres, que l'armée espaignoUe a ja gaignc de grans advantages sur les Ilollandois, ayant pris Grol depuis Berck, avec plusieurs autres fortz. Faittes naistre Toccasion de mettre la royne d'Angleterre sur ce propoz, pour descouvrir son advis et intention sur les affaires de ce costé là, luy remonstrant, comme de vous-mesmes, quel sera l'advantage que tirera le roy d'Espaigne du bon sucrez de ceste guerre, si ceste prospérité dure, comme vous luy direz qu'il adviendra sans

double, si les dits Hollandois ne sont soustenus et assistez d'autres forces et moyens que des leurs, et me mandez ce qu'elle vous respondra; mais, prenez garde qu'elle ne cognoisse que je vous aye commandé de luy tenir ce langage, car elle en seroit plus retenue. Parlez-en aussi au comte d'Essex et secrétaire Gecill à diverses fois et continuez à me faire savoir ce qu'ilz auront descouvert. Aucuns ont dit que le roy d'Escosse a esté chargé par les dits prisonniers, mais je ne le croy pas, puisque ne m'en avez rien escript, joinct qu'on m'a mandé de Flandres, qu'ilz ont de nouveau envoyé en Espaigne le comte Bothwel, sur ce qu'il leur a proposé d'entamer le royaume d'Angleterre par l'Escosse, pour ruyner le dit roy d'Escosse avec la dite dame Ce sera tout ce que je vous escriray polir le présent, après vous avoir asseuré de mon entière convalescence, et prie Dieu, Monsieur de Boissize, qu'il vous ait en sa saincte et digne garde. Escript à Paris, le xxvii^ jour de novembre 1598.

HENRY

DE NEUFVILLK.

Copie. — Bibl. nat., Ms. fr. 4128, fol. 10 v».

A MONSIEUR DE BOISSISE

Monsieur de Boissize, Je receus hier seulement vostre lettre du xv!!*" de novembre. Vous aurez depuis seu la responce que le conseil de l'archiduc Albert demeuré à Bruxelles a faitte à La Boderye, sur celle que la Royne, ma bonne sœur, m'avoit prié de leur faire entendre sur ceste prolongation de traicter; mais, si l'advis, que nous a donné le dit La Boderye, d'une autre negotiation, que Ton a faict faire par ung nommé Gumans, natif

LETTRES DE HEiNRI IV. 17

d'Anvers, est véritable, on ne se serviroit de mon nom et entremise que pour couvrir celle-là ; ce qu'il fault mettre peine de descouvrir. A ceste fin, j'ay commandé au sieur de Yilleroy vous escripre les particularitez du dit adviz , encores que je n'y voye pas grand fondement : mais il ne faut rien négliger. Cependant, vous ferez bien de continuer à flatter la dite dame sur la deffiance qu'elle continue d'avoir de la donation des Pays-Bas, puisque elle y prend plaisir, encores que personne n'en face doubte et que je me laisse aller à l'opinion commune. En tout cas, la dite dame faict très bien et sagement de s'en esclaircir, devant que de s'engager plus avant à traitter. Je suis bien ayse aussy qu'elle ayt bien pris les propoz que vous luy avez tenu, de ma part, sur les affaires d'Irlande et que vous ayez eu esgard, en faisant cest office, au désir du comte d'Essex, affin de ne luy faire préjudice ; car, c'est mon intention de le favoriser en toutes choses, sçachant n'y avoir personne par delà plus capable de servir la Royne en la dite guerre que luy. Yray est-il qu'il me semble qu'il ne debvroit retirer de Zelande et Hollande les soldalz qui y sont; car cela affoiblira tousjours les Estatz des Pays- Bas, lesquelz n'ont desja que trop de besoing d'estre assistez et favorisez ; car nous debvons désirer que les ditz Estatz se réduisent plustost par ung bon accord avec l'archiduc Albert que par la voye des armes ou par nécessité : de quoy vous pouvez jecter quelques traitz à la dite dame, comme de vous-mesmes, quand vous la trouverez à propoz; mais, vous en pourrez discourir plus ouvertement avec le dit comte d'Essex, car j'estime qu'il ne desire pas la perte et ruine des dits Estatz. L'on m'a escript de Bruxelles que le comte de Bothwel a eu de l'argent du Cardinal, pour passer en Espaigne, et qu'il s'y est acheminé par mer, et que c'est pour proposer un moyen de faire la guerre à l'Angleterre par la porte d'Escosse; et estime l'on qu'il sera bien receu de ce nouveau Roy, pour le désir qu'il a d'imiter la i)ie(c ou opiniastreté d(; son i)ere contre ceux de contraire religion. Toutesfois, il semble que ilz ne s'entendent bien avec le roy d'Escosse et que c'est par le moyen du Pape que ceste intelligence s'entretient, dont vous pourrez aussy dire ung mot au dit comte d'Essex, affin de descouvrir ce qu'il en pense. Je suis bien ayse

18 PIKCt:S JIISTII'ICATIVKS

(|ue la dite duiiio ayt bien pris rouvorturc ({ue vous luy avez faille contre les déprédations et seray encores plus conlenl , (juand je verray que les efïeclz s'en ensuyvront. Parlant, vous en" ferez la poursuitle avec dilli^^ence et me donnerez advis'de ce qui s'y advancera, priant Dieu qu'il vous ayt, Monsieur de Boissize, en sa saincle garde. Escript à Saincl-Germain-e-n-Laye, le iiij° jour de décembre 1598.

HKiNRY.

1)K M::UF VILLIi.

Copie. — Bibl. nut., Ms. Ir. 4128, fol. lo.

A MONSIEUR DE BOISSISE

Monsieur de Boissize, Vous verrez, par la lettre' que j'escris à la royne d'Angleterre, madame ma bonne sœur et cousine, l'instance que je luy fays, pour la restitution d'ung vaisseau appartenant à quelques marchans de ma ville de Marseille, lequel, il y a environ sept ans , fut prins par une robergo d'Angleterre et mené à Porseume. Ce porteur va vous trouver exprès, avec ma dite lettre, de laquelle je vous envoyé le double, vous priant vous employer de telle sorte, pour la restitution du dit vaisseau et des marchandises dont il estoit chargé, ou de la juste valleur d'icelles, que les dits marchans, qui en ont faict longue poursuitle en mon conseil d'Estat, estans satisfaitz par delà, n'ayent plus d'occasion de m'en faire nouvelle plaincte, et vous me ferez service très aggreable; priant Dieu, Monsieur de Boissize, qu'il

1. La lettre à la reine d'Angleterre, que M. de Boissise devait lui présenter, a été imprimée dans le Recueil des Lettres missives (V, 11).

vous ait en sa très saincte et digne garde. Escript à Sainct- (lermain-en-Laye, le xiii'' jour de décembre 1598.

HENRY

DE .N KUFVILLK.

Copie. — Bibl. nat., Ms. fr. il28, loi. 16.

A MONSIEUR DE liOISSlSE

' Monsieur de Boissize, J'ay estimé debvoir tesmoigner à la royne d'Angleterre, ma bonne sœur, lajoye que j'ay receue de l'adviz, que vous m'avez donné, de la justice qu'elle a faitte do ces deux malheureux, qui avoyent entrepris de l'empoisonner, pour tousjours lui donner plus grande asseurance de la continuation de mon amityé. Je vous envoyé, pour ce faire, la lettre escripte de "ma main, que vous recepvrez avec celle-cy, laquelle vous luy présenterez et l'accompaignerez des propoz que vous jugerez convenables à mon intention. Je receus hier la vostre du iiu" de ce mois, maiz je n'ay encores veu ceUe du xxix*^ du passé, dont elle faict mention. Je n'ay pas laissé pour cela de demeurer très satisfaict de la bonne justice que vous avez mandé par ceHe-cy avoir receue de ma dite sœur, sur les plainctes que vous luy avez faictes des pyratteries commises par ses subjectz sur les miens, et que ses officiers se monstrent maintenant, à son exemple et par son commandement, plus traictables et équitables en cela qu'ilz ne soulloyent, dont je vous asscure avoir aussy lost faict une bonne despescbe aux officiers de mon adniiraulté, aflin que, de leur costé, ilz rendent bonne et brefve justice aux Anglois; mais je suis bien de cest adviz qu'il ne faull pas laisser pour cela la poursuytte de la loy contre les dites

20 PIÈCES JUSTU'IGAÏIVES.

piratteries, que vous avez eu charge de proposer, afliii d'en tirer (juelque resolution qui soyt certaine, avec ampliation ou déclaration de l'article du traitté de Tan 1596, qui faict mention du traffic, à ce que mes subjectz puissent librement commercer en Espaigne,sans estre fouillez ni destournez à ce faire par les siens; car, c'est chose qu'il me semble qu'elle ne nous peut refuser, sans faire brèche à mon amityé, laquelle ne m'oblige de priver mes subjectz du dit trafiic, que la paix que j'ay faicte avec le roy d'Espagne leur donne, soubs prétexte des deftcnces, qu'elle a faictes en son pays, de porter des vivres et munitions en ceux du dit Roy. Partant, faictes-en instance et m'advertissez de l'ordre qu'elle y donnera, luy faisant entendre et à ses conseillers que, si elle refusoit à mes subjectz ceste liberté et seureté, elle me donneroit très grande occasion de me plaindre de son amityé et qu'il n'en pourroit naistre que tout mal, au lieu qu'elle et ses subjectz peuvent avoir part à l'utilité que nous tirerons du dit commerce, duquel aussy je donneray bon ordre que mes dits subjectz n'abusent point, et ne porteront aux pays du dit Roy aulcunes munitions de guerre , comme vous luy direz , continuant à me donner adviz soigneusement de ce qui se passera par delà. A tant je prie Dieu, Monsieur de Boissize, qu'il vous ayt en sa sainctc garde. Escript à Sainct-Germain-en-Laye, le xvii'' jour de décembre 1598.

HEiNRY.

DE NEUFVILLE

Copiei. — Bibl. nat., Ms, h\ 4128, loi. 16 vo.

A LA REINE d' A NGLETERR E

Madame ma bonno sœur, Ayant sceu la grâce que Dion vous a faicte d'avoir de nouveau descouvert et chastié une malheureuse conspiration faitte contre vostre personne, comme j'en ay remercié Sa Majesté divine du meilleur de mon cœur, j'ay bien voulu aussy m'en conjouir avec vous, comme celuy qui estime avoir après vous plus de part que tout autre à ce qui vous concerne. Madame ma sœur, ceux-là sont les mieux gardez, qui le sont de la main de Dieu, comme vous et moy avons mieux esprouvé que nuls autres ; mais je ne croiray jamaiz que les auteurs et fauteurs de semblables trahisons prospèrent, car elles sont trop indignes d'un chrestien et aliénées de toute humanité. Rejouissons-nous donc ensemble, en la possession et jouissance du bénéfice que nous recepvons de la protection de sa divine bonté, et de veoir que nostre félicité serve de honte et de crevecœur à ceux qui l'ont enviée et ont souillé leur conscience et réputation de l'infamie de telz maléfices, en conservant et mesnageant chèrement nostre commune et réciproque amityé, à laqueUe je vous prie de croire, Madame ma bonne sœur, que ne manquera jamais, ainsy que vous dira mon ambassadeur,

Vostre

HENRY