M. DK VILLEROY A M. DE BOISSISE

Monsieur, Le Roy estant venu faire une course jusques icy, pour recognoistre ce fort de Saincte-Catherine, la bonne fortune de Sa Majesté a voulu que ceux de dedans ayent capitulé avec elle, comme ilz ont faict, et promis de luy rendre la place, le xvii° de ce mois, en cas qu'il ne leur vienne une armée qui la contraigne de lever le siège, tellement que. Dieu ayant beny ses entreprises jusques icy, nous espérons qu'il couronnera l'œuvre par la reddition du dit fort, au tempz qu'il a esté promis, de quoy Sa Majesté m'a commandé vous advertir, en vous envoyant le mémoire de ce qui s'est passé en ses affaires, depuis mes dernières...

Copie. — Bibl. nat., Ms. fr. 4128, fol. 228 v».

M. DE VILEEUOY A M. DE HOISSISE.

Monsieur, Nostre accord avec Monsieur de Savoye n'est accroché qu'au poincf que vous escrit le Roy, car nous avons

convenu de l'cschangc. Nous luy laissons le marquizat, avec Cental, Demont et Rocquespervieres, ensemble l'artillerie qui y estoit, et luy rendons la Savoye, avec tout ce que nous avons pris sur luy, et il nous cède toute la Bresse, avec le Baugey et Veroiné, jusques à la rivière du Hhosne inclusivement, avec certains villages assis sur le bord de la dite rivière, du costé de delà. Il nous transporte aussy le balliage Gez, qui abbouttit à la ville de Genefve et passe jusques aux terres du canton de Berne. Il est vray que nous avons consenti estre retranché du dit partage ung chemin et passage, par ung coing du Baugey, pour aller de Savoye au comté de Bourgongne,pour contanter les Ilespaignolz, à la charge aussy qu'ilz ne pourront faire aucune forteresse, tellement que le dit passage demeurera tousjours à la discrétion du Roy. Le chemin est fort court et estroict : il est plus pour l'honneur que pour la seureté. Outre cela, le dit duc nous doibt bailler cent mil escus en argent comptant, plus pour tenir lieu d'amande de sa faulte que pour l'argent, nous estans contantez de l'art-illerie qui est dedans Bourg, avec celle que nous avons gaignée en Savoye ; mais le cardinal Aldobrandin insiste d'avoir Saincte-Gatherine, au lieu que le Roy veut qu'il soit desmoly, et de faict il a commandé qu'il soit ruiné...

Par le susdit eschange, il semble que nous vouhons abandonner le soing des affaires de l'Italye, quittans toutes les places qui sont delà les monts qui nous appartiennent, de quoy les Hespaignolz ne seront marris, car ils seront deslivrez de la jalousie qu'ilz en avoyent. Il est vray que nous estendons aussy grandement les bornes de nostre frontière du costé de deçà, car les dits pays de Bresse, Baugey et Veromé sont grandement bons et pleins de noblesse, et nous donnent le chemin de Suisse et d'Allemaigne à souhait. Tant y a que ce partage a esté jugé plus utille et plus scur que l'autre, bien que de plusieurs cestuy-ci fust estimé plus honorable, tant pour ce que le dit marquisat estoit le subject de nostre querelle que c'est nostre antien patrimoyne, et qu'il nous donnoit ung grand advantage sur les voisins d'iceluy, avec non moindre créance et auctorité en Italye. Or le tcmpz sera le meilleur juge de l'élection que nous avons faicte du dit eschange, et ne vous en diray davantage,...

Copie. — Bibl. nat.,Ms. fr. 4128, fol. 233.